¹ U Yesu akati ingila mwi boti, akambuka inyanja, akisa mu chisu cha kukwabo. ² Abandu bamu bakisa kukwake nu mundu umulemale, bakamughoneka pa chinyasi. Bwo u Yesu aketa u lwitiko lwabo akamubula umulemale yula akati, "Mwana wangu, kala indumbula. Imbibi shako shahowokeliwa." ³ Po abamanya indaghilo bamu bakati mu ndumbula shabo, "Umundu uyu akamutaka ⁴ Po u Yesu akamanya inyinongono shabo akati, "Chifukwa chiki mukwinongona ifindu ifibibi ngati ifi mundumbula shinyu? ⁵ "Ngimba ichipepe chochiliku kuyugha kuti, imbibi shako shahobokeliwa" 'nyatuka wendaghe. Lole apa mumenye ukuti umwana wamundu ali namaka ukuhobokera imbibi muchisu?" ⁶ Po akamubula akati, "nyatuka witwike ichitala chako ubukaghe kukwinyu". ⁷ Umwene akanyatuka akabuka kukwabo . ⁸ Abene abandu ichilundilo choshi bwo ba shiketa shishi, ulutende lwa bakolite, bakamupala Uchala yo akabapa abandu amaka ngati agha. ⁹ Lole bwo u Yesu akupulusania ukufuma palapala, akamuketa umundu yumo yo ali wi Matayi ingamu yake, bwo ikile po bakasongelagha" ¹⁰ Lole bwo u Yesu ikile ali pakulya munyumba po abasongesha songo nabatulanongwa ba bighi bakisa, nu kwikala pamupene nu Yesu nabafundiwa bake. ¹¹ Abene aba falisayi bwo bashiketa, bakabalalusha abafundiwa bake bakati, chifukwa chiki cho umumanyishi winu akalya nabasongesha songo na batulanongwa?" ¹² Lole umwene bwo apulika akabamula akati, "Tabene bo bali akisa bakumulonda umughanga, lole bo babinite. ¹³ Lole timuye mubamanyilaghe mwo likusanusha ilishu lya likuti, ngulonda ulupokisho, fyoma ifyabupe; nama ndakisa pakubitisha abagholofu, nashiku, lole abatulanongwa." ¹⁴ Popapo bakisa kwa Yesu abafundiwa ba Yohani, bakamulalusha bakati, "Koni apa uswe naba falisayi tukufunga ifyakulya, lole abafundiwa bako batakufunga?" ¹⁵ Umwene u Yesu akabamula akati, "Ngimba bo bali palusekelo lwla bweghi babaghile ukasulumania akabalilo koshi ko ali nabo yo akwegha umukolo, po tise bafungaghe ifyakulya. ¹⁶ Nayumo atakumatika ichighamba chamwenda umupya pamwenda umukulu; papo ichighamba chikunyapulaniako umwenda po ghukongelelapo ukunyapuka. ¹⁷ Sona ataliko nayumo umundu yuyo angapungulila ubwalwa ulupya munyambi sha fikwela ifikulu. pala angabomba bunobuno ubwalwa ubupya bula banga banganyolola ifikwela ifikulu, po ubwalwa bunga kupukila pase. po inyambi shafikwela shikukomanika. Lole bakukusha ubwala ubupye munyambi shafikwela ifipya. po fyoshi fibili fikusungiwa akisa no kukomanika" Umwana umulindu uwa yayiro nu mukolo yuyo akapalamasha umwenda wa Yesu. ¹⁸ Po u Yesu ali pakuyugha shishi, po kukisa yumo usongo uwanyumba yakwiputilamo, akafughama akuyugha nu Yesu akati, "Umwana wangu umulindu afwashe lulu; lole wise umubike akakono kako, po tise abe mwimi." ¹⁹ Popappo u Yesu akanyatuka, pamupene nabafundiwa bake. ²⁰ Lole po umukolo yumo ali nimbungo ya kufuma ibanda ifyinja 12, akapalamila kupipi kunyuma nukupalamasha kuchipeto cha mwenda wa Yesu. ²¹ pakuti akiyughaniaghashe mwene mundumbula yake akatingi, "Napo ningaghupalamashashe umwenda wake inguya pakupola." ²² umwene u Yesu akashutuka bwo amubona akamubula akati, "kibagha mwana wangu ulwitiko lwako lwakupoka" pakabaliro kakako umukolo yula akapola. ²³ Umwene u Yesu akafika pa nyumba ya mukulumba wanyamba yakwiputilamo yula. ²⁴ Bwo ababweni bobakubagha amalonge nifilundilo fyabandu bo bayweghagha, akababula akati," mufumeppo nama akalindu aka katafwile, kaghoniteshe utulo." Abene bakaseka. ²⁵ Lole bwo bakafumikisha pase, po akingila nukukola akakono kake; akalindu kanyatuka. ²⁶ Po amashu agha ghakafumukwa koshikoshi muchisu chila. ²⁷ Umwene u Yesu bwo akupulusania papo, pakaba abafwa maso babili bakamukonga, bakakolela bakati, "Uli tupelela ichisa, we mwana wa Davide!" ²⁸ Po bwo ingila munyumba, abafwa maso bala bakisa kukwake; umwene u Yesu akabalalusha akati, "Ngimba mukwitika ukuti mbaghile ukubaposha?" abene bakati "naloli malafyale" ²⁹ Po akawaposha amaso ghabo akati, "Shisaghe isamwo ulwitiko lwinu lubelile" ³⁰ Po amaso ghabo ghakighuka umwene u Yesu akabasoka akati, "Koma ukumubula nayumo Umundu ³¹ Lole abene bwo bafuma bakashifumusha mwoshi mu chisu chila imbombo inyisa Isha Yesu . ³² Lole bwo bakufumapo abandu bala, pobakamwisila nu mundu uchinunu, uwa mipepo iminyali. ³³ bwo ayitishishe imipepo iminyali, yuyo akaba uchinunu akanda ukuyugha. ³⁴ po ichilundilo chikati, "Shitabonekitemwo shiku mu Israel". lole abafalisayi bakati, "Mumaka ghasongo wamipepo iminyali momumwo akutisuikisha imipepo iminyali". ³⁵ Ichisa cha yesu ku bandu popapo uyesu akashulila utwaya twoshi utukulu mu tunandi, akamanyi shanga munyumba shoshi isha kwiputilamwo, nukulumbiila amashu amisa aghabunyafyale; Sona akposha imbungo shoshi nimbina shoshi. ³⁶ bwo afibweni ifilundilo, po ichisa chikamukola, pakuti bakalita, bakanyambana ngati ng'oshi shisho shita nuwakulisha. ³⁷ popapo akayugha kubafundiwa bake akati "umufunjo ghamwingi naloli, lole ababombi banandi. ³⁸ po musumangh kumwene mufunjo, akuti abatumaghe ku mufunjo wake".