¹ uyesu abitisha abatumiwa wake tweluvu(12), akabapa amaka aghkapotela imipepo iminyali nu kuyitisha, naghakuposhekesha imbungo shoshi nububine bwoshi. ² Ishene ingamu shabatumiwa (12) shoshi ishi: uwakwanda ali wi Simoni yo batingi peteri nu andreya umununghuna wake, yokobu umwana wa zebediya nu Hohani umunung'una wake . ³ Filipu nu bardturumeyu tomasi nu mateyu umusongesha isongo.yokobu umwana wa alufeyo, nu Tadeyo. ⁴ Simoni uwa mukaya ka kanani nu yuda wamuchisu cha Kariyoti, yuyo pabumaliro akamubika uYesu mutukono twabalughu. ⁵ Abandu Bala tweluvu(12) uyesu akabatuma akabakomelesha akati, "manye mubukaghe musila abapanja, koma nukuya pakwingila mukaya ka basamariya." ⁶ Lole chisa mubukaghe kung'oshi shisho shisobite ishanyumba ya Israel. ⁷ pala mukwenda mulumbililaghe lyene lilyakuti, 'ubunyafyale bwakumwanya Bali pipi ' ⁸ Muye muboghangule ababine, muye mubasushaghe abafwe, muye mubaposhe nabambungo yabukoma, muyemutishange nimipepo iminyali; mwambililagheshe numwe mupangeshe. ⁹ Koma ukwegha indalama Isha golide no sha siliva, nishamufikope na munyambi shinu. ¹⁰ Nalinga yonyambi yakubikamo umbayo ya musila, yoma nimiselekesha mibili, fyoma nifilato, yomaningomu. Nama kumubaghile umubombi ukwmbilila ifykulya ifyake. ¹¹ Akaya koshi akakulu pamu akanandi mwotiyemeingilaghemwo, mwomuye mulondaghe yo abaghile muyemwikala nawe muka potinukafumaghemwo. ¹² Pala mukuya pa kwingila munyumba, muye muyughaghe ukuti ulutengano lube nuwe. ¹³ Linga umundu uwamumunyumba yila abambilila, po ulutengano lwinyu lube nawe. Nadi ata kubambilila, po ulutengano lwinyu Lubaghalukile meebenecho. ¹⁴ Linga umundu atabambilila, nalinga kokupulika amashu ghinyu, pakufuma munyumba yila pamu muchisa chila, mumukung'undile akafumbi kakalundi kinyu. ¹⁵ Naloli ngubabula nguti ,pishiku lyabulongelo, inongwa ya chisu cha sodomu nagomora tiyikabepo nyisa ukukinda inongwa yamuchisu chila. ¹⁶ Ukufwimiwa ko kukwisa "pulikisha! ngubatuma ngati ng'oshi pakati pa mbumbi. po mube bachefu ngati injoka Sona mube bamyeke ngati ngwanda. ¹⁷ Lole muchebe nabandu, chifukwa tisebabike mubulongi Sona tise ba fyapule munyumba shabo ishakwipulilamwo. ¹⁸ Tise bababike pandashi pamakambala na pabanyufyale chifukwa changu, ukuti lube lushimikisho kukwabo nakubapanja. ¹⁹ lole linga bakuya pabapa inongwa, manye muye mwiyayaghe, chicho time muyughe.papo chicho mukuya pakuyugha tiyemupeghiwe pakabariro kalakala. ²⁰ papo tamwemukuya pakuyugha, lole umbepo watata winyu weyo akuya pakuyughila mumwinyu. ²¹ "Umukamu akuya pakumubika umukamu wake akuti aghoghiwe, uwise wepe akuya pakumubika umwana wake akuti aghoghiwe. ²² Abana bakuya pakubasambukila abapapi babo ukuti baghoghiwe" Tiyemubengiwe na bandu boshi pakuti mukupulirakana nunev. ²³ Lole yuyo akuya pakukiba mupaka pabumaliro yo akuya pakupona. Lole unga bakuya pakubafwima mukaya aka, po iye mukindilaghe mukaya akangi. Nama naloli ngubabula umwe ngati, tasemumale utwaya twoshi utwa Israel be atisile umwana wamundu. ²⁴ "Umufundiwa atamulandite umanyishi wake ubukulu, wepe numutumwa atamukindite umalafyale wake." ²⁵ Kumuyanite umufundiwa ukubangati mumanyishi wake, wepe mutumwa kumanyanite ukubangati Malafyale wake. Nandi umwene nyumba akwitishiwa belezebuli ngimba ukukinda uwamu nyumba yake tiitishiwe bulele ? ²⁶ Yuyo mubaghile ukumwoghopa "po manye muboghope abandu papo kataliko nakamu akandu kako kakupikiliwe kotase ka fumbuliwe, pamukolamamite kotase kamanyikwe. ²⁷ Chi ngubabula muchisi, choyemuchiyughaghe pabwelu Sona chotiye babateketelaghe iye muchifumushange pamwanya pa nyumba." ²⁸ Manye moghopaghe babo bakughogha umubili, lole mumoghopaghe uchala yuyo akughogha umbepo nu mubilo ghughoshe mugehena. ²⁹ Ngimba ututundulu tubili tutakughulwa akandalama kanandi? ³⁰ Sona nakamu nalinga kokamukene kako kakubapase ukwambula ukuti utata winyu itikisha. Nalinga chingwili chinyu chakumuta chibelengiwe choshi. ³¹ Po mamwogho panghe, umwe Mee baghindikiwa ukukinda ututundulu tutwingi. ³² "Weshi yuyo akunyitika pandashi pabandu, Nune nguya pakumwitika pandashi patata yuyo Ali kumwanya." ³³ Lole weshi yuyo akangana pandashi pa bandu, Nune nguya pakumukana patata yuyo Ali kumwanya. ³⁴ Manye mwinong'onaghe ukuti nisile nulutengano muchisu; nashiku, ndakisa pakubika ulutengano lole bubwite. ³⁵ " Nama nisile pakubalumania umwana umulumyana na wise, wepe nu mulindu nang'ina, umulasagha nu ng'inafyala; ³⁶ Umundu, aba munyumba yake bo tise babe balughu bake . ³⁷ Yuyo amughanite uwise pamu ung'ina ukukinda une, atabaghile uba mufundiwa wangu. Sona yuyo amughanite umwana umulumyana pamu umulindu atabaghile ukubamufundiwa wane. ³⁸ Yuyo atakunyatula ichipingika nakungonga une, atabaghile ukubamufundiwa want nashiku. ³⁹ Yuyo akusunga ubwumi bwake, tise abutaghe, sona yuyo akubutagh abwumi bwake panongwa yangu, tise abwaghe. ⁴⁰ Yuyo akubambilila umwe yo akunyambilila une; Sona nandi yuyo akunyambilila une, yo akunyambilila yuyo andumite une. ⁴¹ "Yonandi akunyambilila umusololi, tise afwale umufwalo, ngati musololi. Sona yuyo akunyambilila umundu umugholofu pakuti umundu yula mundu mugholofu tise afwale umufwalo wakuyana numundu umugholofu. ⁴² naloli ngubabula une nguti weshi yuyo akapa ichakungwelamwo amishi amapole, kuwa banandi aba, pakuti mufundiwa, tase akataghe umufwalo wake nashiku.