¹ Bwo uYesu amalite ukuwalingania abafundiwa bake tweluvu (12), akafuma nukuwuka pakumanyisha nukulumbilila mutwaya twawo. ² umwene u yohani yo akaba munyumba ya bupinyiwa, bwo apulika imbombo Sha kiristu akabatuma abafundiwa pakubushikisha kwa Yesu. ³ bakati wewe batingi bati kwisa pamu tulindililaghe uyungi? ⁴ uYesu akababula akati, "Ghalukila kunyuma mumubule u Yohani fifyo mwafipulika na fifyo mwafiketa ⁵ abafwa maso bakuketa bakukwefuka bakwenda abambungo ya bakoma bakapola abamapuli bakupulika, abafwe bakushuka, nabapina bakupulika, ubulumbili ubwisa. ⁶ musayiwa Yuyo akakwikinyamwo mumwangu." ⁷ Bwo abafundiwa ba Yohani bakubuka, u Yesu akanda ukuchibula ichilundilo akati, "Ngimba po mwabukagha kwa Yohani mumatengele, po mwati mukuya pakuketa fyoniko? ngimba mukaya pakuketa ulutete lulyo lukuneng'ena nimbepo? ⁸ Ngimba chicho mukabuka pakuketa choni? Umundu Yuyo afwete imyenda ya pamwanya? Nashiku, bo bakufula imyenda ya pamwanya bakwikala mu nyumba ya banyafyale. ⁹ Ngimba mwabukagha pakuketakiko?umusololi naloli, ngubabula umwe inguti, mwamubweni uwapamwanya akukinda nu musololi. ¹⁰ uyu weyo asimbagha muyughaghe agha kuti, keta, tinise indume uwandumi want pandashi pako, Yuyo tise atendekeshe isila yako pandashi pako? ¹¹ Naloli ngubabula umwe inguti boshi bobapapiwe mubakolo atabonekitemwo uwapamwanya ngati will Yohani umwoshi, lore umukeke kuboshi munyafyale bwakumwanya, yo amukindite ubwapamwanya. ¹² ukufuma mumashiku gha Yohani umwoshi, ukwisafika apa, abandu bakubulondalonda ubunyafyale bwa kumwanya, ukuti babukanishe. ¹³ pakuti abasololi boshi Sona nindaghilo Sha Mose bakasololagha mupaka pakabalilo ka Yohani. ¹⁴ Linga mukwitika ukughambilila amashu ghabo, po u Yohani weyo will Eliya yo bakatingi akwisa. ¹⁵ Yo Ali namakutu apulike. ¹⁶ Ngimba ningabafwanikisha nakoni abandu aba apa? Bali ngati bana abakeke bo bikile pamaliketi, bakukolela kubanine bakuti! ¹⁷ Tubalishekishe ilonge Lole batakanitepo lumo. Twililisha Lole mutakalila nutwe''. ¹⁸ U Yohani akisa atakalyanga nakomo, Nalinga ko ngungwa abandu akati alinimipepo? ¹⁹ umwana wamundu akati isa, akalya nukungwa, abene bakuti, keta umupafu uyu, uching'wela uyu, songo nabatulanongwa! Amahala gho ghakubonekela nimbombo shake ukubamufundiba mugholofu. ²⁰ popapo Yesu akanda ukutukemela ingulu ngani. Pakuti abandu bamulamula batapindukite nashiku. ²¹ Akati, bobutolwe buki bubwo tibise ube nabo we kolezini bobutolwe buki bubwo tibise ube nabo we betisaida pakuti imbombo ingulu shisho shikabombiwa mumwinyu, namukaya ka Tili naka sidoni, po ngali bakapinduka lulalula, po ngali bakafwa nukufwala ifisepe nukwikala mwilyoto. ²² Lole ngubabula une inguti tishikabe mbepo ishakaya ka Tili naka sidoni pishiku iyabulongelo, ukukinda ishinyu. ²³ Nuwe wekaya Ka kapernaumu ngimba ukulonda ukukwesha mupaka ufike kumwanya? tiwiyishe pase mupaka ufike kugehena: Pakuti imbombo ingulu yiyo yikubombiwa mumwako yoyo yikubombiwa musodomu,ngani yilikoshe mupaka apa. ²⁴ Lole ngubabula nyuti, nichisa na bandu wa musodomu pakukinda uwe." ²⁵ Pakabalilo kalakala uyesu akati, "Ngubapalisha umwe, Tata wakumwanya na pase, pakuti mukafifa ifindu ifi kubamahala nabobakumanyira,sona mukabafumbulila abafyele. ²⁶ lnga Tata, pakuti mwomwo iwabelile wulaghilo lwako. ²⁷ "U Tata fyoshi ambile une, Sona atalipo nayumo yuyo amumenye umwana, Lole yu Wise. Sona atalipo nayumo umundu yuyo amumenye u Wise lole yu mwana, na weshi yuyo umwana amusalite ukumufumbulila. ²⁸ Isagha kumwangu mweshi mwe mukutamiwa, mwe munyatwile ifing'uwamu, timbape ubutusho. ²⁹ Egha ichigholigholi changu, mwipinye nacho po mumanyile kwangu. pakuti need mwololo nu kwiyisha mundumbula, potimutushange mubwumi bwinu. ³⁰ Pakuti ichigholigholi changu chipepe pakwipinga nacho, posona nichinyamulwa changu chipepe.