¹ Akabalilo kako pishiku iya sabata, U Yesu akendagha mumughunda, Abafundiwa bake bwo balinisala, bakanda ukupulula ifumbwafumbwa Sha ngano nukulya. ² Lole bwo afalisayi bakaketa bakamubula bakati keta abafundiwa bako wakubomba shisho shili mwiko ukuwomba pishiku iya sabata. ³ Umwene u Yesu akababula akati, "Ngimba mutakabelenga shisho akabomba u David, bwo alinisala nabandu abo akaba nawo. ⁴ umwene akingila munyumba ya chara nukulya ifibama ifyikemo, fyo fikaba mwiko ukuti alye Sona nabo akaba nabo, Lole abaputi bene? ⁵ Ka ngimba mutabelengitemo shiku mu ndaghilo Sha Mose, ukuti pishiku iya sabata abaputi munyumba yachara bakunyasha isabata; Lole batakuba ninongwa? ⁶ Lole ngubabula umwe inguti umukulumba na munyumba ya chala alipanupanu. ⁷ Lole linga mwashimenye ishi shikusanusha amasimbo agha ghakuti ngulonda ichisa, fyoma fyaupe, ngali mwaleka ukubayugha ububibi ubambula nongwa. ⁸ Pakuti umwana wa mundu will malafyale pishiku lya sabata. ⁹ Popapo u Yesu akafuma akingila munyumba yabo iyakwiputilamo. ¹⁰ Mwo akabamwo Umundu uwakakono akafwe; abandu bakamulalusha bakati, "Kali kabaghile ukumuposha Umundu pishiku lya sabata?" Namanga watingi mwo bakalyaghilamwo ilyakumwoyela. ¹¹ Umwene u Yesu akababula akati, "Kali angaba wini mumwinyu yuyo ali ni ng'oshi yimo, yo Yuyo atangayikola nukuyipokesha linga yiwilile mu bwina pishiku lya sabata? ¹² Ngimba Umundu ayikindite ing'ashi ubupala? pofwani babaghile ukubomba inyisa pishiku lya sabata." ¹³ Popapo akumubula Umundu uwa kakono akafwe akati, "Gholosha akakono kako." Poumwene akagholosha, po kakabashe akisa kene ngati kanine. ¹⁴ Abafalisayi bakafuma kuse, bakakomana nukuyughisania mwo bangamughoghela u Yesu. ¹⁵ U Yesu mwo ashimanya shishi, po akatilapo pa buyo bula. Po ichilundilo Cha bandu chikamukonga Sona akabaposha ababine boshi. ¹⁶ Akabakanisha akuti manye Baye bababulaghe abandu abangi afyake. ¹⁷ Ichi chikabombiwa ukuti ghakwanilishiwe amashu agha Yesaya umusololi aghakuti, ¹⁸ "Keta umubombi wangu Yuyo imusalite, umughaniwa wangu, Yuyo indumbula yangu yikuhowoka nawe! Yo tingabikepo umbepo wangu papake, Tise alumbililaghe ubwanaloli kubapase. ¹⁹ Tase alwange nu mundu nashiku, Sona atase abe nimiywegho, Nayumo ²⁰ ulutete lulyo lupetamite tase alupyole, Ninyale you yikwaka panandipanandi tase ayishimie, mpaka tise alongoshe nubulongoshi ubwaupoti. ²¹ Po abakuse tise basubile mungamu yake." ²² Popapo abandu bamu bakisa kwa Yesu numundu umufwa amaso Sona atakayughagha pakuti akaba nimbepo inyali. U Yesu akamuposha, popapo Yuyo atakayughagha akandu ukuyugha nukuketa. ²³ Po ifilindilo fyabandu fyoshi fikayugha fikati, "Yuyo weyo mwana wa David?" ²⁴ Lole mwo abafalisayi bapulika, bakati, "Umundu uyu atakufumiagha imbepo inyali nashiku, lole, akufumikisha mumaka gha Belezebule, uyu weyo wisonga wa mbepo inyali." ²⁵ umwene u Yesu mwo ashaghania inyinong'ono shabo, akababula akati "linga abandu ba bunyafyale bumubwene bakupaghulana, ubunyafyale ubu bukunyambanika. Popo abandu ba kaya pamu abanyumba yimuyene linga bakupaghulana, Po akaya pamu inyumba iyo yitangabako. ²⁶ Wepe nu setano linga akumutisha usetano umunine, bwo iyabanishe mwene, ngimba ubunyafyale bwake bungawako bulele? ²⁷ Po linga une ngusifumikisha imbepo inyali mwa Belezebule, abanyako tisebasifumukishe mwani? pobunobuno tise babe bakubalonga umwe. ²⁸ Lole linga une ingusifumikisha imbepo inyali mwa mbepo wa Chala, Po ifwa ubunyafyale bwachala bubisile ume. ²⁹ Pamo ngimba abaghile bulele yumo akwingike munyumba ya mundu uwamaka nu kwiba ifyuma fyake kisita bamupinya tashi uwamaka yula? Pala angamupinya Po abaghile ukubomba ify munyumba yake. ³⁰ Yuyo atapamupene nune; Sona yo atakubungania Nune akunyambilila. ³¹ Po ngubabula inguti, imbibi shoshi nukutuka abandu tise bahobokeliwe Lole ishakumutuka umbepo tashikahobokeliwe. ³² Weshi Yuyo tiamutuke umwana wamundu, yotise ahobokeliwe; Lole linga yo akumutuka umbepo mwikemo, yotaise ahobokeliwe, pakabalilo aka nakabalilo ko kakwisa. ³³ Nandi mukuketa ikokwe ngati lyisa, Po niseke shake nyisa, nandi ikokwe libibi, papo abandu bakulimanyila ikokwe museke shake. ³⁴ Mwe luko lwa njoka umwene, mubaghile bule ukuyugha inyisa be muli babibi? namasho shiswile mundumbula, shoshi shikufuma kumulomu. ³⁵ Umundu umwisa akuyugha inyisa pakufuma panyisa shisho shili mundumbula yake. Sona wepe Umundu umubibi akuifunda ifibibi fifyo fili mundumbula yake. ³⁶ Ngubabula inguti pishiku iyabulongelo, Umundu weshi tise alinganiange ububibi bwoshi bubo ayughagha. ³⁷ Nama mumashu ghako mwo tise uyughiliwange mwo ububibi ³⁸ Popapo bamu abamanyandaghilo naba falisai bakamubula bakati, bighule "Mmanyishi, tukulonda ukuketa chimo ichiswigho ukufuma kwako." ³⁹ Lole umwene akabamula akati, mungulilo iyi mbibi Sona yitasubiliwe yikulonda ichiswigho, Lole chichiswigho chamusololi u Yona. ⁴⁰ Nama Isa mwo u Yona akaba mulufukwe lwa swi ingulu ngani amashiku matatu pamusi na paushiku, mwomwo wepe umwana wamundu takikalile mwipumba amashiku matatu pamusi napaushiku. ⁴¹ Pishiku lyabulongelo abandu bamukaya ka Ninive tibakanyatuke nukubakanisha abandu bangulilo yiyi, pakuti abene bakpinduka bwo u Yona abalimbilila. Lole usongo ukukinda u Yona alipanupanu. ⁴² Umalafyale umukolo Yuyo afumile kundende tise anyatuke kubulongi ningulilo iyi nukuyitosha. Pakuti afumile kubumalilo wa chisu pakwisa ukupulikisha amahala gha Solomoni; Lole keta, usongo ukumukinda u Solomoni ali panupanu. ⁴³ Pala imbepo inyali yikufumamwo mumundu yikwembelambela muchisu chalungalangala mwo mutanamishi yikulondagha ukutusha Lole linga yitakubwagha. ⁴⁴ Yikuti, 'tinyokele kunyumba yangu kwo ngafuma.' Po nandi yisa, yikwagha mulishe nakamu mupyeliwe nukunoshiwa. ⁴⁵ Poyikubuka nukuya pakushegha ishingi imbepo inyali seveni(7) imbibi ukukinda iyene; Lole bwo shingile shikwikala mulamula; Po akayilo kamundu yula akakunyuma kakuba kabibi ukukinda akakwanda. Mwomwo shikubelagha mungulilo imbibi iyi. ⁴⁶ Lole bwo u Yesu akali ali pakuyugha kufilundilo, unyina nabanine bimite pase, balondagha ukuyugha nawe. ⁴⁷ Umundu yumo akamubula akati, "Keta, unyoko nabanyako bimite pase, bakulonda ukuyugha nuwe". ⁴⁸ Po Yesu akamwamula yo akamubwulagha akati, "Umayi bo bali ku? abene abanyitu bo bali ku?" ⁴⁹ Po akagholosha akakono kubamanyili bake akati, "Keta umayi nabakanyitu! ⁵⁰ Nama weshi yo nandi akubomba ubwighane bwa Tata yo ali kumwanya, weyo wiwamwitu, weyo muyemba wangu Sona weyo wimayi."