¹ Pishiku lilyo u Yesu akafumaghamwo munyumba, po akaya ikala mumbafu mu nyanja. ² Ifilundilo ifikulu ifya bandu fikabungana nukumubungatila. po akingila mwiboti nukwikala pase, po abandu boshi bakimilila pa bwima. ³ uYesu akayugha nabandu ifindu ifyingi mufyili akati, "Yo akupesa akubuka pakupesa imbeyu. ⁴ Sono Po akapesagha, imbeyu yimo yikawa mulubafu musila, Po utuyuni tukisa nukuseba. ⁵ Imbeyu inine yikawa pilyalabwe Po litakabapo ilongwe lyingi, Sona yikamela lubilo panongusa yakuti ilongwi utali lyingi; ⁶ lose buso isuba lya bala. Yikanda ukubabuka, pakuti yitakaba nimishu, yikuma. ⁷ Yimo iyingi yikawa mumwifwa po imwifwa yikakula imbeyu yakafyululuka. ⁸ Iyingi lole yikawa pilongwi ilyisa, yo yikapa iseke, yimo wanu handeredi (100) yimo sikisite (60), iyingi sate (30)." ⁹ u Yesu akamalisha ukuyugha akati, "yo nandi ali nafyo ifyufwo apulikaghe. ¹⁰ Popapo bakisa abamanyili bakamubula bakati, "koni ko kuyughila mufifwanikisho pala kubabula abandu?" ¹¹ Umwene akababula akati, "Pakuti mupeghiwe ukushaghania isha kubutitu isha bunyafyale bwakumwanya, lole abene batapeghiwe. ¹² Po yonandi ali nako yotise apeghiwe nifingi, tifikabe fyingi ngani lole nandi yo ata nako nakamu, po nalinga koshi nako tise apokiwe. ¹³ Yonongwa iyi ingubaghila mufyili pakuti nalinga bakuketa, lole batakuketesha, nalinga bakupulika lole batakupulikisha nu kushaghania. ¹⁴ Po tishisaghe shisho ayughite u Yesaya atingi: "Ukupulika mukupulika lole mutakushaghania, sona amaso ghabo ghashishilite; kokuti batakuketa namaso batakupulika namakutu batakushaghania inongwa mundumbula shabo, tabise bapindule kukwangu ukuti ise mbaposhe. ¹⁵ Pakuti indumbula shabandu aba shipeliwe ingafu amakutu ghabo ghabo ghalina mapuli ghatakupulika, Sona amaso ghabo ghashishilite, kokuti batakuketa namaso batakupulika namakutu batakushaghania lnongwa mundumbula shabo, tabise bapindule kukwangu ukuti is mbaposhe. ¹⁶ Lole umwe muli basayiwa pakuti amaso ghinyu ghakuketa, amakutu ghinyu ghakupulika. ¹⁷ Naloli ngubabula umwe nguti, abasololi nabagholofu abingi banyenywanga ukushiketa sho umwe mukushibona lole batakushibona, sona batakupulika shisho mukupulika lole batakupulika nukupulika. ¹⁸ "Pulikisha ichifwanikisho cha mupesa mbeyu. ¹⁹ Weshi yuyo pala akupulika inongwa shisho shikuyugha ubunyafyale bwakumwanya, lole atakushaghania po akwisa lubilolubilo nukushitagha shisho shipesibwe mundumbula yake; yuyo imbeyu yapesibwe musila. ²⁰ Lole yiyo yapesibwe pachisu cha mabwe yili ngati mundu yuyo kwaghe apulikite ilishu, nakalinga akulipokela nulusekelo; ²¹ Lole papo ghatanimishu kukwake, po akuba nakabalilo kanandishe, lole nandi ubutolwe nukufwimiwa panongwa ya lishu nakalingashe atakukaba ukuwa. ²² Yope nayo yapesibwe pamifwa yoyili ngati umundu yuyo pala apulika ilishu, lole akwikolengania nifya chisu, nubushobi bwa chuma fififi fikufyululusha ishu, politakupa iseke. ²³ Lole yiyo yapesibwe pa chisu ichisa, yoyo yili ngati umundu yuyo apulika ishu nukulyaghania yuyuyo naloli akupa iseke, yumo abo teni (100), yumo aboteni faivi nayumo ywene (60) yumo aboteni batatu (30)." ²⁴ U Yesu akababula ichili ichingi akayugha akati, "Ubunyafyale bwa kumwanya buyanite numundu yuyo akupesa imbeyu inyisa mumughunda wake; ²⁵ Lole bwo abandu baghonite utulo umulughu wake akisa nu kupesamwo iyanda mungano, akabuka. ²⁶ Lole bwo yimelite imbeyu nukupa iseke, polikaboneka lyope iyanda. ²⁷ Popapo ababombi bake bakisa bakamubula umwene kaya bakati, 'Malafyale, yitali mbeyu inyisa yiyo wapesite mughunda wako? ghufumite kwoki umuyanda?' ²⁸ Umwene akababula akati, 'We mulughu yuyo abombite shishishi.' Po abatumwa bakamubushikisha bakati, 'Bule ukulonda iyetwipe?' ²⁹ Umwene akababula akati, "Nashiku nandi mukwipa iyanda tise mwipile lumulwene ningano. ³⁰ Mufileke fikulilaghe pamupene mupoka potitukinulaghe; pakabalilo kalakala, po tingise mbabulaghe abinuli ukuti mwipe tashi iyanda mulipinye munyose nu kocha, lole ingano mubike mundamba yangu" ³¹ U Yesu akababula ichifwanikisho ichingi akayugha akati, "Ubunyafyale bwa kumwanya bughelileshe nakaseke kakandano ko umundu akeghe nukupesa mumughunda wake. ³² Nama akene kanandi ukusikinda imbeyushoshi lole nandi kakula kakuba kakulu ukukinda ifitengele fyoshi, chibashe ngati chikokwe, po utuyuni utwa mumwanya tukwisa mukesenga, ififumbo mutusamba twake" ³³ U Yesu akababula ichi ichingi akayugha akati, "Ubunyafyale bwa kumwanya buyaniteshe nichimela cho nandi umukolo akegha nukongania nubufu imbepe shitatu, po bukalula boshi." ³⁴ Shoshi shishi u Yesu akayughilagha mufyili kufilundilo, akababulagha shimo kisita fyili, ³⁵ Akabombagha bunobuno umwakuti mwo amalishilemwo amashu gha musololi gho ghakuti, Tinjughe nabo mufwili. sona tinjughe fyo fifisiwe ukufuma kubwandilo bwa chisu". ³⁶ U Yesu akati afighalusha ifilundilo fyabandu akingila mu nyumba. Po abamanyili wake bakisa kukwake bakati, "mundinganie ichili cha liyanda iyamumughunda" ³⁷ Akamula akati, "yuyo akupesa imbeyu inyisa mwanawa mundu. ³⁸ Umughunda cho chisu sona imbeyu inyisa bo bana ba mubunyafyale. Iyanda bo bana bamubibi yula. ³⁹ Umulughu yuyo akupesa iyanda wi satana. ukwinula bwo bumalilo bwa chisu. sona bo ba kwinula bandumi. ⁴⁰ Isamwo bakwipila iyanda nukocha mumulilo bwa chisu ichi. ⁴¹ Umwana wa mundu tiakatume abandui wake nukutishamwo mubunyafyale bwake. Boshi babo bakupunusha abanine. ⁴² Tise babataghe muchibwina cha mulilo, mumumwo mwomwotise balilaghe nukusha amino. ⁴³ Popapo abelu tise babale ngati lisuba mubunyafyale bwa wise wabo. yuyo ali namakutu ghakupulikila apulike" ⁴⁴ Ubunyafyale bwa kumwanya buli ngati bukabi bubo bufisiwe mumughunda. Po umundu akati achagha, akachififa sona. Po nulusekelo, akabuka nukughulisha ifindu fyoshi fifyo akabanafyo ukuti aghule umughunda ghula ghula. ⁴⁵ Sona ubunyafyale bwakumwanya buli ngati mundu yuyo akughulisha inyambo iyapamwanya. ⁴⁶ Bwo ayagha yimo iyapamutengu wa pamwanya akabuka nukuya pa kughulisha fyoshi akaba nafyo po akaghula inyambo yila" ⁴⁷ Po sona ubunyafyale bwa kumwanya bughelileshe ni chilobeloswi chobakuponia munyanja nukukola iswi isha luko lwoshi. ⁴⁸ Pala chisula, abandu bakuchighusila ku bwima. Po bakwikala pase nukusala iswi inyisa bakubika mufipombo, lole imbibi bakutagha. ⁴⁹ Po mwomwo tishikabile pabumaliro bwa chisu. abandumi tibakise ukusala abisa nababibi. ⁵⁰ Nukubaponia mu chibwina chamulilo mumumwo mwomwo tikukabe ukulila nukusha amino. ⁵¹ U Yesu akabalalusha akati, "Ngimba mwapulikisha fyoshi fififi?" abene bakamula bakati, "Inga" ⁵² Po akati kwabo, "Umumanya ndaghilo weshi yo amanyishiwe nisha bunyafyale bwa kumwanya, ali ngati mwene nyumba yo akufumishamwo ifindu fyo fipya ni findu fyo fikulu mubukabi bwake." ⁵³ U Yesu akati amala ifili ifi akafumakwo kula. Po akati afika mukaya ka kukwabo, akenda ukumanyisha abandu munyumba yakwiputilamo. ⁵⁴ Po akati afika mukaya kakukwabo, akanda ukumanyisha abandu munyumba yakwiputilamwo. Po abandu bakaswigha, baka mulalusha bakati, "Ngimba umundu uyu akaghagha kughu amahala agha nimbombo ishii isha maka? ⁵⁵ Ngimba weyo mwana wa mupalamatabwa? Sona ngimba taweyo unyina wi Maria? ⁵⁶ Sona ngimba uwamwabo wake tawi Yakobu, Yosefe, nu Simon nu Yudasi? sona ngimba abayemba boshi bali nutwe? ngimba po umundu uyu ashaghite kwoki shoshi shishishi?" ⁵⁷ Po abene bakikinyimumwake. lole u Yesu akati kwabo, "Umusololi aghindikiwe koshi koshi, lole kuchisu cha kukwabo na munyumba yake mwomwo atakughindikiwa nashi" ⁵⁸ Po u Yesu atakabombakwo ifiswigho ifingi mulamula panongwa ya kisita lwitiko lwabo.