¹ pakabalilo kako umalafyale Herodi bwo apulika ubufumukwe bwa Yesu. ² Akayugha kubabombi bake akati, "Uyu weyo wi Yohani umwoshi ashukite kubufwe, yonongwa amaka amashisha agha ghakubomba imbombo mumwake" ³ Nama u Herodi akamukola u Yohani, nukumupinya nukumwighalila munyumba yabapinyiwa. Akabomba shishi nongwa ya Herodi ya umukashi wa Filipu umukeke wake. ⁴ Pakuti u Yohani akamubula u Herodi akati, "Namamwiko ukuti umweghe u Herodi ya umukamukeke wako ukuti abe mukashi wako." ⁵ U Herodi akalondagha ukumukoma u Yohani, lole akaghopagha abandu, pakuti bakaketagha ngati musololi" ⁶ Pishiku lyakukumbukila ukupapiwa kwa Herodi umwana umulindu uwa Herodi yo akamogha pandashi pabo bakitishiwa palusekero nukumuhobosha ngani u Herodi. ⁷ Popapo u Herodi akafinga akati, "ngurapa ukuti tingupe choshi chicho ungasuma" ⁸ Lole umulindu yula, pakufundilishiwa nunyina, akasuma akati, "mumbe pa mbale lulu, umutu wa Yohani umwoshi". ⁹ Umalafyale akasulumania, lole panongwa yakupa na panongwa ya bobakalya nawe akalaghila akati bamupeko. ¹⁰ Akamutuma umundu ukuya pakumubola uYohani Umutu munyumba yabapinyiwa mumbale bakamupa umulindu po umwene akamupa unyina. ¹¹ Umutu wake ghukeghiwa mumbale bakafuma umulindu ¹² Po umwene wakamupa unyina Pobene abamanyili bake. Bakisa begha umufimba, baghushila; po akabuka nukuyapamubula u Yesu. ¹³ Umwene u Yesu bwa ashipulika isha Yohani, akingila mwiboti akafumapo akabuka kubuyo ko kutakaba nabandu ukwamwene. Bwo abandu bapuliika, bakenda pase ukufuma mutwaya twawo nu kumukonga. ¹⁴ U Yesu akati afuma mwiboti akaketa ichilundilo chabandu abingi, akachipela ichisa nukuposha ababine babo. ¹⁵ Po kunamasuba abamanyili bakisa kukwake bakati, "Apa po pa chiposo, sona isuba lyabuka finyatushe ifilundilo fibukaghe mutwaya ukuti iyebighulile ifyakulya." ¹⁶ U Yesu akabamula akati "Shitabaghile nashiku ukuti babukaghe, mubapeko mwemwe ifyakulya" ¹⁷ Abamanyili bake bakati, panu tuli nifibama fayivi niswi shibili. Popapo ¹⁸ u Yesu akati, "Mwise nafyo kuno." ¹⁹ Akafyiputile ifilundilo fyake ukuti fyikale pase pabwisa , po akegha ifibama fayivi fila niswi shibili sila, akaketa kumwanya akiputa, akafimenyania ifibama akabapa abamanyili bake , abene bakafipa ifilundilo. ²⁰ Abandu boshi bakalya nukwikuta. po abamanyili bakasewa twotukamenyukagha fyo fikashalapo, bakisusha ifipombo tweluvu (12). ²¹ Bo bakalya bakaba abalisha fayivi sabusadi (5000) kisita kubelenga abakolo nabana. ²² Pamasuba u Yesu akababula abamanyili bake ukuti bingile mwiboti, batangilapo ukubuka kwisila lila bwo umwene akufinyatusha ifilundilo. ²³ Lole bwo afinyatusha ifilundilo akakwela pighamba pakwiputa mwene. Lole bo bwilite ubushiku akaba palapala mweneshe. ²⁴ Pakabalilo bwo iboti lyafika pakati panyanja, likatamiwa namayigha, papo imbepo yikawapingagha. ²⁵ pakabalilo ka folo okuloko, u Yesu akabagha bwo akwenda panyanja. ²⁶ Abamanyili bakati bamubona u Yesu akwenda pa nyanja, bakoghapa bakati, "Chishuka" po bakakolela chifukwa cha bwogha. ²⁷ Lole umwalubilo u Yesu akayugha nabo akati kibagha umwoyo nene manye mwoghopaghe" ²⁸ U Peteri akamula akati, "Malafyale linga wewe, ulimbula ukuti nendaghe pamwanya pa mishi ukwisa kwakwo." ²⁹ U Yesu akati, "Sagha" u Peteri akafuma mwiboti nu kwenda pa mishi ukuya kwa Yesu. ³⁰ Lole akati aketa imbepo akoghopa, papo akandaghashe pakwibila, akakolela akati malafyale, mboka!! ³¹ umwalubilo u Yesu akagholosha akakono kake nukumukola, po akati yugha nawe akati , "we walwitiko ulupepe uwe!! kwilamwa koni?" ³² Lole bo bingile mwiboti po imbep yikaleka. ³³ Bo bakaba mwiboti bakamulambila u Yesu bakati "naloli, we mwana wa Chala," ³⁴ Popapo bakambuka bakayabafika mukaya ka Genesareti. ³⁵ Abene abandu ba chisu chila bakati bamumanya u Yesu bakatuma amashu koshikoshi muchisu chila sona abandu bakisa kukwakwe bobakaba nababine. ³⁶ Bakamusuma u Yesu ukuti abitikishe ababine bapalamashe napo kokuchipeto cha mwenda wake lole boshi bobakapalamasha bakapola.