¹ manye ubalongaghe abandu abangi ukuti numwe uchala manye akabalongaghe. ² nama isa mwo mukubalongela abandu abangi mwomwo numwe u Chala tise abalongele, nichighelelo cho mukughelela abanyinyu chocho numwe u Chala abaghelele. ³ kuketa chaki ichipato chicho chili mu lyiso lyamunyako loli uwe utakuchiona chicho chili mu lyiso ilyako? ⁴ ngimba ubaghile bule ukuyugha kumunyako ukuti isa ingutishe ichipato mulyiso lyako bwo uwe uli ni chipato mu lyiso lyako? ⁵ we mumiashi uwe! tishamwo tashi umukokwe gho ghuli muchisighe chako, po tiwise ukete akisa bwo ukutisha akapato ko kali muchisighe cha munyako. ⁶ koma ukushipa imbwa ichikemo sona koma ukushiponekesha ingulube inyambo shinyu i mbala ukuti shingisa shikanyangile mutulundi twabo po shingisa shibasambukile nukubanyapulania. ⁷ Musumaghe, po tisemupeliwange; mukung'ushange, po tisemwighuliwange. ⁸ papo weshi yuyo akusuma tise apokele,yuyo akulonda tise afyaghe, nayo akukung'usha tise ighuliliwange, ⁹ ngimba alimwo umundu yuyo akumupa umwana wabo ibwe bwo asumite i chibama? ¹⁰ pamu ukumupa injoka bwo asumite iswi? ¹¹ Lole linga muli babibi mumenye ukubapa abana binyu ifyabupe ifyisa po taongelele u Tata u wakumwanya ukubapa ifyisa babo bakusuma! ¹² pakuti fifyo mukulonda ukuti abandu bababombele fyofyo numwe mubabombelaghe numwe sona shoshisho shikumanyisha indaghilo sha Mose nu lumanyisho lya basololi. ¹³ Mwingilaghe umulyango umufinyu, pakuti umulyango umukulu, sona isila ingulu akuya ku Gahena, bingi bakwenda papo. ¹⁴ Mufinyu umulyango nisila yope finyu yiyo yakuya kubwumi banandi babo bakuyagha. ¹⁵ Muchebaaaghe nabasololi abamiashi bobali ngati ng'oshi munyuma bakwisa kukwinyu, lole mukati bali ngati mbumbi ingali. ¹⁶ tise mubamanyilaghe museke shabo. ngimba abandu bakutungila amafilu mumyifwa pamu iseke sha mikuyu mumitulatula? ¹⁷ pope ikokwe lyoshi likuba miseke inyisa, ghope amakokwe amabibi ghakuba nisee imbibi. ¹⁸ Umukokwe umwisa ghutabaghile ukupapa iseke imbibi, ghope umukokwe umubibi ghutabaghile ukupapa iseke inyisa. ¹⁹ Ghoshi umukokwe ghugho ghutakupa iseke inyisa ghukutumuliwa nukutaghiwa pa muliro. ²⁰ Popapo nguti timubamanyilaghe museke shabo. ²¹ Manye mutingi weshi yuyo akuti, 'malafyale, makafyale' kukwangu tise ingile kubunyafiale bwakumwanya, lole yuyo akuwomba ubwighane bwa Tata yuyo ali kumwanya. ²² Pishiku ilya bulongelo abingi tibakayughe kukwagnu tibakatingi Malafyale, Malafyale, tukasoolelagha mungamu, tukatishanga imbepo inyali mungamu yako, sona tukawombagha ifiswigho mungamu yako?' ²³ Potise mbabule pabwelu ukuti, 'ndabamenyemwo shiku umwe mutilepo papangu mwe mukubomba imbibi. ²⁴ Polole weshi yuyo akupulika amashu ghangu ghaghagha nukughabomba tise mufyanikishe nu mundu uwamahala yuyo asengite inyumba yake pa lyalabwe. ²⁵ ifula yikawa, soko shikisula, imbepo nukoma panyumba yila lole, lole yitakawa papo yikasengiwa pilyalabwe. ²⁶ Sona weshi yuyo apulika amashu ghangu ghaghagha lole manye aghakonge, yo tise mufwanikishe nu mukonyofu yuyo akasenga inyumba yake pamusesenga. ²⁷ Ifula yikawa, isoko shikisula, nimbepo yikaputa nukukoma panyumba yila, po yikawa, ukuwa kwake kukaba kukulu naloli. ²⁸ Bwo u Yesu amalite pakuyugha amashu agha, po ifilundilo fikaswigha naloli kufyo akamanyishanga, ²⁹ Nama bwo akubamanyisha akawonekagha ukuba mwenecho yuyo, atakaba ngati bamanya ndaghilo.