¹ Muchebaghe manye mwiwoneshange ubugholofu bwinyu pa maso gha bandu ukuti mwilangishe kukwawo, nandi mukuwomba wunowuno po tase mukete uwakumwanya. ² "Lole nandi mukupa umupina ifyawupe koma ukwilangisha wimwene pandashi pako ngati mwo abamiashi wakuwombela mu nyumba shakwiputilamwo na mu sila ukuti abandu babapalaghe, naloli ngubabula une nguti, bapokelite ngani umufwalo wawo ³ lole uwe nandi kumupa umupina ifyabupe akakono akashomi manye kashimanyaghe sho akakono kako akamwisa kakuwomba. ⁴ ukuti ifyaupe fyako fibange fya kubutitu, po utata yuyo akuketa kuwutitu yo ti ise akulipile umfwalo. ⁵ Sona nandi mukwiputa manye muwange ngati bamiashi, nama abene bighanite ukwima nu kwiputa mnyumba shakwiputilamwo, namungomano sha musebo ukuti abandu babaketaghe naloli ngubabula une nguti bapokelite ngani umufwalo wabo. ⁶ Lole umwe nandi mukwiputa, wingilaghe mu nyumba yako kwifungu nukupingilako ku mulyango wako po wiputaghe kwa tata wako uwakubutitu, po utata wako yo akuketa kubutitu tise akupe umufwalo. ⁷ pala mukwiputa manye muyughagheshe mwalwemwalwe ngati ba panja, nama abene bakwinong'onagha ukuti tise wapulikiwe pa nongwa ya mashu ghawo amingi. ⁸ Polole koma ukukolana nabo, pakuti u Tata afimenye fifyo mutanafyo bo mukali nukusuma. ⁹ Lole umwe nandi mukwiputa mutingi, Tata witu wakumwanya, ingamu yako yimikiwage. ¹⁰ Ubunyafyale bwako bwisaghe , ubwighane bubombiwange pasi panu ngati kumwanya. ¹¹ Ifyakulya fya umusughu utupe tufwanane nafyo. ¹² utuhobokele imbibi shitu, ¹³ manye utubikaghe mu ngelo lore utupoke kumbibi. ¹⁴ Nama linga mukubahobokela abandu ubusobi bwawo, po wepe u Tata winyu uwakumwanya tise awahobokele numwe, ¹⁵ Lole linga mutakuwahowokela awandu, po wepe utata winyu ta ise abahobokele ubusobi bwinyu. ¹⁶ Lole linga mukufunga ifyakulya manye mwilukaghe pa maso ngati bamiashi pakuti bakwandula i fyeni fyawo ukuti baboneke kubandu ukuti bali bakufunga ifya kulya, naloli ngubabula une nguti, bambilile kale umufwalo wabo. ¹⁷ uwe lole nadi uli pakufunga ifykulya,powitendekeshange kumutu kwako nakusukusula kumaso, ¹⁸ kokuti manye wibonesha kubandu ukuti uli pakufunga ifyakulya, lole ko kwa Tata wako uwakubutitu; po uTata yo ali kubutitu tise akupe umfwalo. ¹⁹ manye mwilundikilaghe ichuma pachisu, po abochingende ningamwa fikukomania, nabifi bakupangula nukwiba. ²⁰ Lole mwilundikilaghe ichuma kumwanya kwa abochingende ningamwa fitakukomania sona abifi batakupangula nukwiba. ²¹ Nama kokuli ichuma chako, koko tise yibe nindumbula yako. ²² Amaso ghali ngati nyali ku mubili. lole linga amaso ghako misashe, po umubili wako ghosi ghukuba ngati bwelu. ²³ lole linga amaso mabibi, po umubili wako ghoshi ghukuba chisi. Pope linga ubwelu buli mumwako bwipelite chisi, bobwo songo buki muchii chichichi! ²⁴ Ataliko nayumo yo ingawombela awomalafyale wawiri, po tise amubenge yumo nukumughana u yungi, mutabaghile ukubombela u Chala ni chuma. ²⁵ Po ulu ngubabula nguti koma ukubwiyalila ubwumi bwinyu ukuti timulyeki nukuti ting'weki, pamu nu mubili winyu ukuti timufwaleki, ngimba ubwumi bufipotite ifya kulya, ghope numubili ghufipotite ify kufyala? ²⁶ Muketaghe ni fiyuni fyakumwanya papo fikupesa nukufuna sona fitakuwunganika mu ndamba lole u tata uwa ku mwanya akufilisha umwe lole mutafipotite ifiyuni? ²⁷ Umwe mwo mubelile nukwiyaya kwinyu wini yo amenye nukwiyongelesha ubutali bwake? ²⁸ Nifyakufwala kali mukwiyaya koni? Mweghelelaghe ku bulenge bwa muchiposo po bukukula butalita sona, wutakusona imienda. ²⁹ lole ngubabula umwe nguti, wepe nayo umalafyale u solomoni mubukabi bwake bwoshi atakafyalamwo imienda yo yili ngati ubulenge ubwisa. ³⁰ Nandi u Chala akubufwika ubwisu ubwamuchiposo bo bukubako umusughu ningelo bakughuponia mumulilo po tialeke buleghe ukukind ukubafyika umwe? Mwe walwitiko ulupepe umwe? ³¹ koma ukwiyaya ukuti, ''itulyangeki? pamu titufwalagheki?" ³² akuti fyoshi ifi bakwiyaya nafyo abapanja babo utata winyu uwakumwanya afiimenye fyoshi mukwaghilwa. ³³ Lole mubulonde tashi ubunyafyale bwake nu bugholofu bwakepofyoshi fififi pomukongeleshiwapo . ³⁴ Koma ukwiyaya ni sha ningelo papo ilyaningelo likwiyayila lyene. ishiku lyoshi lighelile ubutolwe , ili ubwake ili ubwake.