¹ Umwene u Yesu mwo afibweni ifilundilo akakwela pighamba lole mwo ikile pase abafundiwa bake bakisa kukwake. ² Popo akanda ukubamanyisha akababula akati, ³ Basayiwa bo bapina mwa mbepo papo ubunyafyale ubwa kumwanya wabo. ⁴ Basayiwa bakusulumania bobo uchala tise abahoboshange. ⁵ Basayiwa bo batafyasite papo tise bapokele ichisu cha pase. ⁶ Basayiwa bo bali nisala ninyota ya bwanaloli papo tise bikute. ⁷ Basayiwa bo bali nichisa papo tie bpokele ichisa. ⁸ Basayiwa abelu mundumbula papo tise bamukete u Chala. ⁹ Basayiwa bo bakubika ulutengano papo ise bitishiwange bana ba Chala. ¹⁰ Basayiwa bo bakufwimiwa pa nongwa ya bwanaloli, papo ubunyafyle ubwa kumwanya bwabo. ¹¹ Mwebasayiwa nandi abandu bakubatuka nukubafyima nukubapikila ubumiashi panongwa ya une. ¹² Sekelelagha hobokagha papo ifyawupe fyinyu fili ku mwanya. Pakuti mumwo bakabafyimagha abasololi bo bakabako mwo mutapapiwe. ¹³ Umwe mwe mbeya ya chisu. Lole pala imbeya yasupa, ka fingabapo fyoni ifyakukolesha imbeya ukuti yibe ngali? Mwo yitaba ni mbombo nayimo lole ukuyitaghashe kuse ukuti abandu bayikanyagheshe. ¹⁴ Umwe mwe bwelu bwa pachisu chapasi. Akaya kokali pamwanya pighamba katangimama. ¹⁵ Sona batakuyikosha inyale nukuyikupikila mu ngumbe lole bakubika pa buyo bwake, sona yikubakosha boshi bobali munyumba mula. ¹⁶ Mumumwo mwo mwakilaghe pamaso gha bandu, ukuti baketaghe imbombo shinyu inyisa ukuti apaliwange u Tata witu uwakumwanya. ¹⁷ Manye mwinong'onaghe ukuti nisile pakomola indaghilo sha Mose pamu inongwa sha basololi, nashiku ndisile pakomola, lole nisile pakushimalisha. ¹⁸ Naloli ngubabula nguti ukufika po ichisu ichakumwanya nichapase tifikamale, takakomoke nakamu akanandi pamu akabumalilo akamundagilo, mpaka po fyoshi tifikamalilaghe. ¹⁹ Pala yumo akukafuya kamu akandaghilo inandi ishi nukubamanyisha abandu ukufuya, tise itishiwange ukuba munandi kuboshi mubunyafyale bwa kumwanya. Lole yo akushibomba nukumanyisha tise itishiwange ukuba wisongo mubunyafyale ubwa kumwanya. ²⁰ Pongubabula umwe nguti, nandi ubugholofu bwinyu butakubakinda abamanya indaghilo na ba Falisi, tamukingilemwo shiku mubunyafyale bwa kumwanya. ²¹ Mukupulika ukuti shikayughiwa nabakale ukuti, 'Koma ukughogha, weshi yuyo akughogha tise alongiwange'. ²² Lole une ngubabula ukuti weshi yuyo akukalipala umukamu wake abghila ukulongiwa.sona weshi yuyo akumubula umukamu wajke ukuti, 'ata nimbombo tise alongiwe ku wulongi ubukulu'. sona weshi yuyo akuyugha umunine akuti, 'Wechikonyofu uwe!' abaghile ukumuponia muchibwira cha mulilo.* ²³ ponandi ukubika ichabupe chako pa chighemo* popapo ubughile ukumbuke ukuti umukamu wako ali nuwe nichifukwa, ²⁴ uchileke ichabupe chako pandashi chighemo, po ubuke uye usayane nawe umukamu wako powise ubike ichabupe chako kwa Chala. ²⁵ usayane lubilo nayo alinuwe ninongwa bwo mukali muli musila, papo lumo ungaghe yo alinuwe nichifukwa, angaya akubike. kubulongi, posona umulongi angakubika kumusikali. Umusikali wepe aye akutaghe munjela. ²⁶ Ngukubula ubwanaloli bwoshi ukuti, taufumemwo nashiku umupaka ulipe akatalama kako kashalitekwo. ²⁷ Mukapulika ukuti kukayughiwa nabakale ukuti, "Bwoma ubwomalaya". ²⁸ Lole une ungubabula inguti weshi yuyo amuketa umukolo nu kumunyony'wa bwa apanga nawe kale ubwomalaya mundumbula yake. ²⁹ Sona nandi ilyiso lyako ilya kukamwisa likukutulisha inongwa ulikolobole nukulitangha. Pakuti chisapo kwako ukusita kuba nakambakasha kamu, ukukinda ukuti umubili wako ghoshi ghuponyiwe mu Gehena. ³⁰ sona nandi akakono kako akakukamwisa kukutulisha inongwa, ukatumuleko nu kukatagha. Pakuti chisapo kwako ukusita ukuba na kambakasha kamu ukukinda ukuti umubili wako ghoshi ghuponyiwe muGehena. ³¹ kukayughiwa sona ukuti, 'Weshi yuyo akumuleka umukashi wake abaghile ukumupa ukalata wakushimikisha ukuti amuleka'. ³² Une lole ngubabula inguti, weshi yo nandi akulekana numukashi wake atatulite lumo inongwa ya bwo malaya bwo amupelela ukuba wimalaya. Sona yo nandi akumwegha umukolo yo alekiwa bwo akupanga ubwo malaya. ³³ Sona mupulikiteukuti abkale babuliwe ukuti, 'Manye ghomolaghe sho nandi wafingite, lole sho ufingite kwa malafyale shosho ushibombaghe'. ³⁴ Lole une ngubabula ukuti, koma ukulapa nandi kufinga ulufinga; koma ukulapa nandi kufinga ulufinga; koma ukulapa nuku sonda sonda kumwanya, Papo cho chitengo chibunyafyale bwa chala; ³⁵ koma ukuyighila nakuchisu papo kokatenge ka kubikapoutulundi twake; koma ukulapa nakukoya ka yerusalemu, papo ko kaya ka banyafyale ubukulu; ³⁶ koma nukulapa kumutu wako, papo utamenye ukuchipela iching'wiri chimo ukuba chelu pamu chititu. ³⁷ Lole ilishu lyinu iya 'inga' abange we 'inga', ilya 'nashiku' abange wi 'nashiku.' Aghakongeleshapo pa agha ghakufuma ku mubibi. ³⁸ Mupulikite ukuti, liyughiwe ilyakuti, 'Pachisinghe mughalukishange pachisighe, pope pa lyino mughalukishangepo lilyino' ³⁹ Une lole ngubabula nguti, koma ukukukoma palusaya ulwa kukamwisa, ughulabuke nakulunine. ⁴⁰ Yonandi akulonda ukukubika kubulongi ukuti eghe umuselekesha wako, umulekele nu mwenda . ⁴¹ Yo nandi akukupepelesha ukwenda musila yamakilomita mabili. ⁴² Yo nandi akusuma yo umupe; sona yonandi akulonda ukukopa kukwako, manye umusinda ghe inyuma. ⁴³ Mupulikite ukuti,liyaghiwe lyakuti, 'Umughanaghe umunyako, mubengaghe umulughe wako.' ⁴⁴ Une lole ngubabula nguti, mubaghanaghe abalughu binyu nu kubiputila bo bakubafwima; ⁴⁵ ukuti mube bene batata yo ali kumwanya, papo isuba lyake likababalila ababibi nabisa; sona akubawishikisha ifula abagholofu nabababi. ⁴⁶ Ngapo nandi mubaghanite bobabaghanite umwe, po bwo mwakabaki?Abene abasongesha songo batakubomba bunobuno. ⁴⁷ Sona nandi mukabalamuka abanyunu benengabwo mubombite chiliku ichisa? Abene abapanja batakupomba buno buno? ⁴⁸ Po lole umwe be banaloi, ngati witata winyu uwakumwanya mwo abelile ubwanaloli.