¹ Mumashiku ghala akawoneka u Yohani umwoshi akalumbilila mumatengele mu chisu cha Yudea akati, ² ''Mupindukaghe, papo u wunyafyale bwa kumwanya buli papipi''. ³ nama uyu weyo ayughiwa nu musololi u Yesaya po atingi, amashu gha yo akolelagha mumatengele, mutendekeshange isila ya malafyale, mugholoshange imisewo yake.'' ⁴ Umwene u Yohani afwalagha umuselekesha wachikwela changamila nu lamba walukoba mumusana. Ifyakulya fyake fyali bopashi nu bwuki bwa mumatengele. ⁵ Abandu bakakindilagha abamukaya ka Yelusalemu naba mu chisu cha Yudea, boshi na muchisu choshi bo bali papipi nu lusoko lwa yorodani. ⁶ Umwene akawosha mu lusoko lya Yorodani mwo bakwilata imbibi shabo. ⁷ Lole mwo ababweni aba falisayi na wasadukayi bo abingi ba kwisa ku lwosho lwake, akawawula akati, ''Mweluko lya njoka umwe, wini yo abasokite umwe pawukali bwo bukwisa? ⁸ Po langishanga iseke shisho shikuyana nu lupinduko lwitu. ⁹ Sona manye mwinong'onaghe mundumbula shinyu ukuti, 'Tuli nu tata Aburahimu.' Po ngubabula une nguti uchala abaghile ukubanyatukisha amabwe agha Aburahamu ukuba bana bake. ¹⁰ Isembe libikiwe kale pikolo lya makokwe ghoshi ghagho ghatakupa iseke inyisa, ghotighise ghaputuliwe mukughaponia pa muliro. ¹¹ Une ne waki nguboshashe na mishi ghalupinduko lole yo akwisa panyuma papangu, yo ambotite une amaka, sona ndabaghile nukumunyatulila ifilato fyake. Umwene yotise aboshange nu mbepo mwikemo uwamuliro. ¹² Yo Ali nuluselo lwakupetela mutukono twake, tise abunganiange ingano mumasaka pabwisa, lole lyanda lyo tise aliwunganie nukuliponia mumuliro gho tutakushiapo lumo''. ¹³ Mwo u Yesu afuma mu chisu cha Galireya, akabuka pa lusoko lwa yorodani kwa Yohani ukuti weyo aye amwoshe. ¹⁴ Lole umwene akalondagha ukumukanisha akati, ''Une imbaghile ukoshiwa nuwe, sona po nuwe kwisa kukwangu?'' ¹⁵ U Yesu akati, ''Shibe bubwo akawalilo aka, keta shitubaghile ukushimalisha shoshi shisho u chala akulonda." Po u Yohani akamwitikisha. ¹⁶ Uwene u Yesu mwo oshiwa, akanyatuk lubilo ukufuma mumishi, po kumwanya kukighuka akamuwona u mbepo wa chala akwika ngati kakunda kakwisa papake. ¹⁷ Ilishu likafuma kumwanya likati, ''Uyu weyo mwana wangu umughaniwa yuyo inguhowoka nawe''.