¹ Ningelo pangelo abaputi woshi pamupene nabo songo baba bayuda, bakabungana pamupene ukuti bapangane mwo bangamukolela u Yesu. ² Bakamupinya ukuya nawe kwa pilato. ³ Po Yudasi akamwenda kumbafu, akaketa ukuti u Yesu bakamupa inongwa yakuya pakughoghiwa akiyaghania nukuhhalusha indalama teni teni teni (30) Isha chela kubaputi abosongosongo babayuda. ⁴ Akati, "Natula inongwa pakumwenda kumbafu Umundu umusita nongwa ukuti bamughoghe." ⁵ Po uyudasi akatagha indalama sha chela mu nyumba ya Chala akabuka nukwikungilila. ⁶ Aboputi abosongo bakaseba indalama indalama shila bakati , "Ukuyana nu lulaghilo ulu talulaghilo ukuti tubike indalama ishi munyambi ya ndalama sha nyumba ya chala. ⁷ Po bakati bitikisania bakegha indalama shila nukughula umughunda wa mumuta ingumbe ukuti bube buyo bwakushilapo abagheni. ⁸ Po umughunda ghula ghukitishiwa "Mughunda wa libanda" numusughu. ⁹ Popapo amashu gha musololi u Yelemiya ghakakwanilishiwa gho ghakuti, "Bakegha indalama abo teni teni batatu (30) shisho abanya isilayeli bakitikisha ukuti ghubange mutengu wa mundu, ¹⁰ shosho bakaghula umughunda wa mumata ingumbe isa mwomwo umalafyale ayughila. ¹¹ Popo u Yesu pandashi pa mwenecho wa kaya popo umwenecho wa kaya akamubushikisha umwene akati Ngimba uwe we malafyale wa bayuda? Popo u Yesu akati kukwake wayugha wewe. ¹² Popapo pakumuyughila imwene abaputi abosongo ba chalichi na bosongosongo, umwene atakamula nakamu. ¹³ Popapo u pilato akayugha nawe, atakupulika ngimba fyoshi ifyingi ifya ulu bakukuyughila wewe? ¹⁴ Pope atakamula umwene, napo nishu limulyene, popapo ukuti u songo wa kaya akaswigh naloli. ¹⁵ Popo pa pasika, u songo wa kaya akisubila ukwabula Umundu yumuywene mubupinyiwa Yuyo abena bakighana. ¹⁶ popo pakabalilo kalakala akaba numupinyiwa wa kumanyikwa ingamu yake Baraba. ¹⁷ Popapo bwo babungana, u pilato akayugha nabo, "Mukulonda imbabulile u wini? u Balaba ngimba pamu u Yesu yo akwitishiwa mu kilisitu? ¹⁸ Pakuti akamanyaghe ukuti bakamubika chifukwa cha kabini. ¹⁹ Papo u Pilato akikalaghashe pamupando uwakulongela, umukashi wake akatuma amashu kukwake aghakuti "Manye upanga nakumu nu mundu umwisashe uyo, papo umusughu mufilota une natamiwa leka chifukwa cha umwene." ²⁰ Lole abaputi abosongo nabo songo baba yuda bakabonyelesha ukuti basume u Balaba, ²¹ Lole u mwenecho wa kaya akati kukwabo, "Mukulonda imbabulile u wini pa aba babiri?" popo abene bakati "U balaba." ²² U Pilato akati kukwabo "Ngapo imbangeki nu Yesu Yuyo mu kilisitu?" ²³ Boshi bakati "Akomeliwe pa mbinjika." Popo umwene akati, "Pa chifukwa chiki, akapanga chibibi chiki?" Lole abene bakakuta ngani, "Akomeliwe pa mbinjika." ²⁴ Lole u Pilato mwo aketa ukuti shitakumutula nakamu, pakuti ichongo chikaba chingi, akegha amishi nukusukusula mutukono pandashi pa chilundilo chabandu, ndaninongwa nayimo pa bufwe bwa mundu uyu umwisashe, mwiketele mwibene. ²⁵ Popo abandu boshi bakamula nukuti, "Ibanda lyake Lili pa iswe na bana bitu." ²⁶ Palapala umwene akababulila u Balaba, Lole akamifyapa u yesu, nukubapa ukuti bamukomelele pa chipinjika. ²⁷ 29 Po abashikali ba songo wa kaya bakamwegha u Yesu pabalaza nukuya nawe kunyumba ya songo wa kaya nukumushungulila u Yesu. ²⁸ Bakamufula imienda yake nukumufyika ilaya iswepu. ²⁹ Bakaluka imbumbu ya myifwa nukumufyika pa mutu waka, sona bakamukolesha ingomo kukakono akamwisa. Po sona bakafughamila pandashi pake bakamunyoza bakati, "Tukukete malafyale wa bayuda!" ³⁰ Bakamufyinila amati nuiumupoka ingomo yake nukumukongo pa mutu. ³¹ Bakati bamunyoza bakamufula ilaya iswepu lila nukumufyika amalaya ghake, bakafuma nawe nukuya pakumukomelela pa chipinjika. ³² Po bakabukagha, bakakomana nu mundu wa kukelene ilyita lyake Simoni. Po abashikali bakamwonyelesha ukuti anyamule ichipinjika cha Yesu. ³³ Bakati bafika pa buyo bula bukitishiwanga ukuti Gologota gho ghakang'anamula ukuti "Buyo bwa mafupa." ³⁴ bakamupa u bwalwa bwa mafilu ukuti ang'we bwo bakongania nu mutu wa kubaba lol akati aghela akakana ukung'wa. ³⁵ Bakati bamupayika u Yesu pachipingika bakayabana ichakufwala chake bakapanga bakapangila ubusole. ³⁶ Po sona bakikala pase nukumulindilila palapala. ³⁷ Pamwanya pamutu wake bakabika amashu ghakuti "UYU WI YESU MALAFYALE WA BAYUDA" ³⁸ Po abafyeka babiri bakabakomelela nawe, yumo kukakono akashomi yumo kukakono akamwisa . ³⁹ Sona bo bakapulusanianga bakamutukanianga nu kupukunia umitu yabo. ⁴⁰ Uwe ukayugha ukuti ungabongolania inyumba ya Chala nukuyisenga amashiku matatu lole nandi we mwana wa Chala ipoka nukwika pachipingika. ⁴¹ Popapo abaputi abosongo na bamanya indaghilo nabo songo babayuda bakamuyughila akabini bakati, ⁴² "Ukapokagha abandu abangi loli uwe kupotwa pakwipoka wimwene. Nandi we malafyale wabayuda ika pachipingika papapo titukukusubalile. ⁴³ Ukasubalila mwa chala, po uChala akupoke pala ighanite. Pakuti ukatingi we mwana wa Chala. ⁴⁴ Abafyeka bo bakakomeleliwa nawe pamupene nu Yesu, bakamuyughagha bulabula. ⁴⁵ Ukufuma pa 12 okoloko ukufika pa 3 okoloko kukaba ichisi pa chisu choshi. ⁴⁶ Ukupalamila ichamuma 3 okoloko u Yesu akitisha namashu amakulu nukuti 'ELI, ELI NAMASA BAKATANI' kokuti 'Chala wangu, Chala wangu, wandekelaki' ⁴⁷ Bo bakimilila palapala bakapulika bakati, "Umundu uyu akwitisha umusololi u Eliya." ⁴⁸ Po yumo akakinda nukuya pakwegha isipanji, nukuyitwibika mu bwalwa bwo bukasapa, nukusomeka ku ndete, nukumupa u Yesu ukuti ang'we . ⁴⁹ Bamu bakayugha bakati, "Leka tashi tukete nandi u Eliya ti isaghe pakumuponesha." ⁵⁰ U Yesu akati itisha namashu amakulu akabika ubwumi bwake. ⁵¹ Po pala umwenda uwa kushighila uwa mu nyumba ya Chala ghukatepuka pakati, ukufuma kumwanya nukufika pase. Ichisu chikaneng'ena sona na mabwe ghakalanduka. ⁵² Sona amapumba ghakighuka, abasita nogwa bo bakafwa kale bakashuka. ⁵³ Bakafuma munapumbamwo, u Yesu akati ashuka kubufwe, akaya ingila munyumba iyikemo mwo abandu abingi bakamuketa. ⁵⁴ Lole usungo wa bwite nabo bakamulondagha u Yesu, bakati baketa akasenyende nafyo fikabombiwa, bakoghapa ngani. Po bakati, "Shanaloli Umundu uyu akaba mwana wa Chala!". ⁵⁵ Sona bakabapo abakolo abingi bakakebela pabutali. Bo bakamulondeshanga nukumwiputila u Yesu ukufuma ku Galileya. ⁵⁶ Mubakolo bala mukaba u Maliya wa ku Magadala, u Maliya umayi wa wa Yakhobe* nu Yosefe, sona nu mayi wa bana ba Zebediya. ⁵⁷ Po kukilaghashe, kukisa Umundu umugholofu yo akafuma ku alimatiya, ilyita lyake yosefe. Yo wepe akaba mumanyili wa Yesu. ⁵⁸ Umundu uyu akaya kwa pilato ukuya pakusuma umubili wa Yesu po upilato akamula ukuti ba mupe. ⁵⁹ U Yosefe akegha umubili wa Yesu nukumuniengela nu mwenda umiswepu umwisa ngani. ⁶⁰ bakabika umubili mwipumba ilipya lyo bakakumba kwibwe nu kwifunikila ibwe pamwanya pake nukufumapo. ⁶¹ U Maliya uwa magadala nu Maliya umunine bakabapo, bakikala pase kupipi ni pumba. ⁶² Lole ilya ningelo lyake pishiku lya sabata*, abaputi abosongo na bafalisayi* bakaya pandashi pa Pilato. ⁶³ Bakati, "Malafyale, tukukumbukila ukuti umushimbuliwa yula po akaba ukuti ali nu bwumi akayunga akati; pamashiku matatu tingashuke kubufwe. ⁶⁴ Po Lole mubabule ukuti abomalonda balondele ipumba amashiku matatu, ukuti abamanyili bake manye bakaye bibe nu kubabula abandu ukuti ashukite kubufwe. Po ubumyashi bwa kundashi bwa bukabe bubibi ukukinda ubwabwandilo". ⁶⁵ U Pilato akababula akati, "Abomalonda muli nawo, buka muye mulondele ipumba isa mwo mukumanyila". ⁶⁶ Po lole bakaya pa kuketa ipumba nu kushungulila ibwe lya pa mulyango wa lipumba nu kubikapo abamalonda.