¹ popapo uYesu akafuma mu nyumba ya Chala; abamanyili bake bakisa kukwake, bakalangisha ukusengiwa kwa nyumba ya Chala. ² umwene akabamula akati, "Mushibweni shoshi shishishi? Naloli ngubabula umwe nguti, panupanu nalimo ilibwe talikalekibwe bibwe ilinine kisita kubulutuliwamwo." ³ Bwo uYesu akile pighamba lya mishunguti, Po abamanyili bake bakisa kukwake bakiyekela nawe bakati, "Utubule, Ngimba ifindu ifi tise fibeko lighi, sona ngimba chimanyilo chiki chicho chikulangisha ukwisa kwako nubumalilo bwa chisu tichikabe Chino?" ⁴ u Yesu akabamula akati, "Muchebe, atakabepo nayumo uwakubasofia. ⁵ papo abingi tibakisilaghe mungamu yangu nukuyugha ukuti, 'Umesiya* nene' sona tibakabasofye abandu bingi. ⁶ Tise mupulike ichongo cha bwite bwa papipi, sona nutupango twa mabwite ghagho ghakubombiwa kubutali.manye mukapashaghe, pakuti fyoshi ifi fibaghile umubako, lole ubumaliro bukali butafikite. ⁷ Pakuti uluko ulingi tilukasambukilaghe uluko ulunine, ubunyafyale ubunine. Tikukabe isala nutuseng' ende mumabuyo ghapukindanakindana. ⁸ Fyoshi isafififi ifi fili ngati fyakubaba fifyo umukolo akupulika bwo atapapite. ⁹ Potibakababikaghe mu ndamio sona tibakabasofye, abandu abaluko lyoshi tibakabasofye chifukwa bchangamu yangu. ¹⁰ Pakabalilo kalakala abandu abingi tise bataghe ulwitiko lwabo,sona tibabikanaghe mutukono twa balughu. ¹¹ Sona abasololi babumiashi abingi tibakabasofye nakubashimbula abandu abingi. ¹² Chifukwa cha bwingi bwabutula nongwa, ulughano kubandu abingi tilukamale. ¹³ Lole Yuyo tise akabe mpaka pabumalilo, yo tise apokiwange. ¹⁴ Ubulumbili ubwisa ubwa malafyale tibukalumbililiwe mu chisu choshi ukuti chibe chishimikisho ku bandu ba luko lyoshi, po ubumalilo tibwisaghe." ¹⁵ "Lole linga tise muketaghe ichinyali ichakunyasha chila Cho chikuyughiwa nu musololi u Daniel, chikwimilila mu buyo bwa bwelu, (Yuyo akubelenga apulikishe). ¹⁶ Po babo bali mu yuda baye bakindilaghe mumaghamba. ¹⁷ Yo ali pamwanya pa nyumba nanye akike akuti aye eghe fyo fili munyumba. ¹⁸ Yo ali ku mughunda manye akanyokele kunyumba ukuti aye eghe ichakufwala chake. ¹⁹ Lole shabutolwe kubakolo bo tibakabe pabung'wamu nabo tibakongesha utwana mumashiku agho! ²⁰ Iputagha akuti akukinda kwinyu manye kukabeko mukabalilo mulupepo, pamu pishiku iya sabata ²¹ Pakuti akabalilo kalakala tikukabe indamio ishisha, yiyo yitakabako lumolumo, ukufuma ko kubwandilo bwa chisu ukufika akabalilo ako sona tayikabeko sona nashiku isa yiyi. ²² Lole amashiku ghala ghalekaghe ukutumuliwa chifukwa cha basaliwa bake. ²³ "Pakabalilo kalakala pala umundu akuyugha kukwingi akuti, 'Keta u Mesiya ali panu!' pamu 'keta yula ali pala!' manye mumu subilaghe nashiku. ²⁴ Pakuti abomesiya ababumiashi nabasololi ababumiashi tiba kanyatuje sona tibakalangishe ifimanyilo ifikulu nifiswigho, ukuti nandi chakubombiwa, babashimbule nabasaliwa ba chala. ²⁵ Keta, nababalila ngani. ²⁶ "Po nandi ti akati kukwinyu,' Keta ali mumatengele! manye mukabukagheko! pamu nandi bakuti, 'Keta ali mu chipinda cha nyumba,' koma ukuya kusubilagha nashiku. ²⁷ Papo ukwisa kwa mwana wamundu tikukabe ngati lulabi lulyo nandi lukumweka kubufumilo bwa lisuba lukulangi shagha imbaka ku mingilito ghake. ²⁸ "Pakuti po pali umufimba popo pakuba imikubi yikubungana pamupene." ²⁹ Lubilolubiloshe panyuma pa butolwe bwa maskiku ghara isuba tilikabe ngatichisi, popo u mweshi ghope ukuti tighukabele nashiku indondwa shikwisa ukuwa ukufuma kumwanya, sona amaka gha mu mwanyamwanya ghakwisa ukuneng'ena. ³⁰ Popapo ichimayilo cha mwana wa mundu chikwisa ukuwoneka kumwanya, popo abandu ba luko lwoshi lwa pa chisu bakwisa pakulila. Pakuketa umwana wa mundu akwisa mu mabingu ali na maka nu bunyafwale ubushisha. ³¹ Popo akwisa ukutuma abandumi bake nukulila kwa mbiliti ingulu, ukuti abunganie abasaliwa bake ku mbepo folo ( 4) ukwanda kubumalilo bwa chisu ukufika kubumalilo bwa chisu sona. ³² Apa manyililapo ichimanyisho ukufuma ku likokwe lya likuyu. Nandi mukuketa ukuti isamba shake shands ukuteka umanye nukubapa na Mani mumenye ukuti ichishiku chili papipi. ³³ Pobunobuno timukakete fyoshi ifi yikubombiwa, manyashe ukuti ali papipi sona ali pa mulyango. ³⁴ Naloli ngubabula nguti fyoshi ifi tifikabombiwe be abandu bamungulilo it batafwile. ³⁵ Kumwanya ni chisu cha pase tise fimale lole amashu ghangu taghakamale lumo. ³⁶ "Lole ifyalishiku Lila nakabalilo,ataliko nayumo Umundu yo akumanya, nalinga bandumi bakumwanya, nalinga mwana, lole yutata mwene. ³⁷ Isa mwo kukabela mumashiku gha Nowa mwomeoshe tikukabele pala umwana wa mundu akwisa. ³⁸ Isa mwo kukabela mumashiku ghala mwo umwelesho ghutafikite, abandu bakalyanga nukung'wa, abalisha bakeghagha abakolo, sona abakolo bakeghibwanga mpaka ishiku lilyo u Nowa akingililagha mu ngalaba. ³⁹ Sona batakamanya nakamu mpaka ukufika ishiku lya mwelesho, ghoghika babukisha boshi.po mwomwo tikukabele nandi umwana wa mundu akwisa. ⁴⁰ Pakabalilo kako abandu babili tibakabe babili mumughunda, yumo takeghibwe, umunine takashale. ⁴¹ Abakolo babili tibakasha pa lwala lumulwene, yumuywene takeghibwe, umunine takashale. ⁴² Po mube maso, pakuti mutakukamanya akabalilo ko umalafyale winyu tise isile. ⁴³ Lole muchimanyaghe ichi ukuti umwene nyumba akamanyaghe akabalilo kakwisila umwifi, ngali akuba maso kisita kumwitikisha umwifi ukuti apongole inyumba yake. ⁴⁴ Po numwe mubange bakwitendekesha papo umwana wa mundu akwisa pakabalilo kako umwe mutinong'onileko. ⁴⁵ Ngimba mubombi Yuki yo asubiliwe nuwa mahala, yuyo ubwana wake amwimikite pamwanya pabamwinyumba yake, nukubapa abene ichakulya chabo pakabalilo kanaloli? ⁴⁶ Mughindikiwa umubombi yo nandi ubwana wake akwisa, tise amwaghe akubomba Isa bunobuno . ⁴⁷ Naloli ngubabula nguti, ubwana wake tise amwimike ukuba muteteleli wa fyoshi fifyo ali nafyo. ⁴⁸ Linga umubombi umubibi yula akwinong'ona ukuti, 'Ubwana wangu akaba,' ⁴⁹ Po akwanda ukukoma ababombi abangi, akulya, nukung'wa pamupene nabang'wa bwalwa. ⁵⁰ Po bwana wake mubombi yula, tise ise pishiku lilyo atasubilagha ukuti tiise nakabalilo kako atakukamanya. ⁵¹ Po tise amufunde nukumubika pamupene nabaghulghulu. Po kukuko abandu tise balilaghe nukusha amino.