¹ umwene uYesu akababula, akati, ² "Ubunyafyale bwa kumwanya buli ngati wi malafyale yumo, yo akamutendekesha umwana wake ulusekelo lwa nyegha. ³ Akabatuma ababombi bake pakubitisha bobutishishe kulusekelo; lole abene batakisako nashiku. ⁴ Akatuma sona ababombi abangi ukuti, 'Baye bababule bo bakitishiwa ukuti, nanosha ulusekelo lwangu, nakoma ingambaku, ning'ombe inyine, sona fyoshi fyanoshiwa. Isagha kulusekelo lwa nyegha!"' ⁵ Lole bobakitishiwa batakisako nashiku, yumo akabuka kumbombo yake iya kughulisha. ⁶ Abangi bo baka shalako bakabakola abambombo bamalafyale ⁷ babakoma nukubaghogha. umalafyale akakalipa nutuma ababwite bake, sona bakaya babakoma abalughano boshi mukocha akaya kabo. ⁸ popapo akababula abambombo bake akati naloli ulusekelo lwa nyegha lutendekeshiwe, lole bobakitishiwa atabaghilile. ⁹ Popapo mubukaghe mungona Sha misebu boshi mubitishile ku lusekelo lwanyengha. ¹⁰ Po ababombi bala bakabuka mamisebu Yoshi ya mutwaya nukubabungania boshi bo bakabagha ababibi na bisa? popapo inyumba ya lusekelo yikisula na bandu bo bakabitisha. ¹¹ Po umalafyale akati ingila aketa bo bakabitisha, akaketa umundu yumuywene yo atakafwala amalaya gha panyegha nashiku. ¹² umalafyale akamulalusha akati, 'Weya we! ngimba wingile bule muno kisita kufwala amalaya gha pa nyegha?' Po umwene akabashe mye. ¹³ Po umalafyale akababula ababombi bake akati, mupinye mutukono na mutulundi, po mumutaghe kuse chisi koti kukabe ukulira nu kusha amino. ¹⁴ Pakuti abingi bakitishiwa lole abasalibwa banandi. ¹⁵ Po abafalisayi bakabuka, pakupangana, mamwo bangamukole uYesu mumayughile ghake. ¹⁶ Bakabatuma abamanyili babo kwa Yesu pamupene nabangi aba chipani cha Herodi.* abene bakati, "Mumanyishi, tumenye ukuti we wabwanaloli sona kumanyisha isila ya chala nu bwanaloli, sona uwe utakumoghopa Umundu, utakusalila abandu mubunfu bwabo. ¹⁷ Po wati utubule, uwe kuti Koni? bule ngimba kabaghile ukusonga isongo kwa kaisali pamu hagha?" ¹⁸ umwene uYesu akabamanya ububibi bwabo,akababula akati, "Mukungelaki mwe bamyashi umwe? ¹⁹ Ndagisha indalama ya musongo." Akamweghela indalama. ²⁰ Po umwene akabalalusha akati, "Chani ichifwani ichi, nubusimbe ubu bwani?" Bakati, "Fya kaisali". ²¹ Po umwene akayugha nabo akati, "Ifya kaisali fyo mumupe ukaisali, Ifya Chala mumupe uchala". ²² po bwo bakapulika shishishi bakaswigha bakamuleka bakabuka. ²³ Pishiku lilyo abasadukayi, bo bakuti ukushika kubufwe nakumwo, bakisa kwa Yesu nukumulalusha bakati, ²⁴ "Mumanyishi, uMose ayughite isi, 'Nandi Umundu afwa kisita bana, uwamwabo wake abaghile chimwingile umukolo umufwilwe yula, ukuti amupapile abana uwamwabo. ²⁵ Twali nabo abanyamundu seveni. uwakwanda akegha umukolo akafwa; atakaba nabana nabamu, Po umukashi wake umukeke wake akamwingila. ²⁶ Nuwabubili shikabashe lsabunobuno nuwa butatushe, mupaka nuya kufika nuwa nambala seveni. ²⁷ Po panyuma pa boshi, umukolo wepe akafwa. ²⁸ Po ngimba pakushuka kubufwe, umukolo uyu tise abe mukashi wani pakuti boshi bakamweghapo?" ²⁹ u Yesu akabamula akati, "Umwe mukutula inongwa, pakuti mutaghamenye amasimbo nagho maka gha Chala mutaghamenye. ³⁰ Pakuti mubushuka bwa bufwe batakwegha nashiku, Nalinga kokweghibwa, lole balishe ngati bandumi* bwakumwanya. ³¹ Ukwene lole ukushuka kubufwe,mutabelengite lumo ukuti likayughiwa kukwinyu nu Chala ukuti, ³² 'Une ne Chala wa Abraham* nu Chala wa Iseke, nu Chala wa Yakobu*.' Umwene tawi Chala umufwe nashiku, lole wa bwumi. ³³ Bwo ichilundilo chapulika ishi, chikaswigha nukumanyisha kwake. ³⁴ lole abafalisayi bakupulika bulwamuko lwa Yesu ulwakuti vakanisha abasadukayi, po bakabungana pamupene. ³⁵ yumo mwabo akaba mumanyandaghilo Po pakumughela UYesu akamubushikisha akati, ³⁶ "Mumanyishi, ngimba ulughilo ulukulu mundaghilo shoshi loluliku?" ³⁷ Po uYesu akati kwake , "Umughanaghe u Chala wako nu mwoyo wako ghoshi, nindumbula yako yoshi, sona ninyinong'ono shako shoshi.' ³⁸ Ulu lolwo lulaghilo ulukulu ulwa bwandilo. ³⁹ Sona ulwabubili lwolukolanite nalwo u lwakuti, umughanaghe umupalamani wako isamwo wighanile wimwene.' ⁴⁰ Pa ndaghilo shibili ishi popo pimite indaghilo shoshi Isha Mose ni fimanyisho fyoshi ifya basololi." ⁴¹ Po abafalisayi bakabungana pamupene, UYesu akababushikisha akati, ⁴² "Ngimba mukwinong'ona Koni ni sha Mesiya?* ngimba mwana wani?" Bakamula bakati, "Mwana wa Deveti". ⁴³ uYesu akati kwabo, "Chifukwa chiki u Deveti bwo akuyughila mwambepo,akwitishiwa ukuti, 'Malafyale,' bwo akuti, ⁴⁴ 'Umalafyale ayughite kwa malafyale wangu: wikale kukakono kangu akamwisa, mupaka imbabike abilughu bako ukuti babe chitambalikisho cha tulundi twako."'? ⁴⁵ Po pala u Deveti amwitisha ukuba will malafyale Po angaba bulele mwana wake?" ⁴⁶ Atakabapo nayumo Yuyo akamulakwo amashu, po pakufuma pakabalilo kalakala, atakabapo nayumo umukifu uwakumubushikisha shimo.