¹ Uyesu be ali kupipi mukaya ka Yerusalemu, bwo bafika mukaya ka Betifage mu chighamba cha misyungati; Po u Yesu akabatuma abamanyili bake babili, Akababula akati, ² "Mubukaghe kukaya ko kapala manite nako, mwo taye mukangiwe,yili numwana palapala; shomuye mushabule mwisemumbe. ³ Nandi yumo akubabushikisha shime po iye muti, "Umalafyale akusilolonda, potesakabe ukushituma". ⁴ Shishishi shipelite ukuti mwo shimalilemwo shisho shayughiliwe musololi Po atingi, ⁵ "Mubabule abandu bamukaya ka zioni, tesha umalafyale winyu akwisa kwinyu, umyololo ngani itoghite pambunda, umwana wambunda umunyamula fyombo". ⁶ Po abamanyili bakabakalipila,nukubomba isamwa ababulile UYesu. ⁷ Bakaya bayibika imbunda nu mwana,bakatengapo umyenda yabo pamwanya; umwene akikalapo. ⁸ Ichilundilo chabandu abingi ngani bakatengagha umwenda yabo musila, abangi bakatemagha isamba sya makokwe batengagha musila. ⁹ Ifilundilo fyo fikatangila, nafyo fikakongagha, fikakolelagha fikatingi "Hosana we mwana wa Deveti, musayiwa yo akwisila mungama ya malafyale. Hosana kumwanya" ¹⁰ Po bwo uyesu ingila mukaya ka yelusalemu po akaya koshi kakafulungana, abandu bakalulusha bakati "Wini yuyuyu?" ¹¹ Abene abachilundilo bakababula bakati, "Uyu weyo musololi uyesu uwa mkaya ka nazareti mushisu cha Galilayi." ¹² Po uyesu akingila munyumba ya chala, akabatishamwo boshibo bakaghulishagha, nabo bakaghulagha munyumba ya chala, akawisha imesa sha baghulisha-ndalama, nifitengo fya baghulisha ngunda, ¹³ akababula akati, "mumasimbo lisimbiwe ilyakuti, 'Inyumba yangu yikuyughiwa ukuti yakwipatilamwo,' lole umwe muyipelite ukuba mbako yabifi" ¹⁴ Po bwo ali munyumba ya chala, popapa bakisa kwake abafwamaso, nabo bakasendukagha ukwenda; umwene akaboposha. ¹⁵ Lole abaputi abosongo. Nabamanya ndaghilo bwo bafibona ifiswigho fyo akapelelayha, nabana bo bakakolelagha munyumba ya chala bakati, "Hossana we mwana wa Daviti," po bakakalala. ¹⁶ Bakamulalusha uyesu bakati, "Kupulika sho bakuyugha aba?" Umwene akabamula akati, "Inga ngupulika. Umwe mutabelengite lumwo ishu iyo likuti, 'mumilomo yabana nabonda mwomwo mutendekeshiwe amapalo amisa." ¹⁷ Po uyesu akabaleka palapala, akafumamwo mukaya ka yerusalemu. akabuka mukaya ka Betania, mwomwo akaya aghona. ¹⁸ Lole pangelo bwo akughaluka ukubuka mukaya ka yerusalemu, isala yikamukola. ¹⁹ akati aketa ichikokwe cha chikuya mulubafu mu sila, akisa kupipi po atakachaghamwo nachimo ghakabamwo Mani ghene. Po akaghubula akati, "Sitakabo nekemwo lumo iseke mwako Po nakalinga ichikuyu chila chikuma. ²⁰ Lole bwo abamanyili bashibona ishi bakaswigha. Bakamulalusha uyesu bakati, "Ngimba ichikuyu ichi chumila bule luwilo?" ²¹ Uyesu akamula akababula akati, "Naloli ngubabula umwe inguti, nandi muli nulwitiko, Sona mutakwilamwa, chabombibwa ku chikuyu ichi. Nashiku, lole Nalinga mukachibu la ichighamba ichi mukuti, winyatule nukwiponia munyanja, potishi bombiwe. ²² Shoshi chicho munkusuma nulwitiko, timwambilile." ²³ UYesu akati ingila munyumba ya Chala abaputi abasongo na bosongo ba ba yuda bakisa kwake po akamanyishagha po bakamubushikisha bakati, "Ngimba maka ghaki ghagho ukubombela ifindu ifi? Sona wini yuyo akakupa amaka agha ngati agha?" ²⁴ UYesu akamula akati, "Nune timbabushikishe ilalusho limulyene Po pala mwanyamula, nune timbabule amaka ghagho ngubombela ifindu ifi. ²⁵ U Yohani papo oshanga, ngimba amaka ghakoshekesha ghakafuma kwani? kwa Chala pamu kubandu?" Lole abene bakanda ukulongana bene bakati, "Pala tungamwamula ukuti, 'Ghakafuma kwa Chala', umwene atulalushe ukuti, 'Koni ko mutakamusubila?' ²⁶ Lole linga tukuti, 'Ghakafuma kubandu,' tukoghopa ubwingi bwa bandu, pakuti boshi bakamwegha u Yohani ngati akaba mughanga." ²⁷ popapo bakamwamula uYesu bakati, "Tutashimenye nashiku." UYesu akabamula akati, "Nune tambabushe nashiku kuko ghakufuma amaka ghagho ngubombela ifindu ifi." ²⁸ Umwene mukwinong'ona bule? akabako umundu yuyo akaba nabana abalisha babili. Akabuka kumwana Wake uwa bwandilo akati, 'Mwana wangu, bukagha uye ubombe imbombo umusughu mumughunda wa mafilu.' ²⁹ Umwana yula akamula akati, 'Ndakuyakwo nashiku.' Lole panyuma akighalusha nukubuka. ³⁰ U wise akabuka kumwana wake uwabubili akayugha isamwo akayughila kuwakwanda, umwana uwabubili yula akamula akati, 'Ngubuka Tata,' lole atakabukako nashiku. ³¹ Ngimba pababili Bala wini yuyo akubomba ubwighane bwa Wise?" Bakamula bakati, "U wabwandilo yula". UYesu akababusha akati, "Naloli ngubabula nguti abosongesha songo* na bakolo abomalaya tibakabe pandashi ukwingila mubunyafyale bwa kumwanya. ³² Pakuti u Yohani akisa kwinyu musila yabwanaloli, mutakamwitika, lole abosongesha songo nabomalaya bakamwitika. Umwene bwo mukushike shishishi, mutaka pinduka ukuti mumwitike. ³³ U Yesu akayugha akati, "Pulika ichifwanikisho* ichingi. Aliko umwene nyumba yo alimite umughunda wamafilu, akasungusha ulupaso, bakakumba mulamula ubwana bwakukamilamwo amafilu,akasenga ifisakasafya bo wakalindililagha nukubashima umughunda ghula ku balimi abangi nukubuka ichisu ichingi. ³⁴ Kakati kafika akabalilo kakayabila lseke akabatuma ababombi bake kubalimi bala ukuti, baye bamwegheleko iseke Shake ³⁵ Abene abalimi Bala bakabakola ababombi bake, yumo bakamukoma, yumo bakamughogha, yumo bakamula a namabwe. ³⁶ Sona akabatuma ababombi abangi abingipo ukukinda a abwandilo, bope bakababombela shilashila. ³⁷ Panyuma akabatumila umwana wake akati, 'Umwana wangu yotise wamughindikaghe' ³⁸ Lole abalimi bwo wamubona umwana wake,bakayughisania bakati, "Uyu weyo wachilingo, safumughoghe, ukuti tuye tube twebachilingo. ³⁹ Po bakamwitisha nukumufumia mumughunda wa mafilu nukumughogha. ⁴⁰ u Yesu abusha akati, ngimba Pala umwene mughunda wa mafilu yula akisa, tise atiki nabalimi bala?" ⁴¹ Abene bakamula bakati, "Tise abaghoghe abalimi ababibi bala, po umughunda tise ashimishe abalimi abangi,babo tise bamphangeko iseke shake pakabalilo kake." ⁴² uYesu akababusha akati, ngimba mutabelengite Po amasimbo ghagho ghakuti, 'Ibwe lilyo abasengi bakalikana, lyolyo lyaba libwe ilighinfikiwa ukukinda, umalafyale uchala weyo achibomba ichi Sona chakutuswighisha ngani'? ⁴³ posona ngubabula nguti, ubunyafyale bwa Chala tibupokiwe ukufuma kukwinyu nukubapa abaluko babo bakupa iseke inyisa. ⁴⁴ Weshi yuyo akuwa pabwi ili tise afulalaghe ngani, sona paweshi Yuyo ibwe I'll tise limuwilaghe tise limupwayule ngati lufumbi. ⁴⁵ Abaputi abasongona bafalisayi bakati bapulika ifyili fya Yesu, bakamanya ukuti abayughagha. ⁴⁶ Po abene bakalondagha ukumukola, lole bakaghopa ichilundilo chabandu pakuti abandu bakamwegha u Yesu ukuti musololi.