¹ Ngimba ubunyafyale bwa kumwanya buli ngati mundu yuyo akulabila pangelo pakulonda abakumubombela mumughunda wake uwamafilu. ² Po bwo apulikana nabo ababombi ukuti tise abafwikaghe denari yumuywene pishiku, Po akabatuma mumughunda wake uwa mafilu. ³ Akabuka pa kabalilo ka 9 okoloko pangelo, akateka bamu bakwimililashe pa sokoni. ⁴ Akababula akati, "Numwe mubukaghe ku mughunda wangu uwa mafilu Po tise imbape umufwalo winyu umwisa. ⁵ Abandu Bala bakabuka. akabuka Sona pa 12 okoloko napa 3 okoloko namasuba, bakabomba isa bunobuno. ⁶ Po papipi nu 5 okoloko, akabuka Sona nukubagha abangi bimilileshe, akabalalusha akati, "Ngimba Koni ko mukwimashe ishiku lyoshi?" ⁷ bakamula bakati, "chifukwa ataliko nayumo Yuyo atwingishishe imbombo." akati kukwabo numwe bukagha mumughunda wa mafilu. ⁸ Pakabalilo kako isuba likaba papipi ukwingila umwenecho wa mughunda wa mafilu akamubusha Yuyo akaketelelagha abambombo bake akati 'Bitishe abambombo nukubalipila umufwalo wabo, ukwanda bo bakingila pabumalilo ukumalila bo bakingila pa bwandilo.' ⁹ abambombo bo basimbiwe pa 5 okoloko bakisa bapokela indalama ya dinali yumuywene. ¹⁰ Popapo bakisa babo bakasimbiwa pabwandilo bakasubalilagha ukuti tibambilile umufwalo ukukindapo. Lole boshi bakambilila indalama ya denari uwakuyanashe. ¹¹ Popapo mwo bambilila bakanda pakwilumbusha kumwene mughunda ¹² Bakati 'Abandu babo basimbiwe pabumalilo Po babomba imbombo akabalilo kamukene, Po baghelelashe bule nutwe? twatamiwa ni mbombo ya lishiku lyoshi nakasanya koshi.' ¹³ Lole umwene mughunda akamwamula yumo uwabambombo bala akati, 'wamwitu uwe, ndakukushimbula lumo, ngimba ngimba twapulikanite umufwa wa ndalama ya denali yumuywene? ¹⁴ Eghashe umufwalo wako ubukaghe nalonda nimwene ukumupa uwabumalilo uya isamwo nakupila uwe. ¹⁵ Ngimba tanemwabuke ukubomba cho nighana nichuma changu? pamu uli nakabini chifukwa chakuti Indi mwabuke? ¹⁶ Popapo uyesu akati, "uwabumalilo tise abe wakwanda sona uwakwanda tise abe wabumalilo." uyesu akuyughila ngani akabutatu Nisha bufwe bwake ¹⁷ Umwene uyesu bwo alipipi ukubuka ku Yerusalemu, akabeghela abamanyili bake palubafu twelovu po akayugha nabo musila akati, ¹⁸ "Apa tukubuka ku Yerusalemu po umwana wamundu akuya pakubikiwa ku bakulumba abosongo nuku bamanya ndaghilo. Abene tiye badumule ukuti aghoghiwe. ¹⁹ Sona tiye bamubike munyobe shabapanja ukuti bamutamyaghe, bamufyapule nukumupayika pachipingika, lole akuya pashuka pishiku lyabutatu." ²⁰ Popapo umukashi wake zebediya akisa kwa Yesu pamupene nabana bake, po akafughama npandashi pa Yesu nu kusuma fimo kwake. ²¹ Umwene uyesu akamulalusha akati, "Ubabule ukuti abana bangu babili aba, yumuywene ikale kukamwisa uyungi kukashoni mu bunyafyale bwako." ²² Uyesu akamula akati, "Mutakumanya cho mukusuma. Ngimba mungang'wela mukabako kandamyo ko une tise ng'welemwo?" Akamwamula akati, "Inga tungang'welamo." ²³ Uyesu Akababula akati, "Naloli tise mung'welemwo mukaboko kangu, lole ukwikala kukakono kangu akamwisa naka shomi tanene ngubapa. Lole sha bo u Tata abatendekeshishe ngani." ²⁴ Po abamanyili abanine teni bakati bapulika ishi, bakabakalalila abanya mundu babili bala. ²⁵ Popapo uyesu akabitisha boshi pamupene akayugha nabo akati, "Mumenye ukuti abalaghili bapanja bakubalaghila abandu babo mumaka, sona nabolongoshi babo bope balinamaka pakubalaghila abandu babo. ²⁶ Manye shibange ngati bwo ulu mukati mumwinyu. ²⁷ Lole weshi yuyo akulonda ukuba wakwanda, abaghile ukuba wambombo mukati mumwinyu. ²⁸ Isamwo umwana wamundu akisila takokuti akati bamubombele nashiku, lole ukuti umwene weyo ababombele abandu nukububula ubwumi bwake ukuti apoke abandu abingi." ²⁹ Po uyesu nabamanyili bake bakatilighamwo mu Yeriko, ichilundilo chabandu abingi chikamukonga. ³⁰ Abafwa maso babili bakikala mulubafu musila. Abene bwo bapulika ukuti wiyesu yuyo akapululigha bakakolela bakati, "Malafyale mwana was Devedi utupelele ichisa." ³¹ Ichilundilo chabandu chikabakemela bakababusha ukuti babeshe mye lole abene bakakolela ngani bakati, "Malafyale, mwana wa Devedi, utupelele ichisa!" ³² Uyesu akimilila Po akabitisha akati, "Koni ko mukulonda imbabombele?" ³³ Bakamula bakati, "Malafyale tukulonda amaso ghitu ghighuliwe." ³⁴ Uyesu akabapelela ichisa, Sona akabapalamasha amaso ghabo. bakaketa nukumukonga.