¹ Ghakati ghakindapo amashiku sikisi, uYesu akamwegha upeteri, uyakobu nu Yohani umukeke wake. Akabuka nabo kwighamba itali bakabako bene. ² Akabonekero kabo bakanduka kumaso kwabo, kumaso kwabo kukabala ngati lisuba, Sona amalaya ghabo yakabashe see yikamwekagha. ³ Popapo pakisa paboneka pandashi pabo u Mosesi nu Eliya, bakaghagha nu Yesu. ⁴ Popapo u Peteri akati, "Malafyale, chisa kuti tube panupanu. Nandi mukulonda leka senge ifitembe fitatu, chimo chako chingi Cha Mosesi, ichinine Cha Eliya." ⁵ Bwo akali akuyugha, bakanyomoka be ibingu ilyelu libakupikile, ilishu likafuma mwibingu likati, uyu weyo mwana wangu umughaniwa, Yuyo inguhobokanawe; yo mumupulikile." ⁶ Abene bamanyili bo bapulika shishishi, bakawa bakukupama, bakatema ngani. ⁷ Uyesu akisa akabapalamasha akati, "Nyatuka, koma ukutetema." ⁸ Po bakati bakwinula amaso ghabo, batakamubona umundu nayumo, lole mwene yu Yesu. ⁹ Bwo bakwilomoka ukufuma pighamba, uyesu akababula akati, mumubule nayumo nishachisetuka ichi, ukwisafika kufika papo umwana wamundu is ashukilaghe kubufwe." ¹⁰ Abamanyili bake bakamulalusha bakati, "koni ko abamanya-ndaghilo bakuti Eliya weyo tiande ukwisa?" ¹¹ Uyesu akabamula akati, "U Eliya akwisa naloli Sona weyo tise anashe ifindu fyoshi. ¹² Lole une ingubabula nguti, U Eliya akisa kale. Lole abandu batakushimanya. Sona bakumubombela choshi chicho bakalondagha. ¹³ Po mwomwo numwana wamundu wepe tise atamiliwe nabo." Po abamanyili wakamanya ukuti akayugha nabo Isha Yohani umwoshi. ¹⁴ Bakati bafika kuchilundilo chabandu, umundu yumo akisa kwa Yesu nukufughama pashi pake akati, "Malafyale, umupelele ichisa umwana wangu umulumyana. ¹⁵ Ali nakashilishi, Sona akutamiwa ngani. Utubalilo utwingi akuwanga pamulilo lumo mumishi. ¹⁶ Nisile nawe ku bamanyili bako, loli baposhitwe ukumuposha." ¹⁷ Uyesu akamuka akati, "Okwa mwe bandu bangulilo iyambula lwitiko nabanonganu umwe, ngimba timbe numwe umupaka lighi?Timba findile mupaka lighi? Sanawe kuno umulumyana uyo." ¹⁸ Uyesu akachikemela ichimbepo, nukufumamwo mumulumyana yula. Popapo akapola. ¹⁹ Po abamanyili bakisa kwa Yesu ku bushifu, bakamulalusha bakati, Ngimba utwe tuposhitwe bulele ukuchifumisha ichimbepo chila?" ²⁰ Uyesu akamula akati, "Pakuti ulwitiko lwinyu lunandi." Naloli ngubabula nguti, "Nandi muli nu lwitiko lunandi ngati kaseke ka mutaka, timuchilaghe ichighamba ichi ukuti, 'tilapo panu uye pala! po tichitilepo. ²¹ Nachimo chotise chibapote! [Lole ichimbepo Cha luko ulu chitakufumashe nashiku, loli nukwiputa nukufunga ukulya.] ²² Po abamanyili bakaba pamupene mu Galileya, uyesu akababula akati, "Umwana wamundu akaya pakubikiwa munyobe shabandu, Po tiyebamukome. Lole tiye adhuke kubufye pishiku lyabutatu." ²³ Abamanyili bake bakaba nishisa ichikulu ngani. ²⁴ Po uyesu na bamanyili bake bati bafika kukaperenaumu, bo bakeghagha indalama msongo wanyumba ya Chala bakisa kwa peteri bakati, "Ngimba umumanyishi winyu akubika umusongo want nyumba ya chala?" Umwene akati, "Akubika." ²⁵ Po bakati bingila munyumba uyesu weyo akaba wabwandilo pakuyugha.Akalalusha akati, "Ukwinong'ona bulebule Simoni?" Ngimba abanyafyale bachisu bakusangula kwani isongo pamu isongo ya likemo? ²⁶ Umwene upeteri be ayughagha ukuti, "kubagheni." Uyesu akamula akati, "Po abenekaya babuke. Lole manye tubapunushaghe, bukagha kunyanja uye uponyire indobani Po nandi iswi yo waya wanda ukuloba uye weghe. ²⁷ Sona pala uyapakuyasamula umulomo wake, tiye uyaghe indalama. Uye weghe indalama iyo uye ubike kuba musongesha songo uwa une nuwe.