¹ Abafalisayi nabasaduki bamu bakisa kwa Yesu, pakumughela bakamulalusha ukuti abalangishe ichiswigho chochifumite kwa Chala. ² Uyesu akabamula akati, "Namasuba Po lsuba likukila mukuti, 'tikuche akisa pakuti kumwanya kukesamite. ³ Sona pangelo mukuti, 'Umusughu tikuwe ifula iya mbepo, papo kumwanya kukesamite Sona ibingu lya fita leka' .Mumenye ukupima akabonekelo katubalilo lole mutamenye akang'anamulilo ka fiketelo fya tubalilo utupala pala nashiku. ⁴ Mwe bangulilo imbibi nu bwomalaya umwe, mukulonda ifiketelo lole ichiswigho tamwise mupeghiwe nachimo ichiswigho, Lole chene ichiswigho Cha Yona." Po uyesu akabaleka nukubuka. ⁵ Bwo abamanyili ba Yesu bafika kwisila bwo baloboka inyanja bakibwa ukwegha ifibama. ⁶ Uyesu akayugha nabo akati, "Muchebe mube maso ninyambo ya ba falisayi naba sadukayi" ⁷ Abamanyili bakanda ukuyughisania bakati, "Pamo pakuti tuteghite ifibama," ⁸ Umwene uyesu bwo ashagania, akabusha akati, "Mukuyughisaniaki, mwe balwitiko ulupepe umwe, po mukuti tutanifibama? ⁹ Ngimba mukali mutashaghanieshe napa? mutakukumbuka pa fibama fayivi(5) fifyo ingaghabila abandu fayivi sabusani(5000), nubwingi bwa fipombo fya fimenyukemenyuke fyo mukaseba? ¹⁰ Pamu ifibama seveni fifyo ngaghabila abandu folo sabusani (4000), nubwingi bwafipombo nifimenyukemenyuke fyo mukaseba? ¹¹ Koni ko mutakupulikisha une ndayughagha nifya fibama nashiku? Lole muchebe ninyambo yaba Falisayi naba Sadukayi. ¹² Po bakashaghania ukuti bayugha ukuti bachebe niyambo yachibama nashiku, Lole nukumanyisha kwa ba Falisayi naba Sadukayi. ¹³ Lole bwo uYesu afikite muchisu Cha kaisaliya Filipu akabalalusha abamanyili bake akati, "Ngimba abandu bakuti umwana wamundu wini?" ¹⁴ Bakamwamula bakati, "Abandu bamu bakuti we Yohani umwoshi,bamu Bakuti wi Eliya,* Lole abangi Sona bakuti wi Yeremiya pamu wa bamu abasololi." ¹⁵ Uyesu akabamula akati, "Lole umwe mukuti ne wini?" ¹⁶ Simoni Peteri akati uwe we Mesiya mwana wachala wabwumi." ¹⁷ UYesu akamwamula uPeteri akati, "we musayiwa Simoni mwani wa Yona, pakuti tamundu akubula ishi nashiku, Lole utata wakumwanya. ¹⁸ Po ngukukubula ukuti we Peteri, Po pibwe ili tisengepo ichaliki changu. Amaka ghabufwe taghapote nashiku. ¹⁹ Tingupe ifyighulilo fya bunyafyale bwa kumwanya; choshi cho nandi mwapinya pachisu panu tichikapinyiwe na kumwanya. choshi chicho mwabula pachisu panu tichikabuliwe nakumwanya." ²⁰ Po umwene abakanisha abamanyili bake ukuti manye bamubulaghe nayumo na yumo umundu ukuti wi Mesiya. ²¹ Pakufuma pakabalilo kalakala, uyesu akanda ukubalingania pabwelu abamanyili bake akati, "Mbaghile ukubuka ku Yerusalemu, kukwo nguya pakutamiwa mufyingi nabaputi na bosongo, Po nabamanya ndaghilo nukughoghiwa Sona nukushuka linga ghakindapo amashiku matatu. ²² Popapo upeteri akamweghela uyesu palubafu Po akanda ukumukanisha akati, "Nashiku utata uchala taitikisha ukuti chibombiwe kwinyu nashiku." ²³ Lole uyesu akamwamula numukanisha upeteri ukuti, "Tilapo satana! we cha kwipunulamwo, pakuti utakwinong'ona ishachala nashiku, Lole ifyakumubili" ²⁴ Popapo uyesu akababula abamanyili bake akati, "Pala Umundu akulonda ukungonga chilondiwa iyipe mwene, nukunyatula ichipingika chake nukungonga. ²⁵ Pakuti weshi Yuyo akubupoka ubwumi bwake tise abutaghe. weshi Yuyo tiabutaghe ubwimi bwake chifukwa Cha une, tise abwaghaghe. ²⁶ Napo umundu akabe ichisu choshi Po chingamutulaki Umundu apo bwo mwomwo abutaghilemwo ubwumi bwake? ²⁷ Pakuti umwana wa mundu akuya pakwisa mu bushisha bwa wise pamupene nabandumi bake, Po tise umupe weshi umufwalo ufwana ni mbombo shake. ²⁸ Naloli ngubabula umwe nguti, balipo bamo bobimilile panupanu, babo tabise babukete ubufwe nashiku umupaka bise bakete umwana wamundu akwisa mubunyafyale bwake.