¹ Pakabalilo kalakala abamanyili bakisa kwa Yesu bakamuskikisha bakati, "Ngimba usongo ukukinda boshi mubunyafyale bwakumwanya wini?" ² Uyesu akamwitisha umunandi nukumwimika pakati pabo. ³ Po akati, "Naloli ngubabula une inguti, kisita mwapinduka nukubakanisha ngati bana tamwise mwingile mubunyafyale bwakumwanya. ⁴ "Popapo weshi yuyo akwiyisha ukuba ngati mwana umunandi uyu we yuyo wisongo mubunyafyale bwakumwanya. ⁵ Weshi yuyo akumupokelela umwana ngati bwo yuyuyu mungamu yangu, bwo ambokelite une." ⁶ Lole yuyo nandi akumukinya yumo u wabanandi bo bakunyitika une, shimubaghile ukumupinyila kulwala ulu ng'wamu mushingo, nukumwibisha pase ngani panyanja. ⁷ "Shabutolwe ku chisu panongwa ya mbunusho! Naloli imbunusho shibaghile shibekwo, lole shabutolwe ku mundu yuyo imbunusho shikwisilamwo." ⁸ Nandi ichikono chako, pamu ichilundi chako chikukutalisha inongwa uchidumule nukuchitagha.Chisapo ukuti ukingile ku bwumi ukukinda bwo uli nichikono pamu ichilundi Po ukataghiwe ku mulilo wabwila na bwila. ⁹ Nandi ilyiso lyako likukutulisha inongwa ulikolobole nu kulitagha. Chisapo ukuti ukingile ku bwumi wabwila na bwila bwo uli nilyiso limulyene ukukinda ubenagho amaso mabili nukutaghiwa ku Gehena. ¹⁰ Muchebe! manye mumwishange yumo uwabana abanandi aba, papo ingubabula une inguti, abandumi babo kumwanya bakuchiketa bwila icheni cha Tata wa kumwanya. ¹¹ [Pakuti umwana wamundu akisa pakwisa pakupoka chicho chikasobela.] ¹² Mukwinong'onaki? Pala umundu Ali ning'oshi want handiledi(100), poyimo yisobepo kalipo angasileka isingi nayinthe nayini(99) mufighamba, nukubuka pakuyilonda yiyo yisobite? ¹³ Po nandi ayagha, Naloli ngubabula umwe inguti,tise ayisekelele ingani ukukinda inine shila nayinthe nayini(99) shisho shisobite. ¹⁴ Po tabwighane bwa Tata wa kumwanya, ukuti yumo pabanandi aba asobeghe umunyako. ¹⁵ Lole nandi umunyako akutulilabinongwa, ubuke uye umubule ubusobi bwake pamwene. ¹⁶ Nandi akupulika kokuti be wamughalusha umunyako.Lole nandi atakupulika, witikishepo umundu yumuywene pamu babili mube nawe pamupene ukuti amashu ghoshi ghashimikishiwe nabo kamboni wabili pamu batatu. ¹⁷ Nandi akana ukubapulika, mubabule aba chipanga. Nandi pope atabapulika nabachipanga, umweghe ngati mundu wapanja Sona ngati musongesha songo. ¹⁸ "Naloli ngubabula nguti choshi chicho mwapinya pase panu chikupinyiwa nakumwanyashe, Sona choshi chicho mwabula pase panu, tichikabuliwe nakumwanyashe. ¹⁹ Sona ngubabula nguti nandi mweshi babili mukwitikisania pase panu pakandu koshi kako mukusuma, u Tata wakumwanya ti abape. ²⁰ Pakuti poshi po abandu babili pamu batatu babungana mungamu yangu, po nune indipamupene nabo. ²¹ Popapo uPeteri akisa kwa Yesu po akati kukwake, "Malafyale, ngimba umunyitu imuhobokelaghe kalinga pala andulila inongwa? ukukwana seveni tayimusi?" ²² umwene uYesu akababula akati, "Ndakuti seveni tayimusi seveni(7×7) nashiku, loli ukufika sevente tayimusi seveni (70×7) ²³ "Popapo unyafyale bwakumwanya buyaniteshe nu malafyale yumo akalondagha utendekesha inongwa ya chuma chake nababombi bake. ²⁴ Lole bwo akwanda pakubelenga, Po akisa umubombi yumuywene yuyo akaba ningongole ya ndalama ya matalenti teni sabusandi(10000). ²⁵ Po akapotwa ukulipila, ubwana wake akamubula akati Po ughishiwe yuwewe nu mukashi wake pamupene na bana bake na fyoshi fyo akaba nafyo, ukuti fyofyo alipile inongwa. ²⁶ Popapo umubombi yula aoafughama kwa bwana wake nukumusuma akati, 'Bwana, manye ukalalaghe,tise ingupe fyoshi.' ²⁷ Po ubwana wamubombi yula akamupelela ichisa akamwabula nukumuhobokela inongwa yake Po akabuka. ²⁸ "Lole umubombi yulayula akati afuma kuse, akamwegha umubombi uyungi, Yuyo akamupokesha indalama sha madenari handiledi (100) yo akamukola nu kumupinya ku shingo akati, undipe fifyo ukakopa. ²⁹ Popapo umubombi uyungi yula akafughama mutulundi mwake akasuma akati, manye ukalalaghe tinise ngulipile. ³⁰ Lole umwene atakitika, akabuka nawe nukuya kumwingisha munyumba yabapinyiwa mupaka ise alipe cho akakopa. ³¹ Po ababombi abangi bakati baketa cho chikabombiwa nukumubula ubwana wabo shoshi shoshabombiwe. ³² Popapo ubwana wake akamwitisha, akayugha nawe akati, we mubombi umubibi uwe! ³³ Une nakuhobokile inongwa yoshi yila pakuti ukasuma, ngimba uwe ngali utakaba nichisa nu mubombi umunyako isamwo nga bombela kwako? ³⁴ Po ubwana wake akakalala ngani, akaya munyumba yabapinyiwa ukati mwo aye afundiwe mupaka potise alipilile fyoshi fifyo akakopa. ³⁵ "Popapo mwomwo u Tata wakumwanya tise abombele nu mundu weshi uwa umwe, nandi mutakubahobokela abanyinyu pafuma pase pandumbula."