¹ ሃኣይኬ ክርስቶሴ ሃሳውባ ኣኩሉክ፤ ሃሾሮሼንኬን፤ [ኅሊና] ናኒዻ ማኚሼ ኣንባ ከመንፈስ ቅዱስ። ² ሞይካዾ ታቺዬ ጭንቄት ኬና ማር ጃክኔን ኣኔባ ሻን ናኒ ክያኒ። ³ ሃሺጝ ናንዳካ ውር ናኒያጝ ናንዳካ ጪኒጌን ናኒ ኣንዻ እን ሃዻዹጝኔዬ ሃኣዬ እን ሃጌዬኬ ኦካ ክርስቶስ ዋና ፓቄዻጝ ኣኔን ናሺዬን፤ ⁴ እንግን ጋይ ዛርሲካ እስራኤል፤ ሃንታ ማቲዬን፣ ጎቢንታ እንካ መለኮት፣ ክያጃ፣ ሕግ ቦወን፣ ዳንቢካ ቶኦካ ይሁኔኔ ቃቦዬ ሃጊዬይዬ። ⁵ ሹቡጌን ጌዬይዻ ሃካ ጊዬይ፤ ክርስቶስዻ ከኣሩጝ ኣዬ ቢዛካ ጅሼን ካኮሞጝ ሃኬ እእንግን፤ እሺዻ፣ ከኦካ ፓይላ ኣይ ሳጉጝ ሃኣምላክ እን ጎሺዬ ቦን ጮሉጝ» ኣሜን። ⁶ ኣይባዬ ማር ክያጃካ ባሪዮ [ጌርሺኔያ እያጜን]፤ ጊታይ ጅሼኬ ኦካ ውርካ እስራኤል ፓይላ ማር እስራኤሌኔ። ⁷ ናንዳካጝ ጋዬኬ ቢዛካ ኣብርሃምዻጝ፤ ፓይላ ማር ሃንታ ኔኒዬን፤ ሳጊዻካ ጅሼን ኔኑ ሺውባ ከታካ ይስሐቅ ከእያይ ሺጜ እያይኔ ቶኮጝ። ⁸ ከይጝ ሺጜንዻ ጊታይ ሺጜ ሃንታካ ባሪዮጝ ማር ሃንታካ ኣሩጜን፤ ኣይባዬ ጊታይ ሺጜ ሃንታካ ኣብርሃም ሃሃንታካ ጊታይካ ቃቦጝ። ⁹ ሹ ኔኒ ሄክሺያጝ ሃዋክባ፤ ሳራዻ ጅሽባ ሃንታካ ጁሙ ሺጝ እያይኔ ጋዬና ቃቦዬ። ¹⁰ ማር ይንጵኔኔ፣ ሃንታካ ርብቃ ጋኔ ሹኔ ክየም፤ እሺዻ ሃሹኔ ጉዋዩ ይሥሐቅ። ¹¹ ካኒ ጅሽኬን ማንታኔ፣ ወይ ኣያ ሹቃ ካኒ ሻምኬን ጋራዻዬ፣ ቃቦካ ባሪዮ ካቁዋቅትሼኬ ምርጫግ፣ ¹² ማርኬ ዋድማዬኔ [ኣዬኬ እን ሺዎጝ]፣ ታቺ እን ዋድምሼባ ዽኒ እጝ ሺጝ እያይኔ ክያጃ። ¹³ ይንዻ፣ ሃኬ እን ሺጜ «ናሺያ ያዕቆብ፤ ዬ ሚኔያ ዔሳዬ ቶኮጝ። ¹⁴ ኣኪ ሃሺጛ ኦ? ባሪዮ [ኣሽኪባ ሴሶ እያጝኪ? ክየምጵንዻ ኣይኬን/ ¹⁵ ናንዳካ ሙሴ ሺጝ፣ ናንዳካ እን ግዕሺ እን ሃግዕሺባ፤ ናንዳካ እን ዻዹጝኔ እኑጝ ሃዻዹጝኔባዬ። ¹⁶ ኣኪ ይን ከኦይን ውር ዎሾጝ ወይ ማር ኦኬና ዎሼዬኔ፣ ሃእን ናሹጝኬ ሺዕሺኔንካ ባሪዮጝ። ¹⁷ ወርቀት ዋይሼ ፈርዖን፣ ቁዋቅቲ ናኒ ካጌይኔ ኦኑኑጝ፣ ሮጝ ናኒዻ ካሃሳወ ኦካ ፔን ፓይላጝ ሃቲትሽባ ናንዳካ ይጝ። ¹⁸ ዬ ባሪዮ ካግዕሺዮጝ ናንዳካ እን ናሺዮጝ ሺዕሺሼባ፤ እን ሻን ኔኒ ካኣይ ማጊዬ ዎሺዻ ሻምባ ማጊ። ¹⁹ ከኦጉዩ ክየም፥ ኣኪ ሃኦኬና ኣዬ እያይንያጝ ሃናንዳካ ኦ ኖክዬ ባሪዮ ሌይ ኣይ ሹጙጝ? ናንዳካ ኦ ሃኒን ካቻሊ ክያጃ ኔኒ ሪቤኑጝ? ማቲባ ኬናካ ዋይሼ ኣን እያይ። ²⁰ ኣይባዬ እን እጝ ቡልሼ ባሪዮ ቶጉጝ የኣይ ኔን? እንካ ኣሽኪ ዋድማጝ፣ የዋይሼባይ ሃኦ የኣሽክዬ እያጝ? ሺጝባይ እያይ?» ²¹ ውር እን ኣሽክዬን ጁውጝ፣ ከሲሮ እን ኣሽክዮጝ፣ ጅው ክየም ክየም ናንዳካ ጎቢንታ፣ ኑዋ ፕር ናንዳካ ዋድማካ ማም እያይ ሻሜን ኣኔኬኒ መብት? ²² ባሪዮ ዎሽ ማኒት ኔኒ ናንዳካ ዹዋልሺኔኔ፣ ቁዋቅቲ ኔኒዻ ናንዳካ ሜይሺኔኔ ኦግታይ ኣይካ ማኒት ኔኑጝ፣ ጊታይ ሺኪካ ካዮዻ ካሎን ኤሃኦኬና ዴንሺሼያጝ/ ²³ ሌምሼ ናንዳካ ጊታይ ሼክሼ ጎቢንታጝ፣ ኦግታይ ኣይካ ዹዋልሺኔንካ ዻዹጝኔኑጝ፣ ከእባጅቴ ሆድማሞካ ጎቢንታጝ ኤሃኦኬና ሻሜ እንያጝ? ²⁴ እን ሺዎጝ ማርኬ ኦካ ውርካ አይሁድጵኔኔ ኡዋው ጊታጝ ኣይካ ውርካ አይሁድዻ ሃካና ሺዺያኬኔ ጊያሞ? ²⁵ ከሆሴዕ ከእያይ ሺጜ እያጙጝ፤ «ጊታይ ማር ዛርሲ ናኒ ኣዬኑጝ፣ ሃሺጚ ዛርሲ ናኒዬ ሃሺውባ፤ ጊታይ ማሬ ናሺዬንዻ ሃሺጚ ጊታይ ናሺዬዬ ሃሺውባ። ²⁶ ፕርዻ፣ ኦካ ራቅ እን ሺጜ የማራ ዛርሲ ናኒዬኔ ክያጆጝ፣ ሺጝ ሃንታካ ባሪዮዬ ሺውባ። ²⁷ ኢሳይያስዻ ናንዳካ እስራኤል ሺጝ እያጜ ኡቹኳ፤ ጁዋንቲካ ሃንታካ እስራኤል ኣይኒን ከይያጪ ጊታይ ኣኔን ኦካ ላቅካ ኛፓሱጝ፣ ባይሻ ትርፒ ኔኒጵን። ²⁸ ታቺ እን ኮምሼን ኔኒ ከኦካ ዳሉጝ፣ ይሪካዬ ከሹ እንካ ቱንሲዬ ሹዋጵሽባዬ። ²⁹ ይንዻ ሃኬ እን ኢሳይያስ ሃሳወ እባ ከሌሜኑጝ፤ ታቺ እንካ ሰራዊቱጝ፣ ማራ ኡዋው ቢዛ ኦቼንያጝ፣ ዋቲ ማቲያ ኬካ ሰዶም፤ ማቲሼያ ኡዋው ኬካ ገሞራዻ። {እን ውርካ እስራኤል ማሬ ኣምኒዬኑጝ} ³⁰ ኣኪ ካሺጚ ኦ? ጫንቃል እን ኣይኬ እምነቱጝ፣ ናንዳካ ኣሕዛብ ጊታይ ማርኬ ጫንቃል ዻቼኑጝ ጌያ፤ ³¹ ኣይባዬ ውርካ እስራኤል ጊታይ ዻዬ ሕግካ ጫንቃሉጝ ካኒ ጌይኬን። ³² ሃኦ ይን ኣዮጝ? ማርኬ እምነት ኣዬኔ ኣዬኬ ዋድማጝ ሻሜ ኮሜን ናንዳካጝ ዻዮጝ፤ እንግንዻ ካቲሜና ከባይ እን ካቲዬን ውሩጝ። ³³ ይንዻ ሃኬ እን ሺጜ እያጜ ቶኮጝ፣ «እየዎ፤ ካካቲ ውሬ ባይ እን ሻሞጝ፣ ካቡድባዬ ባይ ታቺ እን ሻሞጝ፣ ሃኣጁጝባ ጽዮን፤ ጊታይ ኣምኒኬ