¹ ከእምነት ጊታይ ኣይ ዻቹጉጝ፣ ከኦካ ክያጃ ጊታይካ ዜርማ ከቁዋቅቲ ኦይድ ኮምቴኔ ቦው እንግንባ። ² እምነትካ ውር ክየም ካኣሜ ኦኬ ፓይላጝ ናሺሼባ፤ ዬ ውር ክየም እን ማርኬ እምነት ቁዋቅትሼን ኣምባ ካርቡካ ሻሪጵን። ³ እን ኣሚ ፓይላጝ እንቃ እን ማር ኣሜን ካማር ቦውዬን፤ እን ማር ኣሜንዻ ካማር እን ኣሚ ሚኔን፤ ባሪዮ ቦዋዬ። ⁴ እን እጝ ኮምሼ እንቃ እን ኣኔን ዋድምዬን እን የኣይ ኒን? እሺ ቡድኒን ወይ ዾርኒን ሃካ ታቺ እን፤ ታቺ እን ናንዳካጝ ካቻሊዬ ሪቤኑጝ ዾርባ። ⁵ ውር ክየም ሹ ክየም ከኦካ እንቃ ሻም ይሁኔን ኬና ኣይ ባሺዬ ኳምባ፤ ፕር እንቃ ሹዋን ፓይላ ኣዬ ልኩጝ ቃቢባ። ውር ክየም ክየም ቱሚባ ቃቦ ጊዬይ ካሎን። ⁶ ሹ ክየም ከኦካ እንቃ ሻም ዋናዬ ውር እን ቃቢ፤ እን ሻሜ እያይ ሺጝ ናንዳካ ታቺ እኔ ጊያ፤ እን ቃው ኣሩጝ ሺጝ ናንዳካ ታቺ እኔ ቃውባ፤ ቦሼባ ባሪዮ ጎሺዬ፤ እን ማር ኣሜንዻጝ ሺጝ ናንዳካ ታቺ እኔ ኣምኬን፤ ቦሼባ ታቺ እን ጎሺ። ⁷ ከኦጉዋዩ ውር ክየምጵንዻ ካኡፑሼ እሺ ኤምኒዬ፤ ካኣርሽ እሺጵን ኣኔኬኔ። ⁸ ሃቆባያጝ ሃቆብቴ ታቺ እን ሃኣርሻዻያጝ ሃኣርሺቴ ታቺ እን፤ ዬ ካቆቡጝ ካኣርሹጝ ሃኣያካ ታቺ እን። ⁹ ናንዳካ ይጝ፤ ከኣርሼኔ ከእያይ ኣዬኔ ክርስቶስ ኣርሻ፤ ናሹጛ ከዻቆዻ። ¹⁰ ኣኪ እን የኮምሼ እያን ጪን? የቦዊ ናንዳካ ኦዻ ጪን? ኡዋው ፓይላ ሃፓይናባ ኦካ ሌሜንካ ካራምካ ኮምሼንካ ባሪዮዬ፤ ¹¹ ሺጝ እያጜ ቶኳ፤ «ኣን ሃኣይ እያይኔ፤ «ኩዋሚን ፓይላ ኮምፓርሲሼባ ኣን፤ «ካት ፓይላዻ ማኚሼባ ባሪዮ ሺጝ እያይ ታቺ እን። ¹² ኡዋው ክየም ክየም ናንዳካ ኡዋው ኤታጋን ሃኣያባ ባሪዮ ዋሼን። ¹³ ዬ ኡዋው ከጋጝ፣ ክየም ኦካ ኑዋ እን ከኮምሼን ካዺያኒባ፤ ዬ ከኦካ ባልካ ይጝ ከኦካ ጉዋርካ ጪን ኦይ ባይካ ካቲሚኔን ወይ ካህ ኣጁጜን ኣሽኪ ቃቦ ልኪ። ¹⁴ ሃኣይኬ ኢየሱስ ታቺ እኔ ዳዓኖ ማር እሺጵን ጫንቃል ኣዬኑጝ ማሬ ኣኔን ሃእባጅያ፤ ኣይባዬ ውር ክየም ኦኬ ክየም ኳማ ከእያይ ማሬ ጫንቃል ኣዬንያጝ፤ ዳቢ እን ማርሼ እሺ ጫንቃሌን። ¹⁵ የኣይያ ኬና ካዻዹጝኔ ዳዓኖ እን ጪን ኣሜያጝ፤ የካኔ ጃሌጆልኬን ከናሺማ፤ ጪን እን ክርስቶስ ኣርሺሾጝ ኦይ ናንዳካ ኣማ ካህሲዬን። ¹⁶ ኦይን የሺጜ ሹቃዬ የቃቢዮጝ ካሺጜ ጋራዬ ካክያጆጝ ኦይ ሻሜን። ¹⁷ ጌጳሞካ ባሪዮ ሃካ ጫንቃሌ ሹቃዬ፤ ሃካ ዋዛ እን ኣይካ መንፈስ ቅዱስ ዬ፤ ማር ክያጃካ ኣማዬ ካማትኔኔን፤ ¹⁸ ከዴንታ ይጝ እን ዋድምሼ ክርስቶሱጝ ዋዝንሲባ ባሪዮ፤ ካትካ ውርዻ ሃኬና ጎሺዬ። ¹⁹ ዬ ካጌይቴ ሆፎዬ ካሻምቴ ጋጝ ጫንቃሉጝ ሻምባ ኦኬ ፓይላ። ²⁰ የሺጚ ናንዳካ ምሼ ኦይ ዋድማካ ባሪዮ ኮሲሲዬን። ፓይላ ሃጫንቃል፤ ኣይባዬ ናንዳካ ውር እንቃ ከክያጃካ ካቲንሲዬን ኦይን ኣዩጝ ኣሜን ሃሴሲዬን። ²¹ ኣሩጝ እን ካኣይሼ ጪን ኦካ ካቲሚኔኑጝ ኦይ ኣሜን፤ ኣላላዻ ኦይ ማቴን፤ ወይ ኦኬ ክየምጵንዻ የማርያ ኣሽክዬንያጝ ሃሹቃ። ²² ኣኪ ናንዳካ ኦግታጝ እምነት እን ኑኑ ኣኖጝ ከኦካ ጫቃን ኑኑዬ ካባሪዮዬ ካኣይ ኬና ቶዬ፤ ኦይን የሺጜ ልኪዬ የቦዎጝ ውር እን ማር እሺ ዻብሺዬን ሃኬና ጉዋኔ። ²³ ኣይባዬ ውር እን ቃጋዺ ኣምያጝ