¹ ኦይን ዮሐንስ ጌዮጝ {ማህትማን} v 1 ማድር እንዻ ከኦካ ማህትማን ሶጳን ቡል እንካ ሌሜኔ ሃጌይያ፤ ከኦይን ጩዋ ከዳቢ ኣሁራን ጊታይ ሙኔዬ ኣይ እያይ ክየም፣ ከናቅዲ ኬና ሙኔን ጉጉናት ዋይሼ ኣን ኩዋባዬ ሃዋይያ። ² ኣንዻ ሃቶይያ ሃሚን፤ እየዎ፤ ሃጌይያ ፓርዳ ፎልቼን፤ ውር ኡፌ እሺ ዾዮክዻ ጎም ሾርጉዬ ጊያ፤ ጋያ እሺ ጌጳሞዻ፤ እሺ ከእያኑጝ ሻሚ ባሺዬኑጝ ቱላ ባሺዬን። ³ ማድር እን ከሹ እጝ ቡሌ ማህትም እንካ ላንሳጝ፣ ዳቢ እንካ ላንሳ ኣይ እያይኔ ሙኖጝ፤ ሺጝ ኩዋባዬ ሃዋይያ። ⁴ ፓርዳ ኬና ሙኔን [ፍም] ቱላ እንቃ፤ ና ኡፌ ኣኔዻ ካቦው ሆፎ ከዳሉጝ ክያኒዬ ውር ካኒቄ ጋኑጝ ካሻሞጝ ጋያ እሺ ጌጳሞ፤ ጋያ እሺ ኤቤል ታቺዻ። ⁵ ማድር እን ከሹ እን ቡሌ ማህትም እንካ ማክንሳጝ፣ ዳቢ እንካ ማክንሳ ኣይ እያይኔ ሙኖጝ፣ ሺጝ ኩዋባዬ ሃዋይያ። ኣንዻ ሃቶይያ ሃሚን፤ እየዎ፤ ሃጌይያ ማድር ድሙጉ፤ እን ኡፌ እሺዻ ጎም ሚዛን ከቡዋ ኔኒዬ ጊያ። ⁶ ከኦይን ጩዋ ከኦካ ጫቃንካ ዳቢ ኣሁራን ጊታይ ሙኔዬ ኣይ እያይኑጝ፣ «እርቦካ ሲንድ ክየም ናንዳካ ዳሙስካ ሹ ክየም፤ እርቦካ [ገብስ] ጅያንዻ ካኣይ ናንዳካ ዳሙስካ ሹ ክየም፤ ሃዋይያ ናቅዲ ኬና ሺጝ ኦይ ዋቃቲ ኔኒዬ ኣላላዬ ጊያምሼን። ⁷ ማድር ከሹ እን ቡሌ ማህትም እንካ ኦይድሳጝ፣ ዳቢ እንካ ኦይድሳ ሙኔዬ ኣይ እያይ፣ «ሺጝ ኩዋባዬ ሃዋይያ። ⁸ ኣንዻ ሃቶይያ ሃሚን፤ እየዎ፤ ሃጌይያ ፓርዳ ኬና ኣይ ጳላል፤ ውር እን ኡፌ እሺዻ ሮጝ ኔና ኣርሼን፤ ኞሩስዻ ኣኔን እሺ ከታካ ሁር ዻይሼን፤ ካኒሼ እንግን ከኤቤሉጝ፣ ከካሹጝ፣ ከኦኬ ጋራዬ ከዳቢካ ዱዩጝ ከኦካ ዳሊ ክየም ከኦካ እንካ ኦይድሳጝ ኣያ እንግን ጌጳሞ። ⁹ ከሹ እን ቡሌ ማህትም እንካ ዶጝሳጝ፣ ናንዳካ ክያጃካ ባሪዮዬ ናንዳካ ማኛሞ እን ዻዮጝ ውር ጊታይ ኒቆጝ ሃጌይያ ናፒሲ ጊዬይ ከኦካ ጋላ ዱቡ። ¹⁰ እንግንዻ ከናቅዲ ታቺ ሺጝ፣ እንካ ሻምሼ ፓይላ ሃሚን ኔኑጝ፣ ቅዱሴ እን ኣይ ታቺካ ኣኩሉክ ዮ፤ ሃሌይ ኣሚን ከማሬ ኮምሼኑጝ? ኤዋ ሌይ ኣሜን ከቡሌ ባጃካ ኒያቡ ጉዋዩ ኦካ ጊታይ ቆቤን ዳሊ ክያኑጝ? ¹¹ ከኦይን ጩዋ ጋያ እንግን ክየም ክየም ኣፓል ፎልቼን፤ ከታካ ሌሜን ውርካ ውዋድማ ጊታይካ ኒሼ ከእንግኑጝ ጁዋንትሼንካ ባይዳን ጊዬይዬ ጪኒጋን ጊዬይዬ ሌይ ሃምካ ቋቆጝ ካዶንሺሼ ሹ ጩዋማጝ ሜይሼያ እንግን። ¹² ቡሌ ማህትም እንካ ላይሳጝ ሃጌይያ፤ ማቲያ ሁቡቡኔንካ ዳሊዻ ታቺ፤ ሹሽዻ ድማ ከኣፓላ ታቺ እዕጝ፣ ትጌሽዻ ጫጫ ፓይላ ከኒያቡ፤ ¹³ ሻሪ ጊታይካ ኣሜንዻ ይንግሼና ከፑጉ ኬና ኣይ ታቺያጝ ከእያይ ካርቡ ጊታይ ማር እግሼን ትርኪዮጝ፤ ቢሊካ ፎላ ትርኪሼያ ዳሊ ክያኒ። ¹⁴ ፎላ ቱፑንኬ ወርቀት ኬና ኣይ ቱፑምኔኔ ሳጊያ፤ ጋጋኔ ጎልዻኔ ካህሲያ ፓይላ ከኦይን ጋኖጝ። ¹⁵ ከኦይን ጩዋ ታታቻንካ ፔኑጝጜ ጊታይ ኣይ ሳጊዬ፣ ጊታይ ጁወ ጆሌ ፓሬ፣ ጊታይ ኣይ ሆድሞዬ፣ ጊታይ ኣይ ቁዋቃን፣ ጊታይካ ዋድማዬ ጊታይ ኣይ ታታቺዬ ፓይላ ራሼና ኦጉዋይካ ይግኔ ኦጉዋይካ ባይ ታታን ጊታይካ ጋጌ፤ ¹⁶ ጋጋኔ ባይ ታታቻን ጊታይካ ጋጋንዳዬ ቡድሼያ እንግንዻ፤ ከኦካ ኡፒ ኦይንካ ቆቤንዻ ከኦካ ሌሜን ኔኒዻ ድካ ኡዋው ከኦካ ማኒትካ ማድር እዕጝ፤ ¹⁷ ሹ ታቺ እንካ ማኒት ጉዩጝ ኩናዬ፤ ሃኒን ካቻሊ ዾሬኑጝ? ዋይሼ እንግን እያይ።