ወያ 2

1 ኮደን ያሀ ተማር ፃልን ለማ ክም ናሽማ ፃልንካሞ ተማሪስማ፡፡ 2 ኤና ጌቾናካሞ ጫካሞና ጎብንታን ኤና ይም ማንካይ ኤናናንቴ ኤሳራ ያቤ ናሽማ ኤድቤ የሪ ፓይላ ውልሞ ክናንቴን ደንሸይና ኬደ ካናንቴ ኬም ክልማ፡፡ 3 ሀያንቴካ ሜና ጌቾና የሳ ደንታ ኬም ጌባጴካናቴ ጎይፃል ከተማሪሴ ኬድሳ ናብም ሴሳያ ወይሞ ዝአን ውጫን ደፂሳ ደናደን ከጋሬካናንቴ ኬም ተማሪስማ፡፡ 4 አጎንታ ይደና ሜና ባርሸናም አንጌና ይሳቤ ናና ይሳቤም ካናሽካናንቴ ተማሪስጳን ደንደንይ፡፡ 5 ባርያሳ አፎን ኤድ ካለካካሞ እራን ጋርጴካናንቴ ይም ማንካይና ኦኖን ጫንቃ ለምን ግደር ዋድማን ኤና አንጌና ይሳም ማንካይና ከዴካናንቴ ከተማሪሴ 6 ሀያንቴካሞ አንጌን ናና ባሪሳና ይም ከማን ኬካናንቴ ክልማ 7 የሪ ፓይለ ውል ግደርካ የሪን ፃልን አሽከንቴ ናብን ሀሳም ጎይ ፃልካ ግስማጴካናንቴ ሀይማ ተማሪ ሀተማሪስንካ ካ ሌም ሀደንቤ ኤድ ባሽ ሀደንቤ 8 ኤናሳ ቶዛጳጴማ አፎጻል ሀሳውማ ኦጎኖካሞ ኢናዋም ናሸምና ፀፋዛራ ይጌያይና የራ ዘርቦናም ቡለንቴ ከቦከንጴ ካናንቴና፡፡ 9 ካይስና የሳ ጌጳናንቴ የሪ ፓይለ ውልሞ ከኤሳሬ ካናንቴቤ ከዋዝንሴ ካናቴቤ አፎዘርቦካሞ ማስን ከጋሬ ካናንቴ ተማሪስማ፡፡ 10 ድባን ካጋሬ ኦጎኖካሞ ጎይ ውልካ ወሳ ጳአሽን ኤያ ባሪያሳ ተማሪን ናሽጴካናንቴ ካለካሞ ገዛሞን ወሳም ሴሳን ኮጋሬ ካናንቴና፡፡ 11 ፓሽንቶን ይንካ ሀፋጳይኖ ባሪያሳ ናሽማኖ ኤና ውልናንቴ ሀፋንጲድና፡፡ 12 ናሽማኖ ኦጎኖ ሴሶን ለማ ደንታቤ ፔን ከሳ አግረማንቤ ወትህ የሱም ጴስማሞ ሀንጳን ታን ዋደንካ ዋም ማንካንቴቤ ጎንጴንባ ገዛሞካ ኡስን ጎንይንካ ሳደኖ ዋሳ ኮዴ ካናንተ ተማሪሳኔ ከተማሪሳይ፡፡ 13 ኦጎኖካ ዋሳ ደንታን ገዛን ጌጶን ብራዛራ ናአንቴን ደን ጌጳዋሳ ጳ አሽን ኤያ የሱስ ክርስቶስሳ ጎሽን ናአይንም ካለካና፡፡ 14 ኖካሞ ዘር ቦሮካ ዋጭ ፔግንሳናንቴ ፃልንም አሽካናንቴ ዘጋያ ዘርስን ይኖንም ቻራግሽናንቴ ዋናንቴ ሀማንቴ ይም ስስካቴ እምድና፡፡ 15 ታናንስ ሀተማሪሳይና ክናና ጌጳም ሀሣ ደንካ ክልማ ኬም ጎርማ ኤድህ ካለካሞ ሀም ቦዋን ቆልማሞ፡፡