1 ኤና ኤናፔንሳ ብትህናቤ ኤና ጌጳናቤም ከጎቤካናንቴቤ ከናንቴካ ከኤሳሬ ካናቴቤ የሪ ፃልንም አሽካናንቴ ሼክሞ ከዴ ካናንቴ ኬናንቴ ጌይማ፡፡ 2 ሀያንቴካሞ ኤድ ካለ ዘራካሞ አፎ ዛርቦ ማሳን ከጋሬ ካናንቴ ኤድ ፃል ከዴካቤ ኤና ፓይለ ውልናንቴ ይሳ ወይለሞሮካ ቡለንቴ ገዛሞን ይስ ከጳዋካናንቴ ክልማ፡፡ 3 አና ካሳ ቦራሮ ዋትህ ካሞ ቃቦን ቆልሞና ኤናሞ ጎብሞና አግርማንቤ የሪ ቆልማቤካን ታይሳጴኳን ካይሰ ሀያንቴን ሻንጳደና ክንካ ደምቴቤ ክም ቶዛጴቴቤ ቃቦን ዛሪቦንሣ የሪ ፓይለውል አንትህ ከዴ ሀሞቴን ደናና፡፡ 4 ኮደን ካሞ ዋሳ ጳአሽን ኤያ ባሪያሳ ፃለሞንቤ ናሽማንቤ ከያፈንጳንደን ዋደንካ 5 ዋድማ ገዛ ወአሽካካትህማሞ ይሳ ፃለሞንካ ሀማንቴ ዋም ጳአሽድና፡፡ ዋም ይንናንቴን ክጳአሽደኖ ሀልን አጂማን ሀንጳን ትቆንካ ሻጳንቤ ኡስን ገዛንቤካ ሀልማትንቶቤና፡፡ 6 ኡሳ አጋካሞ ባሪ ቃሳ ጳአሽን ኤያ የሱስ ክርስቶስ ባራካ ካሎን ሽባንቴ ዋዛራ ይንቅስድና፡፡ 7 ኦጎኖካሞ ክሳ ናሽማንካ ጫራ ኝማንቴ ሳደን ሊይን ደይንሞ ብራዘራናአናንቴን ዶን ካለንቴ ዋጳ ሌከናንቴና፡፡ 8 ኮኖካሞ የሱስ ካሀማነቴ አፎኖ ወቻደኖና፡፡ ባሪያም ኤና ቻደና የሪን ፃል ሀያንቴ ሀጌየከናንቴ ዛጋኔ አዘጋይ፡፡ ካናካሞ የሪ ፃልና ኤድ ውልናንቴካ አጋያና፡፡ 9 ኮደን ካሞ ሀርያን ኮሆ አፎን ሰጎ ወትህ ባሪዮ ኤድና ሀማለማ ፓይድጴድና ዜርማኔቤ ደንብንቤካ ሀማንቴን ዋጭን ናአንካለንካ ሀሞ ማንክማ ኦጎኖካሞ ዋጋ ቆልማሞ ሱን ጉሮና፡፡ 10 ኤያ ፓሽማን ጎን ጨጋያም ካለስጎ ክም ክልማ ለንሳም ክም ጎር አጋሮካ ክሳስክና ክለማ ክንካ የሪ ካለካሞ ደና ኮጋሬ፡፡ 11 ኤያ አጋግያ ሴስ ኤድቤ ኤድ ጎይጳምባደቤና ይንካሞ ማሳቴ ክሴሳን ጴስማ፡፡ 12 አርጢሞንም ወይካሞ ቲኪቆስም ሀዛራ አንእስደግያ እንታ እደንዛራ ኒቆቕልዩን ናአናንቴ ሀቶን ዳያይናሞ ፓይላ ሀይ ባረግንም አጎታርሳ ስካናንቴ እንታ ዘግድና፡፡ 13 ደንብን ጴሳደም ዜማስቤ አጵሎስቤም ኬሳ ያዮሮጎ ሀደንዳዎን ግያደናሞ ፓይላ ሀይማ የራ ኬናንቴ ዛግሳይናም ካሞ ፓይላ ፃኦስማ፡፡ 14 ኤና ወናናንቴ ሮራሳ እሮጎ ከናንቴ ዝግስይናሞከያፋካናንቴ ደንታኖ ከሳ ዋጋ ቆልማ ደን ኮጋሬ ካናንቴ ዋድማን ፃልናንቴ ዋቻጳንቴ ከተማሬ፡፡ 15 ኤና እለማ ደሀናሞ ፓይላ ኬሳ ዋፎ ቻድና የሱስ ለማ ወደንም ናሻይናሞ ፓይለዋፎ ክሳ ችማ ናሽማኖ ዋ ውል ለማ ክንካ ኮደ፡፡