1 ባርያናሳ ናሽጴና የሱስም ጫጋንካቤ ጎንጴንባን ኡስን ይአንሳን ጎንጴንባን ጴስንቶን ጌጲሳናንቴ ባሪያቤ የሱስ ክርስቶስቤሳ ዋድማን ኤያ ሐዋርያስ ጳውሎስ፡፡ 2 የሱስም ጨግንቶቤ ጴስንቶቤ ኮና አደኖ ፎግማንቴን ጴስማ ባሪያ አና ቦንናሳ ብራጎ አፎን ክብርሳደን ሳደንካ ላይ ደጳይኖ ዴንታኖና፡፡ 3 ኖካሞ ክታካደና ዋደስካ ዋሳ ጳአሽን ኤያ ባሪያ እናንቴ ኤርጎን እጳደንቤ ኤልቅሞንቤ ተማሪን ባራካ አፎን ይሳም ማይ ሀይድና፡፡ 4 ዋውልጋን ጎንጴንባን የሱስ ደንታን እናሳ ቲቶናንቴ ባሪያ ዋንባቤ ዎሳ ጳአሽን ኤያ የሱስ ክርስቶስሳ ናሽማንቤ ፃለሞንቤ ኮዴ፡፡ 5 ሀሞ ይናንቴ ቀርጤስ ግደር እጋራዶኖ አካራ የራ አሽካ ጳድሞናም አሽካ ካናንቴቤ ሀናቴ እጌያደ ጎያካ ካታማና ግደር ዘንዛናም ሀጌጴ ሴካናንቴና፡፡ 6 ዞንዛ ሴሶ ቆልማ ሜ ካላካ ሶጎን ደሀ ናና ክስካሞ የሱስም ጨጋያ ኬደ ቡለሞካቤ ኤርጎ ችማሞ ሀማንቴን ይንሳን ናብን ጳጲሞና ኬዴ፡፡ 7 ኤያ ቤቴ ክርስቲያንሳ ጌጳ ባርያሳ ዋድማን ኤልቅሞን ቻደሀ ይደንታካ የሪ ዛርቦካ ናብ ክሳም ጳን ጋርጴ ኦጎኖካ ኤድህ እንታ የሪ ውልሞ ጴስድና ሀማያቤ ይርካ ጳጋስያቤ ባሪያሞ ኤድቤ ዜርማ ኤድቤ የራ ፓይላ ውል እንትህ ሶጎ ኬዴ ሀማያ ደን ክጋሬ፡፡ 8 አጋ ካለንካ ኤድ ቾች ቾቻያ የሪ ፃልን ናሻያ ኤድህ ይም ማንካያ ገዛቤ ኤድህ ፓካላ ክዴ፡፡ 9 ኤና ዋንሞካም ተማሪን ጎይልክ ሀማካ ይእስያ ኤና ተማሪ ኮም ናሽሞናም ካሞ ክጎሬ ካናንቴቤ ይታማራ ደግያ አፎን ይቻደንካ ዋቻጳንቴ ወያያ ክዴ፡፡ 10 ኤና ጋሮን አሽካይናቤ ዋራቅን ኤናቤ ታይስን ኤናቤ ጲፂና ዶና እግናካሞ ጌጲካ ኤና ቃማን ታካጳደና ኤና ባራንካና፡፡ 11 ኤና እግናሞ ወይሳጳይኖ ፃልና አክሞ ጎይ ክል ትህማካ የሪ ሀፓናንቴ ሀማንቴ ተማሪ ታማርስጴ ማንግያደን ተማሪ ሳካ ይሳ ሞሮን ኤናም ካውል ሴስቴና ኬደ፡፡ 12 ኤና ኬና ባሪያሳ አፎን ጌያይና ግዶር ካላ ከሳ ጴልቅና ክጌያደ ቀርጤስ ኤና ሮሮ ውል ፓጋሞ ኤድና ደብ ዘርቦቤ ቶልታና እን ኤናኔ ሀምድና፡፡ 13 ማኛሞና ክናካሞ ጎንጴና አጋታካ ዋቻጳንቴ ጎርማ ኦጎኖካሞ ጎይ ልክር ከወየካናንቴና፡፡ 14 አይሁድናሳ ሀሳዋንም ወይካሞ ኤና ጎንጴሮካ ፔግርጳደና ጴለቅን ኬሳሞ ኤሳሪቴናኬዶ፡፡ 15 ኤና ጫንቃል ሀምናናንቴ የሪ ፓይለ ውል ጫንቃልና ኮደንኤና ዘርቦናንቴቤ ኤሳርሞናንቴቤ የሪ ጫንቃል ሀማ ካለካሞ ቆልማሞ ሀያንቴካሞ ሜቴ ኬሳቤ ቃቦ ኬሳቤካም ዘርቦና፡፡ 16 ባሪያሞ ወትህ ጴስድናኔ ከያይ ኮደን ይሳ ደንታካ ወትህ ጴስማሞን ከያማይ ኤና ዘርቦና ኤሳርሞን ዋድማን ፃልናንቴ እግሞናኔ፡፡