¹ ናንሲ ባርሳ ኤርጎን ኤና ኦይድ ፔንሳ ሀዮንዩ ኡታንባራቤ ዩዋይንባራቤ ምዛቅባራቤ ዋርስታባራ ራቅ ኦይድ ግዶር ዎያንቴ ኬዳሀ እንታ ሀፕድና፣ ኬሀሞ ግባሮኖ ፔሮቤ ኑንቆንቤ ሀቃና ሀንጰይና ዛራ ግባርሳን ኮጋሬሀ ረቅና ባበፎን ዩናአይና ጎይና ኦይድናም ዮድድና፡፡ ² ናንሲ ባርያሳ ኤርጎ ኤድ አብ ካላ ዩንዛራ ባርያሳ ናብንካዳ ሀዮን ዩኡታን ባራ ክኒካ እንታ በፕድና፣ ኖሀሞ ባርያሳ ኤርጎን ኤና ኦድና ቤንቤኑንቆንቤ ካይሶታ ናአዳና ግያ እለታንቴ ይጌይና ³ ዎሳ ጌጳሳ ዋድማን ኤናሳ ዎትሮ ኬሳ ባርያሳ ናብን ዎሳ ዎዳዛራ ዋን ኬም ዎሳ ሀያዛራ ፔን ወይ ኑንቆን ወይ ሀቃ ዮካይስናኖ፡፡ ⁴ እንታሀሞ ኤና ዩንዛራ ባርያሳ ናብን ዎዳዳቴ ዋና ሀይጰደናም ጌይጰኋ እንታ ኤሳርድና፣ እግነሀሞ፣ እሥራኤል ቢዛንባራ ኤና መቶ ኦይድታም ኦይድ ሺህና፣ ⁵ ይሁ ቢዛንባ ሺህ ታጵ፣ ለማ፣ ሮቤን ቢንዛንባራ ሺህ ታጵ ለማ፣ ጋድ ቢዛንባራ ሺህ ታጵለማ፣ ⁶ አሴር ቢዛንባራ ሺህ ታጵላማ፣ ንፍታሌም ቢዛንባራ ሺህ ታጵለማ፣ ምናሴ ቢዛንባራ ሺህ ታጵለማ፣ ሌዊ ቢዛንባራ ሺህ ታጵለማ፣ ይሳኮር ቢዛንባራ ሺህ ታጵለማ፣፣ ^{7 8} ዛብሎን ቢዛንባራ ሺህ ታጵለማ፣ ዮሴፍ ቢዛንባራ ሺህ ታጵለማ፣ ብንያም ቢዛንባራ ሺህ ታጵለማ ኬዛራ ናብን ዎዳጵና፡፡ ⁹ ፕር ናንሲ እሼድና ጌጰሞን ቦኮቶሮ የሱስሳ ዎትሮ ኤድኖ ፓይደን ቆልምኖ ዛርሲ ውልባራ ቢዛ ውልባራ፣ ኤድ ኦሎ ውልባራ አፓ ዋና ዋና ውልባራ ኤድ ጱፅኖ ዎያንቴና ኮደ፣ ኬሀሞ አፓለ ጫውሊ አርሳንቴ ጉሎን ቃልፓን አንንካ ዮዳንቴና ኬዶ፡፡ ¹⁰ እለታንቴ ኬ ዩንታ ሀምድና፣ ጳአሽኖ ብታሞን ባረኮቶሮ ዳርቃዳ ዎሳ ገጃ የሱስንንትና" ሀምድና፡፡ ¹¹ ባርያሳ ኤርጎን ኤና ፓ ባረያሳ ብታሞን ቦርኮቶንቤ ኤና ጌጵናቤ ዳና አይድናም ታሀንቴ ዎ ያንቴና ኬዶ፣ ባርያሳ ብታሞን ቦርከቶንሳ ዎትሮ ባርያ ናንቴ ኮምፓርስንቴ ¹² ዩንታና ኬያማይ፣ ክዴ ቃይስንቶቤ፣ ጌጳሞቤ፣ ዮር ጴስንቶ፣ ጎሽቤ ሼድንቶ ካንታሞቤ ዋቻሞቤ ላይህ ላይህ ቱንሲ ቆልማዘራ ዎስ ጌጰ ናንቴ ኮዴ፣ አሜን፡፡ ¹³ ናንሲ ኤና ጌጵና ግዶረ ኬሳ ካላ እግያ "ክና አፓላን ጫውልን አርሳዳና ኤና ሀምባራ ኬናአዴ? ሀምድና፡፡ ¹⁴ እንታሀሞ ክግያ ኤያ ጌጰ እሱ ኦጎም ያ ጴስድና "እንታ ሀምድና፡፡ ኖሀሞ እግያ ኤና ክና ጋሎን ጌጰንባራ ናአዳናና፣ ዩስ አፓላን ካሞ የሱስ ማአስንሳ ሻያቴ ጫንቃል ሀይድና፡፡ ¹⁵ አጋታሀኬ ሮሮንቤ ሶትንቤ ባርያስ ጌጳሞን ቦኮቶንሳ ዎትሮ ዳንቴ ኪምና ኬጎሻይ፣ ብታ ባርያ ኦታ ኬሀላና ክዳይ፣ ¹⁶ ናንሲ ካሀ ካርሳንቴ ኬ ዳቃጵማሞ፣ ናንሲ ከሀዳሞ ካርሳንቴ ኬ ባሀርጵማሞ፣ ሀዮ ኬም ጵማሞ ሀዩንሳ አይጰኖ ኬም ክላቅማሞ፡፡ ¹⁷ አጋሀሞo ሀርቴ ብታ ኬሳ የሱስ ኤሳ ግስሞን ኤያና ክዳይ፣ ሳደን ኦንቆን ዛራ ኬም ኣንሳና ክአንሳይ፣ ባርያ ኬ አፕሮ አርማኑንቆ ጱቃና ከጱቃይ፡፡"