¹ አፓ ሶጵሳ ማህታምን ድፃጳም የሱ ክቡላኋ ሰዓት ካላግያ ጳ ፓላሮ ጫክ ሀምድና፡፡ ² ናንሲ ባርያሳ ዎትሮ ዎያይና ባርያሳ ኤጎን ኤናም እንታ ሀፕድና ኬውልናንቴ ፓይላ ፀሩንቦ እንጅድና፡፡ ³ ፕር አብ ባርያሳ ኤርጎ ኤድ ካላ ኖን ቆሽናን ባአያ ዩንዛራ ቁኛን ኩዳጳያ አካሾን ግያን ዳ ዮራም ባርም ዩንዛራ ምስካጳይን ራቅን ዛራ ናዴ ዎይድና፣ ኖሀሞ ባርያሳ ብታሞን ራቅንሳ ዎት ባርያም ምሥካጰያዛራ ናዴ ባርዮን ኤናሳ ምሥኮን ጴላቅን ዮር ቁያሀ ሀያንቴ ባርያ ናንቴ ክጉዴሀ ቁኛ ጱፅ ክናንቴ አንጵድና፡፡ ⁴ ቁኛንሳ ጩብኖ ባርዮን ኤናካ ምሥኮን ማላ ኤርጎን ኤያ ባራ ጳ ብርያ ዛራ ዞን ያዕድና፡፡ ⁵ ባርያሳ ኤርጎን ኤያሀሞ ዮራ ኖን ቆሽናን በአያም ግዶ ኖን ቆሽናን ክሳ ኢሮ ካንቴ ምጫ ፔን ዛራ ጰብድና፣ ፔሮ ጉጋናት ጳልቃትቤ ፔ ጁግማ ማትድና፡፡ ⁶ ናንሲ ባርሳ ኤርጎን ኤና ሶጳና ፁሩንቦን ፑጋናንቴ ከሊድና፡፡ ⁷ ባርያሳ ኤርጎን ብራከ ፁሩንቦን ከፑጓኋ ማአሲ ግያሀማ ሽክኒ ዶቦቤኖቤ ፔን ዛራ ጰባጵድና፣ ፔንሳ ባሀላ አትድና ሀቃንስሀሞ በሀላ፣ ሾቆን ባረግንስ ሀሞ ባሀላ ፓይ አትድና፡፡ ^{8 9} ባርያሳ ኤርጎን ኤያ ላንሳ ፁሩንቦን ክፑጓኋ ዮር ጌማር ግያማ አታዳቴ ፓላንባራ ጉንቆንዛራ ድንዲና፣ ጉንቆንሳ ባሀላ ጃይድና፣ ጋግንሳ ወኒ አትድና፡፡ ¹⁰ ማክንሳ ኤርጎን ኤያ ፁሩንቦን ክጱጓኋ ኤዝኒ ኩሽግያ ሮጳያ ባሀላ ሌኤናዛራ ፓለንባራ ዱንድና፣ ¹¹ ኤዝንታሳ ናብኖ እሬቶና ሀንጰይ፡፡ ኑንቆንሳሀሞ ባሀላ ፃቅማ ኮደንታሀ ኤድ ጱፅ ውጫንቴ ጀይድና፡፡ ¹² ኦይድሳ ባርያስ ኤርጎን ኤያ ባሀላ ኬካዮሀናንቴ፣ ሀዩንሳ ባሀላም፣ አርፕንስ ባሀላም፣ ኤዝንንስ ባሀላም ካይሳጵና፣ ትፓን ካሞ ሮሮንካሞ ፓክ ሀማን ኮጋሬሀናንቴ ማርጵድና፡፡ ¹³ ናንሲ እሼድና ባር ኑንቆካላ ፓለሮ ዩቴና ክዶ፣ ባርዮን ኤና ማካምና ሽጳዳና ፁሩንቦን ፑጋናንቴ ኬዶንታሀ እለታንቴ ይጌይና ኤና ፔሮ ዳኛ ናንቴ ሀዩ፣ ሀዩ፣ ሀዩ! ክያምካ አንታ ኤሳርድና፡፡