¹ የሱስካም አፓና ማህታምንካ ድፃጳና ሶጰና ግዶር አፓ ብራስ ማህታምንካ ድፃጳም ክቡልካ እንታ ሀፕድና፣ ናንሲ ዳብና ኦይድና ግዶ ካላ እግያ "ጉጋናቲ ቆጭካ ንማ! ክያማኋ እንታ ኤሳርድና፡፡ ² እንታሀሞ እሼድና ፓርዳጫውሊ እንታ ሀፕድና፣ ኤያ ግዶ ዳርቃዳ ሀዘሃ ክዶ፣ ክናንቴ ሀሞ ጌጰሞን አንጵድ ኖሀሞ ባንቆ እኩታ በሸናንቴ ኡትድና፡፡ ^{3 4} ፓርዳ አብ ዛዊ ኡትድና ግዶር ደርቃዳ ፔሮ እናሀ ፃለሞን ክቼሀቤ ኤና ክንካ ኪም ኬማቼሀ ኬድ ኬሀናቴ ክናንቴ ጌጳሞን አንጵድና ሀልፓ ጌጰካሞ ክናንቴ እንጵድና፡፡ ⁵ የሱስ አፓ ማህታምንካ ድፃጳም ክቡላኋ ደብታ ማክንሳ እግያ "ንማ" ሀምድና፡፡ እንታሀሞ ፓርዳ ፅያ ሀፕድና ኤያ ግዶር ዳርቃዳ ሚዛን ክሻይን አንንካ ዮዳንቴና ክዶ፡፡ ⁶ ናንሲ ዳብና ኦይድና ግዶ ካ እግያ ይጌይና "እሰን ግማሽ ሮሮ ካላናንቴ ሶርቢ ማካም ገብስ ሮሮ ካላ ናንቴ ኮዴ፣ ሀቃስ ወይስቤ ወይናቤም ሀካስናኖ "ሀማያ ጴላቅ እንታ ኤሳርድና፡፡ ⁷ የሱስ አፓ ማህታምንካ ድፃጳም ክቡላኋ ዳታ ኦድሳ እግያ ንማ! ሀምድና፡፡ ⁸ ፓርዳ ዘርጊ ካለ እንታ ሀፕድና ግዶር ዳርቃ ኤያሳ ናባ ዴንጵ ሀማያና፣ ሜሽን ኦሎ ክሳ ራስባራ ኪም ኮሜጋይ፡፡ ኬሀሞ ፔሮ ዳብና ዳናም ሀልፓንካ፣ ደቆንካ፣ ሀጅሞንካ ኬዴሴሀ ዴጳሞን ኦይድሶን ኬናንቴ ፔሮ እንጵድና፡፡ ⁹ ኣፓ ማህታምንካ ድፃጳ ዶጋሳም ቡላጳኋ ኤና ባርያሳ አፓን ናንቴ ባርያ ናንቴ ጃዳና ኤናም ባርያሞ ምሥካጳይን ራቅንሳ ቾባራ እንታ ሀፕድና፡፡ ¹⁰ ኬ እላታነቴ ይጌይና "ውልሳ ጌጳ ጋዛስ ጎንጳስ ጌጳ ዎሳ ኤና ዎም ፔሮ ዴሳዳናዛራ ሀርናንቴ ሀባአሞኖ ዎም ዴሳዳናዛራ ደ ካይሶ ኬዛራ ባአይዮ? ሀምድና፡፡ ¹¹ ናንሲ አጋንታ ኬያማኋ ኬ ፓይላ ናቴ ኬንታ ግያ ኤና ዴሳ ጳይናሳ ናአዛራ ፆፃዛራ ሾሊ ካኝ ኬያሜሀ ኬናንቴ ጌይጵድና፡፡ ¹² አፓ ማህታን ደፃጳም ቡልጳኋ እሼድ ፔሮ ጁግማ ዴጵ ናእድና ሀዮኖ ሶትድና፡፡ አርፕሆሀሞ መአስግያ ፂቅ ማትድና፣ ¹³ ሀቃ ግባሮሀ ጁግ ማንቴ አፕኖ ክሳ ኡሻድሞኖ ፔሮ ዩትርካያ ግያ ኤዝንኖ ፓላንባራ ፔሮ ትርክድና፡፡ ¹⁴ ፓላኖ ዋርትግያ ቱኝማንቴሱን ካይድና ጌማራቤ ፔና ኑንቆን ግዶ ዳና ፓይላ ካይድና፡፡ ¹⁵ ናንሲ ኤና ፔሮ ዳና ፔንሳ ብትና ጌጵናቤ ኤና ባንቆን አንሳይና፣ ዎድሞና፣ ኤና ዋችና ካንታናቤ ኤና ዋድማን አሽካይና አሽክሻይቤ ፓይለ ጎብቴ ራቅን ኦሎሮቤ ጌማርንሳ ኢሮ አጵምድና፣ ¹⁶ ሀይጳኋ ጌማርንቤ ሱንንቤ ዎዛራ ዩፕድና ጳ ብታሞን ቦርኮቶሮ ዳርቃዳ ብታሀላ ዎም ካይስድና፣ ¹⁷ ካይስን ሮሮኖ ጌጶኖ ናእድና ሀውቴ ዎያያ?" ሀምድና ኬ፡፡