¹ ሀይጳኋ ናንሲ ጳ ፓላሮ ሙልጳፓ ቡልሚ እንታ ሀፕድና ብራንቴ ጡርን ቦን አፓን ግያሞንካ እናንቴ ጌያዳ ኤያ እግያ "ኦራ ንማ ናንሲ ዮራ ብራ ዛራ አሽክማንዳናም ሀናንቴ ጳዋና እጳዋይ" ሀምድና፡፡ ² እንታሀሞ አጋዛ ባርያሳ ኡስን ጋዛንካና እዶ፣ ሀይጰኋካሞ ጳ ፓለሮ ብታሞን ቦርኮቶኖ ዳርቃንቴና ኮዶ፣ ቦርኮቶሮሀሞ ብታ ዳርቃንቴኖ ክዶ፡፡ ³ ብታ ዳርቃንቴ ዳሳ ዛራኖ ክሰ ወርቄ ኢያስጲድቤ፣ ሰርዲኖን ወርቄ ግያ ረኸረአና ኮደ፡፡ መረግድ ወርቄ ዛራን ታሀደ ዚሲ ክሳ ጌጰሞን ቦርኮቶቶን ተሀንቴና ኮደ፡፡ ^{4 5} ክሳ ጌጳሞን ቦርኮቶን ካላ ቦርከቶና ሳማታም ኦይድና ዳርቃንቴና ደይድና፣ ኬዛራ ኤና አፓላን ጫውልን አርሰዳናቤ ወርቄን ካችጳዳና ኤና ቦርቶንባራሀሞ ጳልቃትቤ ጉጋናትቤ እርግድና፣ ክሳ ጌሞን ኡስና ጋዛና ሰጰናና፡፡ ⁶ ጥርካሞ ክሳ ብታሞን ቦርኮቶንሳ ዎትሮ ሼዳያ ግያ ቃርምሽስ ዘራ ጫንቃል ሀማ ሌኤ ዳይድና፡፡ ብታሞን ቦርኮቶንሳ ግደሮ ውልባራሀሞ ዎቲ ባራቤ ዘሎበራቤ ዳብና ኦይድና ዛራንሳ ፓይላ አጥንካዳና ዳይድና፡፡ ⁷ ዳብታ ብራስ ዞቦግያና ክዶ፣ ላንሳ ዋኪግያና ክዶ ማክንሳ እድግያ ኤድ ሜቴሀና ክዶ፣ ኦይድሳ ጥር በትኑንቆግያ ኮልካና ክዶ፡፡ ⁸ ደብና እግና ኬፓይላ ኮሊ ላላሀና ኬዶ ኬስ ዛራንስ ውልባራቤ ኢንባራቤ ፓይላ አኘከና ኬዶ፣ ኬሀሞ ሮሮንቤ ሶትንቤ "ጋዛሳ፣ ጋዛስ፣ ጋዛስ፣ ዳቤ ዳዳቤ፣ ናአያ ውልም ቻላያ ጌጳ ባርያ ሀንቴ ኬ ቃጅማሞ፡፡ ⁹ ዳብና እግና ብታ ቦርኮሮ ዳርቃዳ ቱንስንዛራ ላይ ላይ ጅማ ዳያናንቴ፣ ጌጳሞን፣ ጎሽን ክናንቴ ኬእምና ¹⁰ ኤና ጌጵና ላማታም ኦይድና ብታ ላይና ድያሳ ዎትሮ ኮምፓርስቴ ክናንቴ ጎሺን እምቴና ኬዶ፣ ባርያሀ ኮይና ዩያፓዳናም ክሳ ቤማሞን ናንቴ እማንቴ ይንታ ኬያማይ፣ ¹¹ ጌጳ ዎሳ ባርያዩ፣ ጌጳሞንቤ፣ ጎሽንቤ፣ ካንታሞኖንቤ ሀቼ ሀናንቴ ኮዴ፣ ያ ዮር ውልም ዎድድና፣ ሀሳ ቃቦንካሀሞ ኬዎ ዎድድና ያ አጋንታ ማትድና፡፡