¹ ኩሊና ሶጳና ወይንን ጋይናም ዮዳዳና ኤርጎን ኤና ሶጳና ግዶ ኤርጎ ኤድ ካለ እዛራ ናዴ ይጌይና "ንማ ኑንቆና ጱፅና ዛራ ዳርቃዶን ካታማኖ ፔኖ ጌጶኖ ሴሶንካ ስያዶኖንሳ ከይንቶም ሀናንቴ እጳዌ፡፡ ² ኤና ፔሮ ዳና ዋኒ ፔንሰ ብትና ኮለማ ካለ ማትድና፣ ኤና ፔሮ ዳና ጎይን ኮኖን ጫግድና፡፡ ³ ናንሲ ኤርጎን ኤያ ባርያሳ ኡስን ጋዛንካ ኢም ራቅን ዳራን ዛራ ፓይድና፣ ኦጎታር ሜ ካ ዳቢ ካላ ዛራንሳ ፓይላ ኢሪሞን ናብንካ ዳ፣ ሜቴን ሶጳንካ ዳ ቁሽሞን ታጵንካ ዳ ዛራ ዳርንቴ ኮዳሀ እንታ ሀፕድና፡፡ ⁴ ኤስኖሀሞ አፓላ ዛዊ አርሳንቴና ኮዶ ሀያንቴሀሞ ሱኒን ወርን ጋይናቤ ዌርቃ እንቁ ሀንጳያም አር ሳንቴና ኮደ፣ ዩሳ አንንካሀሞ ዮር ዛርቦቤ ኩሊንካ ዋድማ ሴሶን ጋን ዛርቦንና ዮዳንቴ ኮዶ፡፡ ⁵ ኮሳ ዎትሮሀሞ ናቢ ኣፓ አብካ ፃፋጳ ይንታና ክያማይ፣ " ጌጶኖ ባቢሎ፣ ኤና ሴሶን ኤናቤ ኤና ፔሮ ዳና ዋድማን ዛርቦንሳ እንደኖ፡፡ ⁶ ኤስኖሀሞ ኤና ባርዮን ኤናሴስቤ ክሳ አፓን ጌያይናሳ ማአስንካ ባርያጳንቴ ኮዳኋ እንታ ሀፕድና፡፡ እያፓኋ እናንቴ ካሎን ዮ ዋና ማትድና፡፡ ⁷ ናንሲ ባርያሳ ኤርጎን ኤያ እግያ ሀርናንቴ ሀናንቴ ዮር ዋና ዶማታዴ? ኤስንሳቤ ይንዛራ ኮዳርቃ ዶንቤ ሀያንቴ ሜቴና ሶጳናቤሳቤ ቁሽሞን ታጵንካ ዳ ዳብታስ ጴላቅ ሀናንቴ ጌያናእኔያይ፡፡ ⁸ ዳብታ ሀሀፓዳ አና ብራንቴ ዳይድና ታ ኮ ቆልማሞ፣ ቤሬ ኦሎን ፄርንባራ ኡናክኡ ታይ፣ ካዮኑዛራ ያኣና ክያአይ፡፡ ፔንስ ዎዳጳዛራ ቻንቴ ኤና ናብንሳ ባርያሳ ዋርቃትሮ ዳድምና፣ ፔሮ ዳና ዳብታ አና ብራን ዳ ታ ዳድማ፣ ቤሬ ፕር ናአያ ክዶን ዩያፕና ኪም ዮርሻና ኬዮርሻይ፡፡ ⁹ ዮራ ካም ጴሳ ናንቴ ኤድስ ሜቴ ፓሀልማሞና ኮዛግሳይ፡፡ ሜቴና ሶጳና ኤስንሳ ዩንዛራ ዳርቃጳይና ጌማራ ሶጳናና፣ ¹⁰ ኬሀሞ ፔናሳ ብትና ሶጰናና፡፡ ክስ ዶኚና ድኒድና፣ ካላ ዳይድና፣ ዋ አሀራ ናአድማሞ፣ ዩኒና ክዳይኖ ሮሮ ቄታና ክዳይ፡፡ ¹¹ አና ብራንቴ ዳቤ ታቆልማ ዳብታ ሎንካይሳ ብታና፣ ኖሀሞ ብትና ሶጳና ግዶር ዳ ካዩን ዛራ ያአናክያአይ፡፡ ¹² "ያ ሀሀፓዳና ቁሽሞና ታጵና አሀራ ፔን ቻድምና ብትና ታጵናና ኦጎንታ ኮን ዳብ ማላ ሮሮረ ቄታ ናንቴ ብቲ ኬማቴሀ ናንቴ ኬም ሀያና ሀይጳይ፡፡ ¹³ ኬ ቃቦ ኬ ካላና ዩስ ካንታንቤ ጌጰሞንቤም ዳብታ ናንቴ እማና ኬእማይ፣ ¹⁴ ኬ እግ ባር ናሳ ማላ ኡሮ ዳማና ኬዳማይ፣ ኦጎንታ ኮዶን ባርያ ናሳ ኬም ባሻና ኤባሻይ፣ አጋታሀሞ ሀርቴ ኖ ኤና ጌጵናሳ ጌጳ ብትናሳ ብታ ና፣ ኤና ክማላ ዳና ክና ግስጳዳና፣ ባርዩን ኤና ክላማ ኬም ባሻና ኬባሻይ፡፡" ¹⁵ ኤርጎን ኤያ ይጌይና "ኤስኖ ሴሶን ጋይንሳ ዩንዛራ ዳርቃንቴ ዶዳኋ ሀሀፓዳና ኑንቆና ቢዛናቤ ዛርሲ ጱፅቤ ኤና ኣፓ ውል ጴላቃይናና፡፡ ¹⁶ ዳብታቤ ሀሀፓዳና ቁሽ ሞና ታጵና ኤስን ሴሶን ኤስንማላ ዋጭማና ኬዋጭማይ ኮም ጉሮ ፑን ዱርቆ ጋራና ኬጋራይ፡፡ ዋን ኮም እሳና ኬእሳይ ኖሮሀሞኮም ኮቃናኬ ኮቃይ፡፡ ¹⁷ ባርሳ አፓኖ ጎንጴ ኮማቴሀ ናንቴ ዩስ ጌጳሞን ዳብታ ናንቴ ኬእሜሀ ናንቴ ኬሳ ዎይላምሮ ቃቦን ዎዳዳ ባርያና፡፡ ¹⁸ ኤስኖ ሀሀፓዶኖ ብትና ፔሮዳና ዛራ ብቲ ማታይኖፔኖ ጌጶኖና፡፡