¹ ናንሲ ባርያሳ ኤርጎ ጌጵ አብ ካላ ፓላንባራ ክያንችካ እንታ ሀፕድና፣ ዛራኖ ክሳ ኖ ግያ ኮሮጳኋ ፔኖ ፓክ ሀምድና ² ኖሀሞ እላታንቴ ይንታ ሀምድና "ጌጶኖ ባቢሎን፣ ድንዲና! ደንዲና!" ቤረናሳ ሞሮኖ፣ ቤሮና ዳራንጋይናሳ ኦኖኖ፣ ካርያና ዛርየናሳ ኦኖ ማትድና፡፡ ³ ኤድኖ ፓይላ ጎይን ኮኖን ጫሪድና ኤና ፔንሳ ብትና ኮለማ ካላ ማትድና፣ ኤና ናጋዳና ኮሳ ዎድማሞንካ ዎደንጵድና፡፡ ⁴ ናንሲ ፓላንባራ ጴላቅ ይንታ ሀማያ እንታ ኤሳርድና፣ "ናንሲ ፓላንባራ ጴላቅ ይንታ ሀማያ እንታ ኤሳርድና፣ "ኤሳ ኤና ኮ ሴሶን ዋድን ዮአሽክናኖ፣ ኮሳ ካይስን ዮር ማላ ዮዳና፣ ኮባራ ኡትማቴ፣ ⁵ ሴሶኖ ኮሳ ፓላንዛራ ጴክ ዮክድና፣ ባርያሀሞ ኮሳ ሴሶንም ሀፕድና፡፡ ⁶ ኳያዳግያ ኮናንቴ ሀይማቴ፣ ኮአሽካዳዛራ ኮናንቴ ኮሳ ጳባራ አሽክማቴ፣ ዋድማ ኮአሽካዳዛራ ጴባራ ኮናንቴ አሽክማቴ፡፡ ⁷ ዩሳ ጌጳ ሞናንቴቤ ዩናንቴ ኮቃባዳግያ ጋሎቤ ኤፒቤ ኮዛራ ሀይማቴ፣ ዩሳ ዎይላምንካ ዩንታ ቃብቴ ከፓራጳይ" እንታ ብቲማታንቴ ዳርቅድና ኤድ ቆልማ ትማሞ እዶ፣ ሾሊካሞ እንታ ቃምማሞ፣" ⁸ አጋታሀ ካይሶኖ ኮዛራ ሮሮ ካለሀ ናአናኮናአይ፣ ዴንጵቤ፣ ጋሎቤ፣ ዳቆቤ ኮዛራ ማታና ኮማታይኮም ካይሳያ ጌጳ ባርያ ዋቺ ኮዶንተሀ ኖንካ ና ኮአታይ፡፡ ⁹ ኤና ፔንስ ብትና ጎይን ኮኖን ጫጋዳና፣ ኮንካ ዎድንጳዳና ና ኖሮ ኮአት ጩብን ዱል ሀንቴ ኡታይን ዩያፕና ኮናንቴ ኤፓና ኬኤፓይ፣ ኮናንቴ ቃብናማ ኬቃብማይ፡፡ ¹⁰ ኮሳ ጋሎን ኮጋላይን ሀፓንቴ ኩርትን ጳንቴ ፔጌ ዎያንቴ ይንታና ኬያማይ፤ "ያ ፔኖ ጌጶኖ ሀዩ! ሀዩ! ያ ባቢሎን ዋቺኖ ፔኖ ጋሎኖ ሀዛራ ዩሀካ ዮስክድና፡፡" ¹¹ ኬሳ ኮይስን ሻንንጋይን ኤድ ሻናያ ናንሲ ኮቆልማታ ናጋዳና ኮናንቴ ኤፓናኬአፓዶ ኮናንቴ ቃብማና ኬቃብማይ፣ ¹² ኮይና ኬሳ፡- ወርቄቤ፣ ብሬቤ፣ ሱኒ ዌርቄግያዳቤ፣ ዌርቃ እንቁ ሀንጳያቤ፣ ሀቃስ ተልባ ሀንጳያሀ አሽካጳ አፓላቤ፣ አፓላ ዛዊቤ፣ ፑታን አፓላንቤ ፕር አፓላ ዛዊ፣ ሀቃ ጋማን ዶኝሪን ካሪንካቤ፣ ሀቃንካ አሽካጳንቤ ናስ ሀንጳያ ዌርቄንግያንዳሀቤ፣ ዮራ ሱና ዌርቄንግያንዳ እብነ በረድ ሀንጳያ አሽካጳን ኮይሶንቤ ውል፣ ¹³ ሀቃስ ቀረፋቤ ሀቃ ውልካ አሽካጳዳ ቅማምቤ፣ ሀቃ ካርቤቤ ዋአቲቤ፣ ቁኛቤ፣ ሀቃን ወይንን አፕንካ አሽካጳ ዚዘቤ፣ ሀቃን ወይራን አፕንካ አሽካጳዳ ወአቲቤ ……ስንዴቤ፣ ዋኪቤ፣ እያቲቤ፣ ፓርዳቤ ……ሀያንቴ ኤና ዋድማን አሽካይና ካይስናቤ ኤድን ዋዶንቤ ዋዶንቤ እግ ፓይለ፡፡ ¹⁴ ኤና እግያ ሀግያ "ዮ ሌሌ ሀሀፓይና ሀኻላ ፔግንጵድና ሀሳ ዎድማ ሞንቤ ሀሳ ቃይን ቶንቤ ፓይላ ካይድና ፕር ማታቴ ንማሞ" ይንታና ኬያማይ፡፡ ¹⁵ ዮራ ኮይና እግናም ሽሽቴ ዎጵንጳዳና ናጋዳና ኮሳ ጋሎን ሀፓንቴ ፔጌሀ ዎያና ኬዎያይ ኬሀሞ ኤፓና ኬ ኤፓይ፣ ቃብማና ኬቃብማይ፤ ¹⁶ እላታንቴ ኬ ይንታና ኬያማይ፤ አፓላን ተልባንካ አሽካ ጳንቤ አፓላን ዛዊን አርሳ ዶኖ፣ አፓላን ተልባንካ አሽካ ጶንቤ አፓላን ዛዊን አርሳደኖ ዌርንካቤ ሱኒን ዌርን ግያን ዶንቤ፣ ዌርቄን አንቁን ይዛራ ሀያዶኖ፣ ፔኖ ጌጶኖ ሀዩ! ሀዩ! ¹⁷ ዎድማሞኖ ኦጎኖ አጋዛራ ሱን ካይድና፡፡" ኤና ጋግን ብራይ ውል ኤና ጋግንካ ያአይ ውል፣ ኤና ጋግሮ አሽከይቤ ኤና ኑንቆሮ ሞሮን ዩሳ ሀያዳና ፓይላ ፔጌሀ ዎያና ኬዎያይ፡፡ ¹⁸ ና ኮአት ጩብን ኡታይን ዩያፕና "ፔን ኬግያሀማ ፔ ዳይዱ ሀንቴ እለታና ኬእላታይ፡፡ ¹⁹ ኬ ኪዩ ኤድ ማታንቴ አፕቴቤ ቃብምቴቤ ይንታ ሀንቴ እለትድና፤ "ኤና ኑንቆሮ ጋግካ ዳና ፓይላ ኮንካ ዎደንጵዳና ፔን ጌጶን ናንቴ ሀዩ! ሀዩ! አጋዛራና ሱን ካይድና፡፡ ²⁰ ፓላኖ ኮንካ ዋዘንጵማ፣ ባርዮን ኤና፣ ባርያሳ ኤና ዩእስጳናቤ ባርያሳ ኤና አፓን ጌያይና ዋዝንጵማቴ ዮም ኮጋልንሻዳግያ ካርያ ኮዛራ ካይሶ በእድና፡፡" ²¹ ናንሲ ኤርጎ ኤድ ካንታ ኻላ ዋፍ ጮ ሱኒ ግያ ሀማ ሱኒ ጳሳንቴ ኑንቆሮ ጳባንቴ ዩንታ ሀምድና ፔን ጌጶን ካቢሎንም አጋንታ ጳባጵና፣ ማታቴ ኮም ሀፓጵማሞ፡፡ ²² ኤና ቾንግን ጳይናቤ ዋርሳን ጳሳይናቤ ኤድ ቱ ሉንጎ ፑጋያቤ ቁሽሞ ፑጋያቤ ናንሲ ሀግዶ ኤስርጵማሞ፣ ኤና ዋድማን አሽካይና ሀሚና ሀግዶር ዳማሞ፣ ሀግዶር ዎፍጮ ዴሳያ ናንሲ ኤስር ጵማሞ፡፡ ²³ ኮሬንቲ ሮጳያ ናንሲ ሀግዶር ርጵማሞ፣ ናንሲ ሀግዶር ኤድ ኬማያ ዳማሞ ናጋዳና ሀሳ ኤና ፔሮ ጴሳጳና ሀሳ አሽኮንካ ኤና ፓይላ ሀዛራ ማትድና፡፡ ²⁴ ኮግዶር ኤና ባርያ አፓን ጌያይናሳቤ ባርዮ ኤና ቤ ኤና ፓሮ ዴሳጳናሳ ፓይ ኬሳ ማአስኖ ኮግዶር ሀፓጵና፡፡"