¹ ናሲ እናንቴ ሀቃ ባጉዳ ታስ ሀማ ዮር ዮክንስ እናንቴ እንጵድና፣ እግያ ቃልቴ ባርዮን ኦኖንቤ ባርያም ዩንዛራ ምሥካጳያ ሱና ዎይሳጳም ዮክንስማ፣ ኤና ኦጎታር ምሥካይናም አይድማ፡፡ ² ራቅን ጳልን ኮስም ጋርማ ሀኬንስና፣ ኦጎኖ ኤና ባርያም ጴስምናንቴ እንጳዶኖ ጳልኖና፡፡ ኬሀሞ ኤና ባርዮን ኦኖንዛራ አርፒ ኦይድታም ላማ ሴሶ ባአናኬባአጱ ³ እንታ ኤና እሳ ማኚና ለማና ናንቴ ካንታን አባም እማና እማይ፣ ናንቴ ባርያ አፓን ጌጳና ኬጌያይ፡፡ ⁴ ኬ እግና ፔሮ ባርያሳ ዎትሮ ዎያይና ለማና ሀቃና ወይራቤ ለማና ኖና ሮጳይናና፡፡ ⁵ ኤድ ሀውካሞ ኬዛ ዮር ዛርቦ በእናንቴ ኳይ ኖኖ ኬሳ አፓንባራ ኡታንቴ ኤና ኬዛራ ዮር ዛርቦ በአናንቴ ሀያይና ጌያን ዩካርሳይና ኣርፕና ግዶ ዶቦኖ ፔሮ ጳን ኮጋሬሀናንቴ ፓላን ድፃን ቻለና ኬቻላይ፣ ጉንቆናም ማአሲዛራ ሀያናንቴ ዩዛግና ኬ ፔን ዛራ ካይሶ ባአና ናቴ ኬ ቻላና ኬቻላይ፡፡ ^{6 7} ባርያስ አጋን ጌያናንቴ ኬቱንስና ሜሽን ኦሎንባራ ኡታያ ሜሻ ኬላማ ኡሮ ዳማንቴ ኬም ባሽናክባሻይ፣ ዴስና ክዴሳይኬም፡፡ ⁸ ኤና ጃዳናሳ ዛራኖ ዋኖ ካታማን ጌጶንሳ ጳሎ ጳባና ጳባጳይ ከታማኖ ኮኖ ዩሳ ሴስንካ ፔና ሶዶምቤ ግብፅቤግያ ዶኖ ጌጳ ኬሳ የሱስ ዩንግዶ ዚታጳና፡፡ ⁹ ፔ ኤድ ቤዛ ኣብ አብ ባራ አፓ ውልባራ ናአዶኖ ኤድኖ ኤና እግና ኤና ጃዳናሳ ዋን ሮሮ ኤናም ማራና ኬማራይ፡፡ ¹⁰ ኬ ክና ባርያሳ አፓን ጌያይና ኤና ፔሮ ደናም ጋልንሻዳናና፣ ኤና ፔሮ ዳና ዮሮ ኦጎኖ ኤና አግናዛራ ኮዮስካደን ዴንጵንካ ሀማንቴ ዋዝንጳና ኬዋዝንጳይ ክናንቴ ሀሞ ናንሲ ኮይስ እና ኬእማይ፡፡ ¹¹ ሮሮ ማካም ኮስጋኋ ኡስኖ ባርያ ባራ ናዴ ኬግዶ አርድድና ኬሀሞ ጶቃንቴ ጳጵድና ኤና ኬም ሼዳይ ካሎን ኩርትጵድና፡፡ ¹² ናንሲ ኬግያ "ዞን ኡትማቴ" ሀማያ አፓ ጳባራ ፓላንባራኬ ኤሳርድና፣ ኤና ኬም ናሽማ ኬም ሼድቴ ኬደሀ ሉፕንካ ፓላንዛራ ኡትድና፡፡ ¹³ ሰዓታ አጋሀ ፔሮ ጁጉማ ማትድና ከታማንሳ ባሀላ ካይድና ጁግማንካ ኤድ ሺህ ሶጳ ጃይድና፣ ኤና ጳቃዳ ኩርታሞ ኬናንቴ ማችድና ባርያ ናንቴ ኬ ጎሺ አምድና፡፡ ¹⁴ ላንሳ ካይሳ ሀዩ ሀማያ ሳግድ፣ ማክንሳ ሀዩ ሀማያ ናአናክናአይ፡፡ ¹⁵ ኤርጎን ኤያ ሶጵሳ ፁሩንቦን ኩፑጓኋ ፓላሮ ዩንታ ሀማያ ጴላቅ ኤሳርምድና፣ ፔኖ ጋላሻኖ ጌጳ ዎሳ ክርስቶስሳፔ መንግሥት ክንቲ ማትድና፣ ኖ ላይህ ላይህ ኮዛራ ብቲና ክማታይ፡፡" ¹⁶ ባርያሳ ዎትሮ ክካላ ጌጵ ማታንቴ ደርቃዳ ኤና ለማታ ኦይድና ባርያ ናንቴ ኮምርሳንቴ ጎሺ ክናንቴ እምድና፣ ¹⁷ እንታሀም ሀምድና፣ ዳቤ ዳዳቤ፣ ውልም ቻላዳ፣ ጌጰ ጋርያ ሀም ጎሽናዎ ጎሻይ፣ አጋሀሞ ሀርቴ ያ ሀሳ ካንታን ጌጶሞንካ ብትምድና፡፡ ¹⁸ ኤና ሀም ጴስማ ዋጭምድና ሀሳሀሞ ሮራ ብቶን ሀታሀያ ዮስክድና፣ ኤና ጃዳና ዛራ ብቶን ሀታሀይኖ ሀሳ ኤና አፓን ጌያይና ናንቴ ኤና ሾሊና ናንቴ ኤና ጌጵና ናንቴ ኬዋድማዶንሳ ዋጋን ሀእማን ሮሮኖ፣ ኤና ፔን ካይሳ ዳናም ሀካይሳን ሮሮኖ ናዕድና፡፡" ¹⁹ ናንሲ ጳ ፓላሮ ባርያሳ ኦኖኖ ቡልምድና ባርያሳ አፓን ጴላቅኖ ዋርቃትኖ ሀፕንጵድና፣ ጳልቃትቤ ጉጋናቲ እርጎ ፔ ጃጉማቤ ፔሮ ሽክኒ ዳቦ ሀንችድና፡፡