¹ ናንሲ ባርያሳ ኤርጎ ኤድ ዋቺ ካላ ሉፕንሳ ፓላንባራ ክያንችካ እንታ ሀፕድና፣ ክሳ ሜቴሮ ዚሊ ዳይድና፡፡ ዎትኖ ክሳ ሀዩ ግያ ራኖ ክሳ ኖግያና ክዶ፡፡ ² ዩስ አንንካሀሞ ዋርቃቲ ሾሊ ቱፒሚ ካላም ዮዳንቴና ክዶ፣ ራስ ዩሳ ምዛቃም ሌኤሮ ሀያንቴ ራስ ዋርካታስ ዩስሀ ፔን ትጋንቴና ክዎያዶ ³ ዘቦ እርጋያግያ እላታንቴ እርግድና፣ ክእላታኋ፣ ባርያሳ ጉጋትና ሶጳና ጴላቅድና፡፡ ⁴ ጉጋናት ሶጳና ክጴላቃኋ፣ እንታ ዮራ ክጌያያም ዋርቃቲ ግዶር ኡካናንቴ ሀይድና፣ እያያኋ ዋርቃቲ ግዶር ሀኡክናኖ ማህታምንካ ድፅማ ሀማያ ጴላቅ ፓላንበራ እንታ ኤሳርድና፡፡ ⁵ ናንሲ ኤርጎን ኤያ ራን ዩሳ ኑንቆሮቤ ፔሮቤ ሀያንቴ ዎያዳ አና ዩሳ ዋርስታስም ፓላንዛራ ጳስድና፤ ⁶ ኖሀሞ ላይህን ዳያ ባርያሀ ፓላንቤ ፓለንዛራ ዮራ ዳናም ዎዳዳሀቤ ፔንቤ ፔንዛራ ዮራ ዳናም ዎዳዳሀ ኑንቆንቤ ኮሳ ኢሮ ዮራ ዳናም ዎዳዳ ባርያ ናብንካ ጩት ሀማንቴ ዩንታና ክጌያዶ "ታናንሲ ዮር አሽክማ ጉድጲ ዳያ ቆልማሞ፣ ⁷ ባርያሳ ኤርጎን ኤያ ሶጵካ ፁሩንቦን ክፑጋይና ሮሮና ግዶ ባርያ ኤና ክናንቴ ዋድማይ ክሳ አፓን ጌያይና ናንቴ ዩጌያዳ አፓም ባርያ አሽካናክአሽካይ፡፡ ⁸ ናንሲ በራንቴ እናንቴ አፓን ጌያዳ ኤያ እግ ፕር ዩንታ ሀምድና፣ "ኤርጎን ኤያ ኑንቆሮቤ ፓሮቤ ዎዳ ካላ ዋርታም ችማ" ሀምድና፡፡ ⁹ እንታሀሞ ኤርጎን ኤያሀ ቃልንቴ ዋርቃታ ሾም እናንቴ ክእሜሀ እንታ ኦይስድና ኖሀሞ እግያ ችማ ሀያንቴ እከማ ሀሳ እኒና ኮጻቅምሳይ፣ ሀሳ አፓሮ ዳፃና ኮዳፃይ" እግያ ሀምድና፡፡ ¹⁰ ዋርቃታ ሾላ እንታ ኤርጎን ኤያ ካላ ቻንቴ እብድና፣ እሳ አፓሮ ኩሮ ግያደፅድና አሳኋ እሳሮ ፃቅምድና፣ ¹¹ ናንሲ ኤድን ጱፅን ናንቴ ቢዛ ውልናንቴ፣ ኤድን አፓን ውል ጴላቃይን ናንቴ ኤና ብትና ናንቴ ባርያሳ አፓን ሀጌዮሀና ኮዛግሳይ" እግያ ሀንጵድና፡፡