¹ 1. እና ናናቶ ካሳ ኦባራ ገጵካ ዋዘጵማተ፡፡ ፈሪካሞ ኡኩና እሚ ቶሲማሞ የናተካሞ አጎናኮ አጋይ (ፅልና ኮዶሐይ)፡፡ ² 2. ቃስክና እግናባሪንካ የሚ ማክማተ ዘርቦን ዋድማይናቤ፣ ዋንካሞ ታካይና ኤናባራንካ ማክማተ የሚ፡፡ ³ 3. ጐንጵንባ ውት እድሜና ባሪያሳ ኡስን ገዛንካን ምስካይና የሱስ ክርስቶስካ ብርሳይና ዋን ቃቦንካን ይሚ ጐሺሺሚናና ውት፡፡ ⁴ 4. እሚካሞ ኮዘስክና ዋን ቃቦንካሞ እጫጋይኖካሞ ይድና ዋካ ጐይን ቃበያ ኤድ ካላካሞ የሪ ዶሀ ኮታክና ባሻሐና እባሻይ እንታ፣ ⁵ 5. ሮራ ጐንካይሳካ ታካጵዶሐና እስራኤልሳ ብዛኖ፣ ብንያም ኤደሀና ባራ አጵጵይሀናና ዕብራወይና ባሪንካ ዕብራወይና እንታ፤ ይንብን ባሪካሞ ጵስጵና ፈሪሳዊይ እንተ፤ ⁶ 6. አግርማጵላቅ ጵስጵና ባሪያ ኦኖንም ኦይታንተ ያያያና እንታ ደንብን ታካንተ ጋዛምን ሀፓጵን ባራንካ፤ ዘርቦ ቆልማና እዶ፡፡ ⁷ 7. ኮይንካሞ እናንተ ጵልን ይሀና ፓይላ ታሀ ገጵ ክርስቶስ ናንተ ሀማንተ ካንታ ቆለማ ግየና ከፍይዶዳ፡፡ ⁸ 8. ጵካራ እግናሳ ክናተ ሀማንተ የሪ ፓይላ ውሉም እጋሪይን ይላማን የክጵጴማ ገጵ የሱስ ክርስቶስ እጵስዶን ገጵሞላማ ክንካ እየክስና የሪ ፓይላ ውሊ ካንታ ቆልማ ግያና እፓይደዶ ፓይላ ውሊም ክናተ ሀማንተ ካይሳድና እንታ (አካላ ካይድና) ገጵ ክርስቶስም እሳ ሀፓዘሪ ፓይላ ውሊም የሪ ይሀካ ግያና እፍይዶይ፡፡ ⁹ 9. ደንብን ካላባራ ሀፓጵያ እሳጫሪቅማሞ ከይካትማሞ ገጵ ክርስቶስም ምስኮካ ገጵ ባሪያ ባሪንካ ናአይን ምስኮንካ ሀማንተ ሀፓጵየ ገዛሞ ክባራንካ ሀፓጵይ፡፡ ¹⁰ 10. ገጵ ክርስቶስቤ፣ ይንጵባራንካ ጵሳያ ካንታስም ወጵሴ ጋሎንም ክላማ ካሻማየና ወይካ ናቤ፣ ደጵን ዋጀንካካሞ ክም ውታ ከካናተ እዘጋይ፡፡ ¹¹ 11. ጀደሀናሳ ጵጵጴይ ዋዶናተካሞ ወይሳካተ ቃባና እቃባድ፡፡ ¹² 12. ሀፍድና ፓይላ ኦጐሞ ኮደን ጫሪግ ማትድና ሀሚንቶ ትማሞ፣ ኮዶንካሞ ጋጵ የሱስ ክርስቶስ ይጵሪ እሚይነተ ክያያዶንካ እንተኮሞ እናተ ሀያናተ ዘጋና እዘጋይ፡፡ ¹³ 13. እና ናናቶ አካሁ እንታካሞ ክም እየዳዶግያ ሀያንተ ፓይድማሞ፣ ኮዶንካሞ የሪ ካላ ሀያና እያያይ ቡዶንባሪን ዶን ወላዶሀተ ብራሮን ዶንዘራ ኦንን ቃይሻና አቃይሳይ፡፡ ¹⁴ 14. ገጵ ባሪያ ናሳ የሱስ ክርስቶስካ ዞን እሚ ክግሰማደን ታካ ክናተ ሽለማት እማናተ ግቢን ዛራና እጐባይ፡፡ ¹⁵ 15. ወት ቃቦንካ ደሀና ኮደን የሪውሊም ፓይላ ጐይ ካንተ ሀማካ ሸይሐና ኮዘስካይ ካላካላ የሪዋንዘራ የሳ ቃና ዋና ዋና ኮይሐና ባሪያ እግካሞ ጵዋና ክጵዊይ፡፡ ¹⁶ 16. ኮደን ወየስካደሀና እግናካ ወማተ፡፡ ¹⁷ 17. እና ናናቶ እሳ ጵላቀም ጫጋንተ ኤና ዋንላማ ክንካ ዋድማተ ውት ወእምዶሀና ጵይስናካ ሀማንተ ዶሀይናካሞ ጵቅሳማቴ፡፡ ¹⁸ 18. ኮደን ካሳ ብራር ፉሪካሞ እጌያደግየ ፉር ታካሞ እርማ ኑቆሻ ጌየና እጌየይ ኤድኖ ዋን ገጰ ክርስቶስሳ መስቀልንሳካሞ ጋል ካታካያና ከማታይ፡፡ ¹⁹ 19. ቱንስኖ ካዬና እይኖ ካሳካሞ ባሪያና ጐሻይኖ ካሳካሞ የር ዘርበካና፣ ወይላ ይሳካሞ ይንዛራን ከወደዶኖካሞ ኜን የሪን ዛራና፡፡ ²⁰ 20. ኮደን ወላ ኜኖካሞ ፎላሮና ኦሮባሪካ ናአይንም የሪካለካሞ ገጵ የሱስ ክርስቶም ናሽማካ (ክም ቃባንተ) ካላና ወካላይ፡፡ ²¹ 21. ፓይላ የሪ ውሊመ ኖ ይናተ ክሻናዶሀ ካንታካ ዋን ጐሽህናተ ኮታኬካናተ በውጵደን በሼንካሞ ኦስካና ክኦሳካይ፡፡