¹ 1. ታሀ እናሻይናቤ እቃባይናቤ እና ናናቶ የሳ ዋዛንቤ ካሪምን ማታይሀና ኮደን እያሪያናቶ ጐያ ካጵ ጋንታካ ዋቻጵንተ ወይማተ፡፡ ² 2. ወይካም ካላካ ገጵካ የይሐይንካሞ ኤዎድ ያንንምካም ምስካና እምስካይ ሲንጤኪንገሞካሞ ምስካና እምሳካይ፡፡ ³ 3. ኤኤ ያ ጋዛሲ ዋድማንሳካሞ ኤያ ባሪያሳ ወንጌልን ታማርስ ባራንካ እቤ ቀሌምንግሳ ላማ ክንካ ኮዶን ናብንሳን ሳሐይን ወርቀትሮ ኡካጵዶሀቤ ኤና ዋን ዋድማንሳ ሐሪያና ለማ ክንካ ማሽማይና (ካራክሪይና) ሜና እግናም የሳልሻካናተ የም ሚስካና እምስካይ፡፡ ⁴ 4. ዋዛ ዶሀማተ ገጵካ ሮሮ ውሊ ፉሪካሞ ገየና እገየይ ዋዛ ደሀማተ፡፡ ⁵ 5. ፓይላ ውሊባራንካ ጵሳጵዶሐ ኮዶ ጋዛምሃ የሳ ዕድና ክዶ ገጵ፡፡ ⁶ 6. ፓይላ የሪውሊ ምስኮቤ ባንዘቤ ጐሺህቤ ላማ ክንካ ምስከኖ የሳ ባሪያሳ ውትሮጐ ዋድማተ ኮደን የሪውሊናተ ፓይላ የቃቢምናኖ፡፡ ⁷ 7. ቃቦን የሳሳ ጵሐባራ ዶሀ ባሪያሳ ናሽማ፣ ወይላም የሳቤ፣ ቃቦየሳቤም ገጵ የሱስ ክርስቶስካና ክማንካይ፡፡ ⁸ 8. ቱንከሮጐ እና ናናቶ ጐንጰ ዶሀ ጐሼቤ፣ ልክቤ፣ ጫንቃልቤ፣ ናሽማቤ፣ ገዛሞቤ፣ ገዛዋድማቤ፣ ጐሽቤ እግናግያ ደሀ የሪፅል ቃብማተ፡፡ ⁹ 9. የተማሪዶን እካላ ወይካሞ የቻይቤ የኤስራይቤ ወይካሞ የፐይን ፓይላ የሪውልም ዋድማተ ፅላ ገጵ የለማ ክንካና ክዶሀይ፡፡ ¹⁰ 10. ኖሮ ምሪግሳ ቡዶባራ ቃቦ ሐልካ አም ቃባን የካሪዶን ታካ፣ ገጵካ ዋዛና እዳ ጐንጰካ ክም ገያናተ ዕድለካሞ እሳ ቆልማሞ ካይን ቃቦንም ቃብተና ክደ፡፡ ¹¹ 11. እየማዶኖካሞ ይንታ እጋላይን ታካትማሞ፣ ኦጋካሞ ፓይላ የሪውሊሳ እሮ ደሀና የክድና ሀማው፡፡ ¹² 12. እያፓድሞካሞ እንተ ጵስድና እያፓይንካሞ እንታ ጵስድና፡፡ እምሻይካሞ፣ እዶቃጵደሀናካሞ፣ እያፍናካም፣ እያፍድምናካሞ የሪ አብካካሞ የሪ ሀውካ ክዶንካሞ ደሀና የክድና ሀማንተ ገየስካሞ ጐይም ተማሪድና እንታ፡፡ ¹³ 13. ካንታን እማያካ ክንካ ፓይላ ውሉም ዋድማናተ ደያና እደንዶያይ፡፡ ¹⁴ 14. ይያማን ጋሎንካ እሳ እም የካልሽን ታካ ገዛን ዋድማና እዋድማይ፡፡ ¹⁵ 15. ይት ፈልጵየስ ኤና ካሳ ጵባራ የም የጵስካናተ፣ ወንገልን ብራንተ የቻይን ዋዶንካ መቄዳንያባራ እጵጵና ኦባራ የሳ እማካቤ ቻቤካ ቤተ ክርስቲያን እብምካሞ እሚካሞ ካልሽማም፡፡ ¹⁶ 16. ተሰሎንቄ ግዶሪ እዶን ወደንካካሞ፣ ጋሎን ዋደንካ እሳ እይለማግያ ካልሽ ኤድ ንዕስድ ይት፡፡ ¹⁷ 17. አጐኖካሞ ሮናተ ሻብካ ጦግዶሐተ ኮየኤካናተና ኮይን እምቶናተ የሳ ግባተ ትማሞ፡፡ ¹⁸ 18. የም ዘስካይናም ፓይላ እሚ ኮዘስክሳስ ጵባራ ቻይድና እንታ ይንስሳድን ስጦታን አፎሮዶጢሳ ኦሮካ ቻንተ ዋዝጵድና እንታ ኦጐኖካሞ ዘርቤ ቆልማ ባሪያ ባራንካ ናሻጵዶሀቤ ዋዝንሳያ ኮጐና፡፡ ¹⁹ 19. ወሳ ገጵባ ወባቤናተ ላይ ደሀያ ጐሽህ ኮዶ አሜን፡፡ ²⁰ 20. ፓይላ ባሪያ ኤናናተ ገጵ የሱስ ክርስቶስ ናቤካ ጌሶን እማቴ ክንካን እላማ ዶሀና እና ናና ጌሶን እማና ካይማይ፡፡ ^{21 23} 21. ባሪያ ኤና ፓይላ ካሎን ቄሳር ኦኖን ኤና ኤይና እሳ ጌሶ እናተ ካይዕማ፡፡ ²² 22. ገጵ የሱስ ክርስቶስሳ ናሻሜኖ የሳ ካንታላማ ክንካ ኮዶ አሜን፡፡