¹ 1. ክንካ የሱስ ክርስቶስ ለማ የደን ይንታካ ሀማንተ አው ኮይን ዋድማካሞ ናሽማካ ዶሀ ዋዛሀ ካንታገሳ ዘርስሞቤ ክንካ ጵልካ ደንታቤ የደሀና፣ ² 2. ቃቦ ካላካቤ ናሻማቤ ካንታካቤ ዋዘን እስካሞ ላይ ኮይካናተ ሀያና እያያይ፡፡ ³ 3. ኤና ዋን የሳላንካ ፍካላ ካይንካም ጋዛ ካይሀግ ያ ሽድማቴ ኮይን ይት የባራንካ ይጵር ናሺማሞ ቃበካ ወይካሞ ሱን ናሺማ ሀፖርተ ካላካሞ የቃብናኖ፡፡ ⁴ 4. ኤና ዋንናተ አጋያ የሪ ይት ፓይላ ዋድማተ ኮዶን የናተ ሶጐ አይ የሪ የቃብናኖ፡፡ ⁵ 5. የሱስ ክርስቶስ ካላ ደሀና ቃብና የካላካሞ ከዶ፣ ⁶ 6. ኖካሞ ቃቦ ይባካ ገጵ ይሀንተ ባሪያለማ ክንካ ልክ ይዶንም ጋራናተ ይዳንዶይሞንም ዋድማንተ ፓይዶድማሞ፤ ⁷ 7. ኮይ ንካሞ ዋድማ ኤድሳ ይንታም ሁንተ አድግያ ክዶሀካና ሀፓጵይ፡፡ ይም ጋራንተ፣ ⁸ 8. ኤድ ማታንተካሞ ይም ጵውድና ይካሞ ኤና ካላንካ ፓይላ ይሪክ ሀይድና ለይ ዶንድንዘራ፣ አጐኖካሞ መስቀልንዛራ ጀሀ ይሳዘራ ናሺድና፡፡ ⁹ 9. ኮዶንካሞ ባሪያ ክም ጵግ ሀይድና ናብን ክሳሳካሞ ጵሐባራ ዶሀ ናብ እጵድና፡፡ ¹⁰ 10. አጐኖ ካም ፎላሮቤ ኜሮጐቤ ኜንሳካም ቼሳራ ካንታና ፓይላ የሱስ ናብናተ ኬኮፓርስካናተና፤ ¹¹ 11. አታጵናካሞ ፓይላ ባሪያሳ ጐሼ ከይሜካናተና የሱስ ክርስቶስካሞ ገጵ ኮይንሳ ካም ማኝ ኬደካናተና፡፡ ¹² 12. እያሪያናቶ ሮሮ ውሌ ኤሪጐንም የቻይንካሞ ታካሞ እንታ እንታካሞ የካላ ሶጐ እይካትማሞ ካዋማን ታሀ እቆልሞን ዋይንካካሞ ኩርታሞካበ ግባዛንተ የካሞ የናካሞ ጰቃናተ ዋድማተ (አሽከማተ)፤ ¹³ 13. ገዛንም የዋድሜካናተ የላማ ክንካ ወድማያ ባሪያና፡፡ ¹⁴ 14. ፓይላ የዋድማይና ዋድማናም ጉድሞ ካቤ ክርክር ቆልማቤ ዋይማተ (አሽክማቴ) ፤ ¹⁵ 15. አጐኖካሞ ቆሪሞካቤ ዘርበና ታን ኤናቤሳ ግይሮጐ ገዛናቤ ሴሶቤ ቃይሲ ቆልሚና ባሪያ ናና ማትድና ኤዝንግያ ኜሮጐ ፓይላ የሮጵካናተና ክያማዶ፡፡ ¹⁶ 16. ጵቆ ጵላቅ የቃብና ሱላ ጐባን እጋሬ ወይካሞ ሱባካሞ ቃጆን አጋራንናተ ባሪያ ናሳ ክርስቶስ ቤራካ ይንካና እደሀይ፡፡ ¹⁷ 17. ምስኮኖ የሳ ኮደንካሞ ባሪያናተ ኮጐን ኡሳይንቤ ዋድማን ዘሪካም ውጫጵያ ባሪያ ናሳ የሱስ ክርስቶስሳ ቁርባን ግያ ኮቅማ ይሀናካሞ ፓይላ የውሊ ባማ ዋዘና እዶሀይ፤ ጐንጰካሞ አሸካና እያሻካይ፡፡ ¹⁸ 18. እግናም ይትካሞ እላማ ክንካ የዋዝጵካቤ ጐንጵንም አሽክንታ ዘሰካና ኮዘስካይ፡፡ ¹⁹ 19. የስካሞ ጵላቅም ኤሳሪንተሳዋዝጵይማያ ጤሞቴዎሰካሞ ይርካ የዛራ ይሳሳናተ ገጵ ባሪያ ናሳ የሱስ ዛራ ቃም እስምካሞ ጵካና እጵካይ፡፡ ²⁰ 20. ፓይላ ውሊሳ ቃበኖ የሱስ ክርስቶስሳ ቃቦም ስጐትማ ጫግተ ክይ ይስካሞ ቃቦም ወሳናተና ከጐባያይ፡፡ ²¹ 21. ኮደንካሞ የጵሳደግያ በረም ትቃሳካሞ ይሳ ጵለቅ ካሞ ጵስድና፡፡ ናሳ ይሳ እምካማላ ክናባ ክዋድማያሣ፤ ²² 22. ያ እላማ ከባካሞ ወንጌልን ዋድማንም ዋድምድና፡፡ ²³ 23. ከይንካሞ ይሳ ይንታን ብራንጋዘሪናተ እግስማይንቤ ክም ዕይሳይንካሞ ጰስድና እንታ፡፡ ²⁴ 24. እንታ ካም ይጵር ይሪንካ እናአይንም ገጵካ አምንድና እንታ፡፡ ²⁵ 25. እናናሳም ኮይንካሞ ዋድማን እሳሳ ሀርያስብ እለማን ክንካፓ ፖሊሳ ማታንተን ዶሀ እዘጋይናም ፓይላ ክማስካናተ እይስዶሀም የኤሳ ኤሪጐን ኤድን ማታደሀ አፉሮዲጡስም ማስቴ እይስካናተ ፅለ ኮይንካሞ ሀፍድና እንታ፡፡ ²⁶ 26. ፍይላ ይውልም ኖካሞ ናሽና ክናሻይ (ቃባና ክቃባይ)፣ ክግባዘደንካሞ የኤስራዶን ታካ ቃብድና (ጀክድና)፡፡ ²⁷ 27. ጐንጵ ግባዛንተካሞ ዶጵናተ የሳካንተና ክዶ፣ ኮይንካሞ ባሪያ ክናተ ሴሶንም ክሳ ጋርድና፣ ስዬን ዘራ ስዬ ዶሀንም ኮጋሬ ካናተ፣ እናተካሞ ፓይላና ክናተ ሶጐትማሞ፡፡ ²⁸ 28. ታሀ ክምካሞ ፍርካሞ ሀፓንተ የዋዝጵካናተቤ እስካሞ ቃበኖ አም ኮጋሬ ካናተ ይዕሳናተ ግጵና እግባዶው፡፡ ²⁹ 29. ዋዛ ጌጵካና ገጵካ ሀማንተ ከቼቻይ ኤና ክግያን ዳሀናካሞ ክናተ ጐሺህ እምድና፡፡ ³⁰ 30. ይትካመ ክናተ እማናተ የደን ዋድማን ጠአሳናተ ሀማንተ ሳሐደን (ናፍሰን) ይሳናተካሞ ኩርት ጵማ፣ ገጵ ክርስቶስሳ ዋድማና ተ ይጵን አፎሮካሞ የሳካንተና ክዶ፡፡