¹ ኢየሱስ ኡስን ጫራጚንካ ፆፃንቴ ዮርዳኖስ ሌኤንባራ ክሳ ማታ፣ ኡስኖ ጫራጚኖ ኪም ዳራንዛራ ኣንስዲና፤ ² ኦጎታርካሞ ሮሮ ኦይዲታም ኪም ጎይ ጶርጋዳ ይእሳናንቴ ዳቡሎስ ክካላ ኦይሶ ጋሮ ኦይስዲና፤ ሮሮና እግና ግዶርካሞ ዳኣኖ ካላኻሞ እꬅማ ዎዻንቴ ቱንስሮ ዳቃዽዲና። ³ ዳብሎስካሞ ክግያ “ይንዳ ያ ባርያ ናሳ ሃዳና፣ ሱና ካም ዳኣኖ ክማቴኻ ጌይማ” ና ክያማዶ። ⁴ ኢየሱስካሞ ክግያ “‘ኤዲ ናሶ ዳኣኖኻ ሶጎ ዳማሞ’ ሃማንቴ ዋርቃትሮ ኡካዽዲና” ሃማንቴ ክናንቴ ማስዲና። ⁵ ሃያንቴ ዳብሎስ ራቅ ዼግ ሃማ ካላዛራ ኪም ቡላንቴ ማንግስትና ፔሮን ዳናም ፓይላ ክናንቴ ይሪካ ዻዋንቴ፤ ⁶ ክግያ “ማንግስትና ክናሳ ጌጳሞንቤ ጎሺንቤም ፓይላ እናንቴ እንዽዲና፤ እንታኻሞ ኤያ እናሻያናንቴ እእማንታኻ ሃናንቴ እማና እእማይ፤ ⁷ ኣጋታኻ እናንቴ ሃኮምፓርሳያዳና ኮኖ ፓይላ ውል ሃንቲና ኮዳይ።” ⁸ ኢየሱስካሞ ክግያ ይማሳና፣ “‘ባርያ ሃሳ ጌጳናንቴ ኮምፓርስማ፤ ክናንቴ ሶጎ ዋድምማ’ ሃማንቴ ዋርቃትሮ ኡካዽዲና” ና ክያማዶ። ⁹ ሃያንቴኻሞ ኪም ዬሩሳሌምዛራ ኣንሳቴ ቃልቴ ባርዮን ኦኖንሳ ዱሪሮ ዎይሳንቴ ክግያ፣ “ይንዳ ያ ባርያ ናሳ ሃዳና ኮታርካ ምጫ ዲኒማ፤ ¹⁰ ኦጎኖኻሞ ኣና ዋርቃትሮ ይንታ ሃማንቴ ኡካዽዲና፦ “‘ሃም ኬካፔኻናንቴ ባርያ ይሳ ኤርጎን ኤናም ሃናንቴ ሃማንቴ ንእሳና ክንእሳይ፤ ¹¹ ራና ሃሳ ሱኒ ላማ ዻይማን ኬጋሬኻናንቴ ኬ ሃም ይሳ ኣንናኻ ካፓና ኬካፓይ።’” ¹² ኢየሱስካሞ “ ‘ባርያ ጌጳ ሃሳ ኻላ ጋሮ ኦይሶ ሃኦይስናኖ’ ሃንዽዲና’’’ ሃማንቴ ክናንቴ ማስዲና። ¹³ ዳቡሎስካሞ ይሳ ጋሮን ኦይሶናም ፓይላ ይቱንሳና ዋዳ ባሺ ኣብ ይሳ ሃፓዛራ ኪም ጋራንቴ ያእዲና። ¹⁴ ኢየሱስካሞ ኡስን ጫራጚንሳ ካንታንካ ዳንቴ ገሊላዛራ ማትዲና፤ ኜሙትኖ ክሳኻሞ ፔን ኦጎሳ ዴሞሮ ዳና ራቅና ውልዛራ ሻሚዲና። ¹⁵ ኖኻሞ ኣይሁድናሳ ባርያም ምስካዻን ኦኖሮ ታማርስቴና ክዶ፤ ኤና ፓይላ ኪም ዬርሺቴና ኬዶ። ¹⁶ ሃያንቴኻሞ ኖ ይንግዶር ይጌጳዳ ናዝሬት ካታማስዛራ ናእዲና፤ ሌሌ ይያያግያ ኡኩንስን ሮራ ጋላ ባርያም ምስካዻን ኦኖንዛራ ኣርድዲና፤ ባርያሳ ዋርቃትን ናባባናንቴኻሞ ዻጳንቴ ዎይዲና። ¹⁷ ኤያ ባርያሳ ኣፖን ጌያያ ኢስያስሳ ዋርቃትን ቱፕምን ክናንቴ እንዽዲና፤ ኖ ዋርቃትን ቱፕምን ክቡላና ይንታ ሃማንቴ ኡካዻዳ ራቃም ሃፕዲና፦ ¹⁸ “ጌጳሳ ኡስኖ እዛራና ኮዶ፤