ያዕቆብ አፎ ኡኩንሳ 4

1 1. የሳግዶሮ ዱኖባንቆንቤ የጨንቤ ሐንባረካኮናአዴ? እሮጐየን ጰጴይኖ እንግሪማኖ ኖሞታ? 2 2. ዘጋና የዘጋይ ኮዶንካሞ ይትሐፍማሞ፡፡ ዴሳና የጴሳይ ዋይለሚዳቡለቴ ዘጋናየዘጋይ ሐፍናቴ የትዳማሞ፡፡ ዋጪማና የዋጪማይ ዳማና የዳማይ የትምሲክማሞ የናንቴ ደማሞ፡፡ 3 3. ምስክና የምሲካ ኮዶንካሞ የትችማሞ የጰሪ ቃቦዛሪቦሳ ዋዛን ቃቦን ዘሪቦን አለቅንና የምሲካይ፡፡ 4 4. ቡጤናቶ ጋላ ፍንፔንማላ ሐሪየማታ ግሪየሳ ጋልክዳይን የትጰሳዬው? ታካሞ ፔንጋላፍንካሞ ኤዳሐያናቴ ዘጋየ ፓይላ ባሪያሳ ጋል ማትድና፡፡ 5 5. ወይካመ እሮካ ይባአዳና የሪዛሪቦን ካሎንና ካጸላሳጰይ ሐማንቴ መጰፍንሳ ገይጰዬኖ ሱፋ የሐላ ኮማታይ? 6 6. ኮየማንካም ናሽማንም ካሎን እማናእማጰይ ወጸፍሃካኖ ባሪያ ጋሮን ኤናም ናሽማሞ ኤናሌምናናቴ ኮማይን ናሽማን እማናክእማይ የሪጻ ከና፡፡ 7 7. ታዩጰሪ የም ባሪያናቴ እማቴ ሜሾም ጋሪማቴ አይትማ የካለንካሞ እጰማና ክአጵማ፡፡ 8 8. ባሪያዛራ ጸድማቴ ኖካሞ የዛራ ጸዳናክጸጻይ፡፡ የትካሞ ዎይላም ለማካ ዋልዋልሐይና ማይሐንቴገይማቴ፡፡ 9 9. ቃስማቴ እልጀማቴ ኤፎሌንቴ፡፡ ሐንጨኖ የሳ ከየምን ዋዛንዛራ የሳ ዋይካጰዛራና ክማታይ፡፡ 10 10. ጌጴሳ ዎትሮ ዩጰሪየመ ሾልሸማቴ ኖካሞ የም ጰግጰግ ሐያናክሐየይ፡፡ 11 11. እናናናቶ ክም የጵስንሽናኖ እንዳናሳም ጰስንሽ የቤ እንደናሳዛራ ጰባሞን ካሐያ ዳንሳንዛራ ዛሪቦናክገያይ ዳንስንም ካሞ ጰስንሽናክጰንሻይ፡፡ ዳንስንዘራ ጳባሞንየካና ጰንሻያና ፉሪ ደንስንም አሽካይና ትማሞ፡፡ 12 12. ዳንስንም እማይናቤ ቢቶንታካያ ካላሶጐና እባካሞ ጰአሸያቤ ካይሳያናቴ ደማያና ይያማይንተ ኤና ሐለ ማዳናዘራ ቢቶንታካያ የሐውቴ፡፡ 13 13. የት ሐይታለ ወይካሞ ሳሕኛስ ኦዛራ ወይካሞ ኮንታ ካተማንዛራ የአናወያአይ ኮንካሐማንቴ ቦንካለ ካፍናወካፍይ ሽንሻናወሽኝሸይ ምሪግሳና ዎምሪግሳና የምሪግያሳ ሐማይና ታኤሳሪማቴ፡፡ 14 14. ሳሐካም የሪንሐማይንም ፍሪ የትጰሲማሞ፡፡ ሳዳንም የሳ ሐሪቴና? ቶካሶጐ ግዶር ሐፍንጰንቴ ሪሰዛራ ካም ኡስና፡፡ 15 15. ይያማካሞ ጌጰሳ ቃቦኖ ኮዳና ኤላቃ ናወአለኮይ ኮም ይያማይን ወይካሞ ኤጋሞ ሐያና እሐያና ወሐያይ ሐያናቴ ዘግሲካና ኮዛግሲካይ፡፡ 16 16. ታ ኮዶን የሳፎራሞንካና የፎካራይ ይንታሐምቴ የፎሐሪይካ ፓይላ ዘሪቦና፡፡ 17 17. ይያማይን የሪባሻ ደሐም የለም ሐያናቴ ክዳም ጰሳናቴ ሐያንቴ ኤድ ሌሶን ሐያናክሐያይ፡፡