ያይዕቆብ አፓ 3

1 1. እና ናናቶ ዬግዶር ኤድ ውል ታማርሳየባ ዳና ኮጋሬ አጋሀሞ ሀርቴ፣ ውቲ ታማርሳይና ማታዳና ዎጌዶንካ ዎዳድምና ዎሀላ ኦየሳ ጳይንም ዩቲ ጴስድና፡፡ 2 2. ውቲ ውል ዬር ውልካና ዎጳብማይ፣ ኤያ ጴላቅን ዩሳሀ ዋቻጳን ዳያ ሀውካሞ ኤያ አጋ ዩም ማካያ ጫንቀል ሀማና፡፡ 3 3. ፓርዳና ጐይን ገዝ ኬዬኤሀ ኬሳ አፓሮቤ ኑኩሮቤ ጉፃን ዛውንካ ሎኩንሳንቴ ኬም ቻላህዎቻላይ፡፡ 4 4. ወይ ጋግናም ሼድማቴ ጌጵና ዳንቴ ግባሮ ጌጵካና ኬያአይ ኮዶን ኤያዋራያ ሀቃ ሾልካና ራቃናዩዛጋ ዳናዛራ ክ ዋራይ፡፡ 5 5. አጋንታ አታጲ ዬር ሾሊና ዳንቴ ዬር ጌጵና ኮአሽካይ ቃው ጌጵ ኖ ሾልካ አተቴ ኮካየይንም ጴስማቴ፡፡ 6 6. አታጵኖሀም ኖ ግያና ዎሳ ዛራን ዛራ ዳንቴ ዶኖ ካይሶ በአያና ዛራን ፓይላን ኮሴሳይ ኘርካሞ ኤድንሳ ዴንተምና ኮካይሳይ ዩናንቴሀሞ ኖሮ አታና ኮአታይ፡፡ 7 7. ሳብና ውለ ካርያና ኘርካሞ ፔሮ ዳና ዳብ ጐንቆንሶ ኢሮ ዳና ፓይላ ኬም ሜራን ቻላጵና አድካሀሞ ኬም ባሽጵና፡፡ 8 8. ኮዶን አታጵም ኤድ ማራቴ ቻላያ ቆልማሞ ጴሻ ዴሳያሀ ቃጆ ቆልማና ኮዶ፡፡ 9 9. ዎሳ አታጵንካ ጌጳ ዎሳ የሱስ እንባቤምና ዎጐሻይ፣ ኮንካሀሞ ኤና ባሪያሳ ወደጳናምና ዎአሻይ፡፡ 10 10. አፓ ካላባራ ዬር ፃልቤ ዬር ዛርቦቤ ኡታና ኮኡታይ፣ እና ናናቶ ዬራ አጋ አጋንታ ሀማን ክጋሬ፡፡ 11 11. ኤለሲ ካላባራ ኑንቆ ጫንቃል ሀማቤ ቃል ቃል ኡታው? 12 12. እና ናናቶ ሀቃ ወይራ ሀንጳያ ሀቃ በለስ አኘ ካው? ወይ ሀቃ በለስ ወይራ አኘ ካን ቻለው? አጋንታ ሶቆ ኑንቆ ግዶር ኑንቆ ባሺ ሀፓን ቻልጵማሞ፡፡ 13 13. ዬግዶር አያ ዬርንጴሳዳ ፓሀ ላስ ሀውቴ? ዋድማን ዩሳም ጐይ ፃል ዴንታ ፃልካ ክጳዌ፡፡ 14 14. ኮዶን አንግርማ ዛርቦ ዩም ናሻ ዬሳ ዎይላምሮ ኮደና የፓራጵናሃ ዬራ ጐንጳካሞ ዬአሽናኖ፡፡ 15 15. ዋድማ አጋ ባሪያ ባራ ትማሞ ኦጐኖ ፔን ባራቤ ቤሮን በራቤና፡፡ 16 16. አንግርማቤ ዩም ሶጐ ናሽንታ ራቅ ግዶር ኦታር ዋጭቤ ዋድማ ዛርቦቤ ዳና ኮደይ፡፡ 17 17. ጳ ፓላን ባሪያ ባራዳ ዋድማስ ብራቴ ጫንቃልና ክዶ ናንሲ ናሽማ ዛጋየ፣ ዬር ዶነሻያ ኤኤ ሀማያ፣ ሴሶ ጋርንቶ ዬር ፃል ሀኘሳያ፣ ኤድም ካላም ቾባራ ካላም ጳባራ ኤድ ካላ ሼዳጵማ ራቅ ይንግዶር ይቆልማቤ ዬር ፓጋሞ ዴንታ ይቆልማ ና፡፡ 18 18. ዬር ግልሳ ዴንታም ኤና ናሽማን ባአይና ናንቴ ዬር ፃልና ኮባአይ፡፡