ያይቆብ አፓ 2

1 4 1. እና ናናቶ ጐሽ ጌጳ ዎሳ የሱስ ክርስቶስሳ ዬዶነካ ሀማንቴ ኤድም ኤድ ካላ ሀላ ሳጊ ዬሽካናኖ፡፡ 2 2. ወርቄን አንሮ ሀያጳቤ አፓላን ካሽን ጳክጳዳ ኤድ ዩሳ ባሪዮን አኖን ናአት ኘርካሞ ኤድ አፓላ ዳሀሀዳ ዩሳ ባሪዮን ኦኖን ክንና፡፡ 3 3. ኤያ አፓላን ባሽን አርሳደናንቴ ካም ሳጊ ሼዳናንቴ “ሀናንቴ ራቅኖ በሽኖ ኮሼ የምናቤ ኤያ ኩፋም ክግያ” ያ ኦታ ዎይማ ወይ ቾ ፔሮ እሳ ራሮ ዳርቅማ ያምና ዬጌዶር ቃቦ ክናንቴ ልክሳ አሽካጵማ ዋድማ ዩር ክናንቴ አሽካዳይዮ? ኘር ዩቲ ቃቦን ዛርቦንካዳና ሱን ኤናም ጳቢ ሀያይናሞ ዩቲ? 5 5. ናሽጵና እና ናናቶ ኤሳርማቴ ክንካ ኬዎድንጴሀ ግንቴቤ ኤና ኪም ናሻይናንቴ ቃባ ጌይጳዳ ባያ ሞሮን ኬአርዴሀናንቴ ጌን ኮሳ ኤና ኩፍናም ናሽዳይዮ? 6 6. ዩቲ ኤና ኩፍናምና ዬቶካጳይ፣ ኤና ዬመ ጋልሽይና ዎድሞናሞ? ጳብን ፍርድን ኦኖንዛራ ዬም ጳብሾታ አንሳይና ኬም? 7 7. ዬዛራ ቃይሳጳ ናባ ጌጳ ጐሽጰም እራይና ኬም? 8 8. ቀርቃትን ብራሮ “ኤድም ሀግያ ሀያንቴ ናሽማ” ሀማንቴ ጌይጳዶን አፓንካ ዬዳና ዩቲ ዬር ባሺ አሽክቴን ዬዶ፡፡ 9 9. ኤድም ኤድ ካሉ ዋና ሀያንቴ ዬሽድና ሴሶና ዬአሽካይ፣ ባሪያሳ አፖን ጴላቅኖ ዬም ሴሶ ኤድግያ ኮፓይዳይ፡፡ 10 10. አጋሀሞ ሀርቴ ኤያ ባሪያሳ ቃቦን ውልመ አሽካያ ኬግዶር ካላ ኬሳም ኤያ ጳምባያ ውልም ክሴሳዳግየና ፓይዳጳይ፡፡ 11 11. ሜ ማላ ሱን ሀዎጵናኖ ሀማንቴ ጌየዳ ኖ ኤድ ሀዴስናኖሀሞ ሀማንቴ ጌይድና፡፡ ሜ ማላ ሴን ዎጵማ ኤድ ሀዴስና ባሪያሳ አፖን ሴስድና ያ፡፡ 12 13 12. ዬጴላቅናሀሞ ዬአሽክናሀሞ ኤና ባርያሀላ ሴሬ ጐሽን ፃልን ሀፓይና አና ግያ ዬር ፃል አሽክማቴ፡፡ 13. አጋ ሀርቴ ኤያ ኤድሳ ሴሶ ጋርማ አጋ ሴሶ ክሳ ዛራና ላብሻጰይ ሴሶ ጋርንቶም ዬር ጳብሾሀና ሼዳጳይ፡፡ 14 14. እና ናናቶ ኤድ ካላ እንታ ባርዮ ኤድና ዩያምና ባሪዮ ኤድ ዩዶንም ዋድማሀ ዩጳኖ ድምና ክናንቴ ሀር ኳዬ? ጐያ ዩንታ ሀማ አጋ ኪም ጳአሻው? 15 15. ኤድ ካላ ወየ ማ ካላ ኬሳ አፓላ ኬአርሳያ ወይ ዬር ኬእሳያ ኮቆልምና፣ 16 16. ዬግዶር አድ ካላ ኬግያ “ፃልንካ ዩማቴ ዬሀላ ቃጃን ኮጋሬ፣ ምሽማቴ” ኬግየ ክያምና ኬናንቴ ዬራ ዛግሳይናም ክእማድምና ክናንቴ ሀር ኳዬ? 17 17. አጎታሀ ባሪዮ ኤድ ዳጳንም ዋድማሀ ማይህ ሀይማ ባሪዮ ኤድታሞ ዩባራንካሱን ጃዳና፡፡ 18 18. ኮዶን ኤድ ካላ ሀግያ “ያ ሱን ባሪዮ ኤድ ሶጐና እንተ ባሪዮ ኤድ እዶንም ዋድማ ጐንጴሀ ጳዋያና” ዩንታና ክየማይ፡፡ ያ ባሪዮ ኤድ ሀዶንም ዋድማ ጐንጴሀ እናንቴ ጳውማ እንታሀሞ ባሪዮ ኤድ እዶንም ሀናንቴ ዋድማ ጐንጴሀ ጳዋና እጳዋይ፡፡ 19 19. ባሪያ ክዶንም የ ጴስድና አጋ ፃልና፣ ቤሮናሀም አጋ ጴስድና ክናንቴ ኩርትንጳንቴ ግባዛና ኬግባዛይ፡፡ 20 20. የ ኤያ ሱን ዳ! ባሪዮ ኤድ ማትንቶ ዋድማ ቆልማ ኮዶን ጴሳናንቴ ጐይህ ሀዛጋይ? 21 21. ዎምባ አበርሃም ናስ ዩሳ ይስሐቅም ባሪያ ናንቴ ማቻን እማናንቴ ዩያየዶን ዋድማስካሞ ጐንጴ ማታዳይዮ? 22 22. ጐይን ኦጐሀ ባሪዮ ኤድ ማትንቶ ዋድማ ማላ ክንካ ኮዶን የ ሀፓና ሀሀፓይ፣ ባሪዮ ኤድ ማትንቶሀም ዋድማሀ ጐንጴ ማትደና፡፡ 23 23. “አብርሃም ባሪያሀ ዋቻጵና፣ ክናንቴ ጋዛምግያ ፓይዳጵና” ሀማንቴ ዋርቃትን ብራሮ ጌይጳዳ አፓ ጐንጴ ማትድና ኖሀሞ ባሪያሳ ናሽጳ ሀንጵድና፡፡ 24 24. ታ ናንሲ ባሪዮ ኤድ ማትንቶሀ ሶጐ ተማ ዋድማሀ ጐንጴ ማታጳይን ሀፓናዬያፓይ፡፡ 25 25. ኘርካሞ ኤስኖ አንጌን ቶልምኖ ቡሎኖ ኤና ንዕሳጳናም ቻንቴ ሀቻቴ ራቅ አብካ ኮይዕሳኋ ዋድማሀ ጳቃዳይዮ? 26 26. ኡሲባራ ዋናዳ ዋ ዴንጴ ኮዳግያ ዋድማ ቶልማ ባሪዮ ሴ ባሪዮ ኤድ ማትንቶ ዬር ጃዳና፡፡