ያዕቆብሳ አፎ ኡኩንሳ 5

1 1. ኮዶን ካሞ የትክና ወድሞና ኤሳሪማቴ የዛራ የሱካ ናቴዶን ጋሎንናቴ ኤፍማቴ እንዶ እንዶ ሐማቴ፡፡ 2 2. ዎድማሞኖ የሳ ጥልድና አፍላኖ የሳ አንቃቆኖ እሲድና፡፡ 3 3. ወሪቅናቤ ካሬናቤ የሳ ዛውድና ኮዛ ዋደኖየናቴ ማኘናኮዳይ ዛራንንም ኬሳ ኖግያና ኮእሳዶ ቦንን ቱንሲሮጐ የት ኮይሶን ፑ ኡሸድና፡፡ 4 4. ጸለ ኤሳሪማቴ ሐምንፍትቴ ሐቃዳና ዋድማንኤና የካሰጵድኖኖ ባዛኖ የዛራ እላታና ከእለታይ ፓትንኤና ካሞ እላትኖ ኬሳ ፓላምጰሳያዛራ ጌጴላ ቃሞሮ አሪድና፡፡ 5 5. ፔሮ ጋሎቆልማ ጰሪቃሞካ ዩትዳህድና የካዬንሮላንቴ የት ወይላምን የሳም ዎቼችጵድና፡፡ 6 6. የም ቶዝጵድም ኤና ባሸና ጋሪድና የት ዴሲድና፡፡ 7 7. ዎንደናናቴ ታናሴጌጴ ክሳናአዛራ ዶን ድማ፡፡ ሐምንም ፓካያ ፔኖ ጸል እሴንኡሸቴ ኮዳን ዛራ ሐሲሀያንቴ ክዶንሸናም ቢራሮንቶቤ ደቦን ሪሴሮናደበ ሐሲሀያንቶ ክካላን ጴቅሲማቴ፡፡ 8 8. የትካሞ የንተ ደንሸማቴ ዎይለምን የሳም ዋቼሸማቴ ጳይንሶካሞ ጌጴሳ ናአኖ የሲክድና፡፡ 9 9. እናናናቶ ክዛራ የጉንድምናኖ ኮጐያም ጰቢንሸና ጰቢንሸጰይ የትክና ቢቶንኤያ ውለጰፎሮጐ ዎይድና፡፡ 10 10. እናናናቶ ጌጳሳ ናቤንካ ግይጰዶን ባሪያሳ አፎኖ ጋሎንቤ ዶንሻሳ ጰይንሶ ሐያንቴ ሸድማቴ፡፡ 11 11. ዶንሽቴ ዋቼን ጰዳና ፎጋጰዳ፡፡ ሀያንቴ ዎፎይድንታካ ጰሲድና የት ኢዮብ ሐሞንተሐማንቴ ዶንሸቴ ክዋቼንጰዳም የትኤሳሪድና ጌጴካሞ ቱንሰንዛራ ክናቴክያየዶን የትሐፍድና፡፡ ጌጴ ካሎን ኤድናቴ አታየቤ ሴሶን ገራያቤና፡፡ 12 12. እናናናቶ የሪፓይለም ፎላሮ ወይካሞ ፔሮ የሪሐሪግደሪካሞ ኮዳና የአሸንሸናኖ ኤህ ኤህ የሐምና ኤህ ሐማቴ ኮዳና ኤህ ኮዳ የንታትማሞ የሐምና የንትማሞ ሐማቴ ኮጐንታ ኮዳና ካናናጳይ፡፡ 13 13. የሳግዶሮጐ ጋሎስ እሪ ዳይዱ? አጋ ክምሲክ ዋዚንጰዳ ዴይዱ? ክጐሻ ክጰሴ፡፡ 14 14. የሳግዶሮጐ ሐጀጰዳ ኤድ ዳይዱ ቻሪችንሳ ዞንዛናም ግሲማቴ ኬካሞ ጌጴሳ ናቤንካ ዋአትንካ ቃጰንቴ ክናቴ ካምሲኬ፡፡ 15 15. ዋይላም ካለካ ምሴኮ ምሲካጰዳህ ኤያ ሐጀጴዳም ጰአሸናክጰሻይ ጌጴካሞ ጰሳናክጰሳይ ሴሶንም አሻካንቴ ክዳና ገራናጋሪጰይ፡፡ 16 16. ናሲ ሴስንም ይሳም የጰሪ ግይማቴ ጰቅማቴ ሐያንቴ ካላ ዋናቴ ክምሲኬ፡፡ ኤድ ጨራሻ ምሲኮኖ ካንታ ደይድና ጌጴ የሪካሞ አሽካና ኬአሽካይ፡፡ 17 17. ኤልያስ ዋግያ ኤድዳቴና ዶቦኖ ጰንኮጋሬካ ዎይላምባራካ ቡላንቴ ምሲክድና ፔሮ በንማካምቤ አሪፎለቤ ዱቦ ጰድማሞ፡፡ 18 18. ፍሪካሞ ምሲክድና ዶቦኖካዋ ፎላንባራ ጰይድና ፔኖካሞ ሐቃኖካሞ ባሪጋጲድና፡፡ 19 19. እናናናቶ የባራንካ ካላ ጐንጰባራ ክጰቢናቤ ዋንም ክማሲና፡፡ 20 20. ከጋመ ጰቅሲ ማቴ ሴሶን ኤያም ክሴሳዶ ጐያባራ ማሳያ ኤያ ሳዳን ዴንጰንባራ ጰአሸና ክጰሻይ ሴሶን ጶዶንካሞ ባሸና ክባሻይ፡፡