¹ አፓ ብራስ አጋ ምስኮ ጎይቤ ባሪያሳ ኦኖኖካሞ ፔሮጌና ኮዴ፡፡ ² ዱንካንሞካሞ ወይሳጲድና ዱንካንሳካም ቆፓስ ብራ ሳሮጎ መቅርዝንቤ ጣርጴዛንቤ መስዋዕትንሳ ኃብስትንቤና ደና ራቃ አጋካሞ ጋዛና ሀንጳይ ³ አፓለን ጋደን ሀይጳደንሳካሞ ቡደባራን ቆፓስ ደሀስ አጋ ጋዛናካ ጋዛስና ሀንጳይ፡፡ ⁴ አጎሳ እሮጎ የራ ቁኛን ጉደይና ወርቄንባራንካ አሽከጳደናቤ ወርቄን ይንዛራን ላጭንሻጳደን ባርያሳ ጋቦትንቤና ደና ታቦትና ኦጎኖ ፎለንባራ ባሪያሳ ሀንችሻጳደ ደአንታ መና ሀንጳያሳ ይንግደር ደጳደን ወርቄንባራንካ መስብን አሽካጳ ደንቤ ጎባንቴን ደሀ ሴጋስቤ ባሪያሳ አፎን ይዛራናን ኡካ ጳደንቤና ደሀና፡፡ ⁵ ታቦትን ዛራካሞ ሴስን ሻእሻን ሹፈንዛራ ባሪያሳ ኤርጎን ኤያ ኩሩቤል ደይድና ኮደን ታሀ የራ እግናም ፓሽንቴ ጌያጳን ወትህ ደንደይማሞ፡፡ ⁶ ውልሞ ጎያ ካካ አሽካጴኳ ራስባራ ካይናትና ዋድማን ይሳሞ አሻካናንቴ ሮሮ ውል ዱንካንሳ ቆፓ ብራስሞና ከአሪደይ፡፡ ⁷ ኮደን ካሞ ቆፓ እባራን ደሀዛራ አሪደያ ካይና ጌጳ ሶጎና ክሳ አሪደኖካሞ ቦናሳ እሮጎ እይ ካ ሰጎና ሴሶን ይኖንናንቴቤ ዘርስንሳ ጴስማን ሴሶን አሽካጳ ዶንቤናንቴ ማአስን አንጰይንም የድማ ካላካሞ አሪድማሞ፡፡ ⁸ ዱንካኖ ብራኖ ወያንቴ ኮደንታካ ገዛናሳ ገዛንዛራ ጎይኖ አንሳይኖ አካራ ኮያፋን ድሞንም ኡስኖ ገዛኖ ጳዋኒ ከጳዋይ፡፡ ⁹ ታን ቦን ኮናንቴ ጳይንሶ ኮደ ካናንቴ እንጳይኖ መባንቤ መስዋትንቤ ኤና ሞካናሳ ሜቴም ጫንቃ ሀይጳን ደንዳይማሞ፡፡ ¹⁰ እግና ፓይላ ደንበ ሀልሳ ናአዛራ ከዋድማይኖ ደአኖንቤ ውጨንቤም ሀያንቴ ጎይ ዋና ዋናካ ይም ጫራፕሽ ደንብ ሰጎና፡፡ ¹¹ የሱስ ክርስቶስ ታ ደሀናንቴ የራ ፃልናናንቴ ካይናተ ጌጳ ማታንቴ ክናአደን ዋደንካ ኤድ አንካ አሽካጳድሞን ፓክንሳ ኮተሪ ትህሞን ዛራ ዱንካን ጌጶን ዛራ ጫንቃል አሪድድና፡፡ ¹² ቁለቤ ወጋቤሳ ማአስን ባአቴ ትህማሞ ክአሪደደ ኮደንካሞ ቱንሰ ዋሳ ሴስን ካይሳናንቴ ማአስን ይኖንም ባኣንቴ ቆፓን ገዛናሳ ገዛንባራ ቱንስ አሪድድና፡፡ ¹³ ብሽኖ ካሳ ኮጫራ ኚሜ ካናንቴ ሴስን ኤናዛራ ቁለቤ ዋንጋቤሳ ማአስኖ ይፃጳይኖ ሀያንቴካሞ ዋንጋሳ ድብኖ ካሞ ኮጫራኚሻያደና፣ ¹⁴ ኡስንካ ሀማንቴ ይም ቱንስ ቃስን ቆልማ መስዋት ሀያንቴ ባሪያ ናንቴ እንጳደኖ የሱስ ክርስቶስ ማአስኖ ባሪያሞ ወምስኬካናቴ ሜቴ ወሳም ዴንጲሮካ ሀሞንታ ወም ጫራግሻያቴ፡፡ ¹⁵ አጋታካ ደንታን ፎላንባራካ ሐልን ናአናንቴ ደን ቱንስን ቆልሞናንቴ ከቼካናንቴ ግሰጳደና የሱስ ክርስቶስካሞ ደንታን ሀልን ናአንሳ ባክሮጎና ደንታ ብራንሳ ባክሮጎ ኬደን ወደንካ ሴሶን ከአሽካደሮካ ኬም ነጻ ቡላ ናንቴ ራቃ ኬንታሮ ጃይድና፡፡ ¹⁶ ኤልቅሞ ካሞ ኮደና ኤያ ኤልቅማዳም ክጂደንቤ ክጀ ድሞንቤም ኬንሻጳይኖ ልክና፡፡ ¹⁷ አጋካሞ ኤልቅሞና ዋጋካ ኮደይኖ ኤያ ኤልቅማደ ክጂና ሶጎና ኮደን ካሞ ኤያ ኤልቅማደ ሳደንካ ክደና ኤልቅሞንሳ ዋጋ ቆልማሞ፡፡ ¹⁸ አጋታካ አፓ ብራስካሞ ማአስ ቆልማ ትህማሞ ክወያደ፡፡ ¹⁹ ሙሴካሞ ዘርስናንቴ ደንብሳ ጎይናሞ ጌያንቴ ቱንስሮጎ ወንጋ አቶናስ ማአስንም ኑቆን ካለንካ እናና ዘውናሳ ስትንቤ ሂጵንቤ ክንካ ሀያንቴ ወርቃትንቤ ዘርስንቤ ዛራ ይፂድና፡፡ 20 ይንታና ክያማዶ ፃል ሀያንቴ ወርቃትንቤ ዘርስንቤ ዛራ ይፂድና፡፡ ²⁰ ይንታና ክያማዶ ፃል ሀያንቴ የሺዴካናንቴ ባሪያሳ አፎኖ የናንቴ እደጳኖ ማስኖ ኮኖና፡፡ ²¹ ሀያንቴ ካሞ ዱን ካንቤ ኮይና ዋድማን አሽካይና ቤዛራ ፓይላ ማስን ይፂድና፡፡ ²² ይያማን የሪ ቶካሳ አባራ የራ ፓይላ ውል ማአስካ ሶጎ ከጫራግ ማይንም ደንበኖ ጌይድ ማአስ ኮይንቅማ ሴሶ ሺእሻጳያ ቆልማሞ፡፡ ²³ ታ ናንስ የራ ፓለሮን ደናካ ጳይንስጳይና የራ ክናካ ኮሳ ጫራግማኖ ግድናኮደይ፣ ኮደን የራ ፓለሮን ደና ማአስ ክናሳ ሳግካና ከጨራግማይ፡፡ ²⁴ የሱስ ክርስቶ ዱንካን ጎንጴንባንሳ ጳይንሰን ማታደን እንካ አሽካደንሞን ባሪያሳ ኤኖን ዛራ አሪደድማሞ ኮደን ካሞ ወናንቴ ማንቴ ባርያሳ ወትሮ ሀፋንጳናንቴ ኮዛራ ፓለንዛራ አሪድድና፡፡ ²⁵ ካይና ጋራ ማአስን ይኖን ትህሞንም ባአንቴ ራቅን ገዛንሳ ገዛንዛራ ለይ ቦንናሳ እሮጎ ክአርደያግና የሱስ ክርስቶስ ይ ሳስካንቴ እማናንቴ ዋደ ፁፂ ፓለንዛራ አሪደድማሞ፡፡ ²⁶ እን አጎንታ ኮደና ፔንም አሽካጳደሮካ ካርሻንቴ የሱስ ክርስቶስ ጋሎን ጋለናንቴ ዋደ ጱፂ ኮዛግሳይ፡፡ ኮደን ታሀ ቦናንሳ ቱንስሮጎ ይም ሳስካቴ እማንቴ ሴሶንም ካይሳናንቴ ናንስ ቱንስ ሀፋንጴድና፡፡ ²⁷ ኤድ ካላ ካለሶጎ ክጄካናንቴ ሀያንቴ ካሞ አጋሳ ራስባራ ብቶንሳካሞ ወትሮጎ ክወያካናንቴ ክዛራ ፍራዳጴድና፡፡ ²⁸ የሱስ ክርስቶስካሞ ዘርስንሳ ሴሶንም ባስክሳንቴ ካለብሻ (ቱንስ) ይም ሳስካንቴ እምድና ለንስካሞ ሀፈንጳኔ ክያፈንጳ ኦጎኖካ ክም ካላይና ናንቴ ጳአሽን ባአናንቴና ሴሶን ኬም ባስክሳናንቴ ትህማሞ፡፡