¹ ታ ናንስ እጌያያ የራ ጎንጳ ካ ና ፎለና ግደር ጌጳሞን ሞዛቅባራ ጌጳሞን ቦርኮቶሮሮ ደርቃደ አጋግያማና ካይን ጌጲናወሳ ደሀ ² ኖካ ኤናካ ጋራቴ ጌጳካ ይእሳጳደና ዱንካን ጎንጴባንካ ባርዮን ኦኖንሳ ዋድማ ኤድና፡፡ ³ ካይና ውልሞ ይናንቴና ጌጲሳጳይኖ ሚባናንቴቤ ሴሶንም ሽእሻጳን ጎይን መስዋኣትንቤም ካአሽኬ ካናንቴና አጋታካ ካይና ሳካሞ የሪ ክአሽኬካናንቴ ዛግሳኔ ኮዛግሳይ፡፡ ⁴ ኖካሞ እን ፔሮጎ ክደና እን ካን ክማታድሞናን አጋካሞ ደንብንሳ ጌይጳደን ጎይንካ ኤና ሜባን እማይና ደይድና፡፡ ⁵ ኖካሞ ክዋድማዶኖ ጳ ፎላንሳ እሮን ደን ባሪያሳ ኤኖንሳ ጳይንሶን ሹፎንሳ እሮጎና ሙሴካ ደንካንም አሽካናንቴ ይቃበደን ዋደንካ ጌማሪታሮኤ ጳይንሳ ክናንቴ ሀፈንጳደ ጎያ ካ የሪ ውልሞ አካራ አሽክማ የክንስማ ሀማያ ጴለቃሞ ክጌያደኖ ጎያ ሳካኔ፡፡ ⁶ ኮደን ካ የሱስሳ አፓ ሾላ ብራን ካለንካ ፓይላ ክሳጋያ ግያ ዋድማኖ ክቻዶኖካሞ ዋድማን ኬኖን ካለንካ ሳግና ጎያ ካካሞ ደንታን ብራን ካለንካ ደንታ ላሽና፡፡ ⁷ አፓ ብራስ ግደርካ የሪ ካለካሞ እን ኮጳቃድሞና ላንሳናንቴ እን ራቅ አብ ሀርናቴ ዛጋጴ፡፡ ⁸ ኮደን ካሞ ባሪያ ዘርስን ካለን የሪ ጳቃደ ይያፈደንታካ ይንታና ክያማይ እስራኤል አኖን ለማ ይሁዳ ኦኖን ለማካሞ አፎ ሀል ካናንቴ እማን ዋደኖ ናአኔ ኮ ናኢይና ጌጳ ክያማይ፡፡ ⁹ ኦጎኖካ ግብፅ ፔንባራካ ኬሞ ቡለናንቴ አን ኬሳሞ እየደደን ዋደንካ አና አንባ ናናንቴ አፎን እጌያደ ግያ ትህማሞ አጋካ አፎን እጌያደንካ ካካሞ ዋቻናንቴ ወያድማሞ እንታካሞ ካለንካ ፔግጴድናና ጌጳ ክያማይ፡፡ ¹⁰ ዋደ አጋካሞ ራስባ እስራኤል ኦኖንናንቴካሞ አፓ እጌያያ ካኔና ክያማይ ጌጳ፡፡ ደንብን አሳም ኬሳ ሜንሳ እሮጎ ወደኔ እወደይ ኬሳ ወይላምንሳ እሮጎ ካሞ ኡካኔ እኡካይ እንታካሞ ኬላጌጳሪ እደይ ኬካሞ እሳ ዛርስኖራ ኬደይ፡፡ ¹¹ ናንስ ኤድ ካለካሞ ይሳ ጉልን ኤናቤ እንደናናቤግያ ጌጳም ጴስማቴ ሀማንቴ ተማሪስማሞ አጋካሞ ሽልና ግደርካ ካርስንቴ ጌጳና ዛራ ኬውል እም ጴስድና፡፡ ¹² ዘርቦን ካሳሞካም ጋራኔ እጋራይ ሴስን ከሳሞካሞ ናንስ አንታ ቃብማሞ ¹³ አፓካሞ ሀል ክያማደንታካ አፓ ብራስም ጌቾ ሀይድና አጋታካ ጌቾኖ ካፓደኖ ከካያን ዋደኖ የስክድና፡፡