¹ ካይና ፓይላ ኤና ግደርካና አማጳይ ባርያ ግናም ኤናግያ ማታንቴ ሴስንሳ ኮጴንቶን ጎይንም ከአሽከ ካናንቴ ጌጲሳጳይ፡፡ ² ኖካሞ ካንይታቃጂ የደንታካ ናናናንቴቤ ኤና ለለላቅማይቤናንቴ አሽካጳን ደንደያና ክደንደያን፡፡ ³ ሴስን ይኖንቤ ኤና ዋን ሴስንቤናንቴ መስዋዕተን ይንናንቴን አሽካጳይኖ ጎያ አጋካና፡፡ ⁴ አሮንም ግስማጳዶግያ አሮንም ግስጳዳግያ ባርያካ ውስማጴማቴ ጎሽን ኮም ይናንቴ ቻያ ኤድህ ካላካሞ ቆልማሞ፡፡ ⁵ ሀያንቴ ካሞ የሱስ ክርስቶስካሞ ካይና ጋራሞንም ጎሽንም ይናንቴ ቻድማሞ ኮደን ካ ባርያ ያ እሳ ናሳኔ ሀያ ካ እንታ ሀምባና፡፡ ⁶ ሀያንቴ ካሞ ራቅ አብሪ ባርያሳ ኤርጎን ኤናግያ ጌጳም ገዛ ን ላይ ቱንስንቆል ካይናኔና" ክያማይ፡፡ ⁷ የሱስ ፔን ኮሮ ክደሀያን ዋደንካ ድንጲንባራካ ጳአሻጳን ቻላያዘራ ጴሌቃቤ ምስኮንቤ ጌጲ እላታንቴ እርባን ኑቅለማ እምድና ውልሞ ናቫንቴ ክቻደንታካ ምስኮን ክሰኮን ክሳም ኤሳርጲድና፡፡ ⁸ ባሪያ ናሶ ይደንካሞ ጋሎን ሀማንቴ ኤድህናንቴ ኤሳሪጳይጎ ታማሪድና፡፡ ⁹ ኮካካሞ ይጫራግማደንሳ ራስባራ ክናንቴ ኤና ኤሳራይናናንቴ ፓይለ ፓሽንቶ ቱንስ ቆልማ ጎይማትህድና ¹⁰ ኤርጎን ኤናግያ ጌጳም ጫራግም ካይና ጋራ ሀማንቴ ባሪያካ ጌጲሳጵድና፡፡ ¹¹ የራ ካባራ እጌያያ የሪ ጱፃ ዲይድና ኮደን ካሞ ተማሪናንቴ የዛግሞንታካ የናንቴ ጌያናንቴ ሽልዋችና ¹² እን ዋደን ኮካ አስተማሪና የደይንም አካራ ባሪያስ አፎንሳ ተማሪንሳ ካርስን ኤድ የም ተማሪሳያ ዘግሳኔከ ዘግሳይ የናንቴ ዘግሳይኖ ደአኖ ወችትህማሞ ራፂና፡፡ ¹³ ራፂን ውጫይና ፓይላ ናስ ኮደንታካ ታማሪን ገዛንለማ ክንካ አካራ ክም ጲሳድማሞ ¹⁴ ኮደን ደአኖ ዋችኖ ፃልንቤ ዘርቦንቤም ጴሳደና ኤና ጋርናናንቴና፡፡