¹ ታ ናንስ ኡኩንሳዛራ አሪደናንቴ ብራዛራ ደንታኖ የናንቴ እንጳደኖ ታካሞ ኮደንታካ የግደር ኤድ ካለካሞ ከዛራ የስክማ ሽጳን ክጋሬ ካናንቴ የምማንክማቴ፡፡ 2 ኪናናንቴ ጌይጳደግያ ወናንቴካሞ የሱስ ክርስቶሳ አፎን ሀማንጌይጴድና፡፡ ² ኪናናንቴ ጌይጳደግያ ወናንቴካሞ የሱስ ክርስቶስሳ አፎን ሀልንጌ ይጴድና፡፡ ኮደን ካሞ ኤና ኤሳረደናካሞ አፎንም ደንታን ይሳ የሱስ ለማደንለምክዛራ ከካድሞንታካ ኬናንቴ የሪ ጎን ማታድማሞ፡፡ ³ ወትህ የሱስም ቻደና ኡኩንሳ አጎዛራ አሪደኔ ወአሪደይ ባሪያካሞ እሳ ዋጭንካ ይንታ ሀማንቴና ክአሽንሻዶ ኡኩንሳንዛራ ካላካሞ አሪድማሞ ሀምድና ይንማንካሞ ፔንሞ አሽካጳዲሮካ ካርሳንቴ ክሳ ዋድማንም አሽከጴድና፡፡ ⁴ ሮ ሶጲሳሳካም ራቅ ካለር ባሪያ ሮራ ሶጲሳጋላ ዋድማና ግደርካ ፓይላ ኡኩንስድና ሀምድና፡፡ ⁵ ሀያንቴካ ፓሀ ብራሮጎ እሳ ኡኩንሳን ዛራ ካለካሞ አርድማምና ክያማይ፡፡ ⁶ አካራ ኡኩንሳንዛራ አረደሮና ኤድ ዋን ዳይድና አናብራንቴ ይናንቴ የሱስሰ አፎን ሀልን ኤና ይናንቴን ጌጵጳና ይኤስረድሞንናንቴ አሮደድሞ፡፡ ⁷ አጋታካ ባሪያ ሀይታለካ ካርሳንቴ ፉርካም ሮሮ አብታክድና ኦጎኖ ካሞቦን ጴፈሳ ራስባራ ዳዊት ባራካ ናቅሳንም የኤሳርና ወይላም የሳም የሺፈናኖ ሀማንታ ብሪ ሳንቴ ጌይጳድግያና፡፡ ⁸ ኢያሱ ኡኩንሳ እን የናንቴ ክእማደና አጋሳ ራስባራ ባርያ ረሮሮ አብ ሀርናንቴ ክጌያዴ፡፡ ⁹ ኦጎኖ ካሞ ባርያሳ ዘርሶናንቴ አካረ ሮሮ ሶጲሳም ኡኩንሳኖ ናጲድና፡፡ ¹⁰ አጎኖ ካሞ ባሪያሳ ኡኩንሳን ዛራ አርደይና ፓይላ ባሪያ ይሳ ዋድማን ቱንሳንቴ ክኡኩንሳ ደግያ ኖካሞ ሮሳ ዋድማና ግደርካ ኡኩንሳኔ ክኡኩንሳይ፡፡ ¹¹ ታ ናንስ ኤድ ካለካሞ ኤና አግናስ ኤስርጳድሞንሳ ጳይስን ቸጋንቴ ሽጳን ኮጋሬ ኡኩንሳን ዛራካ አርደናንቴ ወዋቻጴ፡፡ ¹² ባሪያሳ አፎኖ ለይደሀያቤ አሽካያቤና ሀልፍ ውልባራ ጫሪ አራጫሪና ሳደንቡ ኡስንቤም ቃዋንቤ ቂፃንቤ ግደርካ ሶፋንቴ ኡካኔ ከኡካይ ወይላምንሳ ቃቦናቤ አግርማናቤም ሸደኔ ኮሻደይ፡፡ ¹³ ባሪያሳ አፈናንቴ የሪ አቺም ካለካሞ ቆልሞ ወባራንካ ዋሳ ሶንሶንሳ የሪ ወጌየወያምና ክሳ ወትሮቤ የሪ ፓይለ ውል ማይ ፐርድንቆና ኮደ፡፡ ¹⁴ ታ ናንስ ፎላና ዛራ ያአደ ካይ ውልሳ ጌጳ ባርያ ናሰ የሱስክደንታካ ደንታ ዋሳም ፃል ሀያንቴ ወዴ ¹⁵ ወሳ ቃጀናንቴ ቡርቃጳያ ካይና ጋራ ቆልማሞ ኮንካሞ ወንታግ የሪ ውልካ ጋልንሻጳደ ካይን ጋር ዳድ ይያማንካም ሴሶ ካላካ አሽካድማሞ፡፡ ¹⁶ ታናንስ ዋሳ ሴሶን ጋርስናንቴ ከዛልሳያ ዋደንካዋም ኬልሻን ናሽማንም ወያፎካናንቴ ናሽማን በርኩቶን ዘራ የሱስም ወቻደን ጎንካ ፄደኔ ወፄደይ፡፡