⁴ የሱስ ሙሴሳ ጳባራን ¹ ታ ናንስ ፎላሮን ዳንታን ግስማጳደና እናና ገዛና ዋሳ ጎንሳ ሐዋርያስቤ ካይናሳ ጋራሱም የሱስም ቃብማቴ፡፡ ² ሙሴካም ባርያሳ ኦዎሮጎ ገዛ ክደግያ ኖካሞ ክም ጌጴሳደናንቴ ገዛና ክዶ፡፡ ³ አኖን አሽካያ ኦኖን ካለንካ ጎሽኖ ክኖ ኮሳጋያግ የሱስካሞ ሙሴ ካበንካ ጎሽ ሳልካ ግዳንም ሀፋጲድና፡፡ አኖና ፓይላ ውልሳ ኤድ ኬንትህ ኬም አሽካያዳይድና ኮደን ካሞ ውልም አሽካደ ባሪያና፡፡ ⁵ ሙሴካሞ ብራዘራ የራ ይጌያይናሳ ማኝ ደሀንቴ ባርያሳ ኦኖሮጎ ኤድ ገዛ ዋድማ ኤድ ካላ ግያና ክዶ፡፡ ⁶ ኮደን የሱስ ክርስቶ ባርያሳ አኖሮጎ ናሳ ገዛ ካለግያና ወትህካሞ ይንካ ወደቤ ወሳ ዴሞሮጎ ደይድናን ሀማንቴን ብራዛራ ይንካ ወያአያ ጎያም ወየድና ክሳ ኦኖና፡፡ ⁷ አጋታካ ኡስኖ ጋዛኖ ከጌያያግያ ሀያካ ናቅስ ክሳሞ የኤሳርና ⁸ ደራሮጎ ጋሎን ሮራ ጋለ ዋጭንካ የያያደግያ ወይላም የሳም የድፂናኖ፡፡ ⁹ ዋምባና አጎታር ዜርማቤ ፓትህሻቤ ይያያደንም ካሞቦን አድታም ግደር ሀፋድና፡፡ ¹⁰ ብዛን አጎዛራ ጲናንቴን አዋጭማደና ኦጎናንቴና ይንታካሞና ክያማዶ ወይላሞኖ የሳ ሮሮ ውልና ኮዳንባይ ጎይን እሳም ካሞ ጴሳድማሞ፡፡ ¹¹ አጋታካ ዋጭንካ ይንታ ሀማንቴና እአሽንሻዳ እሳ ኡኩንሳን ዛራ ካለካሞ የትህ አረድማሞ፡፡ ¹² እና ናናቶ የግደር ኬድ ካለካሞ ለይን ደሀያ ባርያ ካለንካ ፔግንሳያ ሴሶቤ ወይላም ክምችማቤ ደን ካጋሬ ካናንቴ የምግሽማቴ ¹³ ኮን ካሞ የሳ ባክሮካ ኤድ ካለካሞ ሴሶንካ ጋይሷጷካ ወይላም ኬሳ ዋቻጳን ኮጋሬ ሀያካ ጌይቴ ዳጳኳ ክም ሌስማቴ፡፡ ¹⁴ ደንታን ወሳ ብራን ደንም ዋቻጳንቴ ቱንስንዛራ ወይድና የሱስ ክርስቶስ ለማ ክንካ አሮደይናና ወደይ፡፡ ¹⁵ አጎኖካ ሀያካ ናቅስ ክሳም የኢሳርና ዋችንካ የያየደግያ ወይላም የሳም የዋቺሸናኖ ሀጳዳግያና፡፡ ¹⁶ ኤስራንቴን ዋጭማደና ሀውቤቴ? ሙሴ ግብፅ ፔንባራካ ክአንሳደና ፓይላ ውልሞሆ? ¹⁷ ቦን ኦይድታም ይንዛራን ክዋጭማድና ኤ ሀውቤቴ? ሴስን አሽካንቴን ዋንሳ ደራሮጎ ድናንቴን ሽጳደናሞሆ? ¹⁸ ኬሳርድምናም እሳ ኡኩንሳንዛራ አሪን ኮጋሬ ሀማንቴ አሽንሻጳደናኤ ሀውቤቴ? ¹⁹ ታናንስ ይናንቴ ኬአርደድሞኖ ኤሳራን ይዘጋድሞንታካና፡፡