¹ አጋታካ ዋኤሳርዳና ጎይፃል ወየኤ ወኤሳርደና የራናቴ ወም ማን ካናንቴ ኮዛግሳይ፡፡ ² አጋካሞ ባርያሳ ኤርቶን ኤና ባራካ አፓ ክጌያደልክ ክደሀናወሳ ሴሶን ናንቴቤ ወኤሳርሞንናንቴቤ ጎይልክካ ወትህ ጳበና ³ ወትህካሞ ፓሽንቶን ኮግያሞን ሀሳ ሀያንቴ ጴስማ ወሳጌ? ፓሽንታ አጋ ብራንቴኣ ጌጳካ ጌይጲድ ክካለንካ ኤሳርደናካሞ ወናንቴ ማይ ሀፕድና፡፡ ⁴ ባርያ አንሽካቤ ካሞን ጎይባሽሣቤ ጎይ ዋና ዋናቤካ የራ ሀሚማን ግያን ደናሞ ኦጎንታ ኤና የናሻይና ናንቴ ክካሻደን ኡስን ገዛንሳ እምነትናም የራክና ውልሞ ጌይድና፡፡ የሱስ እንደናናሞ ታክድና ⁵ ኮንሞ ይናንቴ ክጌያኖ ፔን ብራዘራ ናአንቴን ደንሞ ባርያሳ ኤርጎን ኤናናንቴ እማድማሞ፡፡ ⁶ ኮደን ካ ካካሞ ራቅ አብር ይንታ ሀማንቴ ማኛሞን ወይድና የጰቅሳያደና ኤድኖ ሀርቴ? የቃቤ ካናንቴ ኤድናስ ደባሪቴ? ⁷ ባርያሳ ኤርጎን ኤና ካላንካ ሾልስጎ ቶልስጎ ቶስሣናቴ ጎሸንቤ ጎብንታ ቤእሞድና ⁸ ፓይላ ፑጭሞ ክሳ ራንሳ ቾባራ ሀይድና፡፡ ባሪያ የራ ውልሞ ክሳሪንሳ ቾባራ ያያደን የሪ ካለካሞ ክሳ ራንስቾባራ ክያንድማ ቆልማሞ ኮደናካሞ ታዋደን ኮካ የሪ ፓይለ ውል ክሳ ራንሳ ቾባራ ኮዷኳ ዎትህ ሀፍማሞ ⁹ ኮደን ካ ባርያሳ ናሽማንካ ኤድህ ውል ናንቴ ዴጲን ክጂ ካናቴ ባሪያሳ ኤርጎን ኤና ካለንካ ሽል ሶጎ ቶስካጳደ የሱስ የዴንጲንሳ ጋሎንም ቻንቴ ታ ጎንሽንቤ ጎብንታቤም ክዛራ ወደጳኳና ወያፋይ፡፡ ¹⁰ የሪ ውልሞ ክናንቴቤ ክንካን ደሀያ ባሪያ ኤድ ጱፂም ጎሽንዛራ ባአናንቴ ዋሳ ፓሽንቶንሳ ጎይንም ክሳ ጋሎንካ ጫራግ ሻናቴ ክጌያደኖና፡፡ ¹¹ ኤናም ጫራግሽይና ኤናቤ ኤና ጫራግሽጳይናቤ ሞሮ ካላ ግደርካና አጋታካ የሱስካሞ እናና ሀማንቴ ግሰማናንቴ ቦክንጳማሞ፡፡ ¹² ይንታካሞና ክያማይ ናብን ሀሳ ሀና ናናናንቴ ጌያኔ እጌያይ ዘርስንሳካሞ ባክሮጎ ሀሳ ጎሽንሞ ጳኔ ዋጳሳይ። ¹³ ያንቴካሞ እንታ ክንካ ሀማንቴ ጴሳጲድና ወትህ እቤ ባርያቤ ናና ወእማደና፡፡" ¹⁴ ናናም ወንካቤ ማአስካቤ አጳጳያግና ክምካሞ ኦጎንታ አጳጲድና ኦጎኖ ካሞ ደንጵንዛራ ይንሳን ካንታን ይደም ሜሽም ይሳ ደንጳንሳ ካንተንካ ክ ካይሴካናንቴና፡፡ ¹⁵ ሀያንቴ ካሞ ሳደንካ ደሀንቴ ዴንጵን ኩትህጳን ካይስሞን ጳክሮን ደሀናሞናፃ ክቡሌ ካናንቴና፡፡ ¹⁶ ኖ ይንናንቴን ክና አደና ባርያሳ ኤርጎን ኬናሞ ኬልሻናንቴ ትህማሞ አብራሀምሳ ብዞንም ጋልሻ ናንቴ ክና አደና ማይና፡፡ ¹⁷ አጋታካ የሪ ውልካ እንደናናም ታካናንቴ ዘግድና ኦጎሞ ካሞ ይናንቴን ክያያደኖ የሪ ውልሞ ሽእሽያቤ ካይናሳ ጋራ ገዛስ ማታንቴ ባሪያናንቴ ዋድናንቴቤ ዘርስናንቴ ሶሶሳ ሽእሻ ሀፋ ሳናንቴና፡፡ ¹⁸ ክም ካ ጋልንሻጳደን ሞደንካ ጋሎን ክቻ ደንታካ ጋልንሻጳይናም ኬልሻጳን ክደን ደያንታካ፡፡