¹ የራ ወቻደ ይንዛራን ቃሞን ወቁንፃደ ጎንጴንባ ክያማይንም ወያፈይኖ የራ ጎንጴንባ ኬዶንም ወጴስናና፡፡ ² ወንባናናንቴ ይንካ ማኛሞን ወይጳደኖ ኮካና፡፡ ³ ፔንኖ ባርያሳ አፎንካ ካውድማደንም ወሳ ደንታንካ ዴሳኔ ወጴሳይ አጋታካ የሮ ሀፋንጳይኖ ኮአሽክማደኖ ሀፋንጳይሮካ ኮትህሞንም ቃባኔ ወቃባይ፡፡ ⁴ አቤል ቃየልጋን ካለንካ ባሪያናንቴ መሳዋት ሳግና ይሳ እሮካ ቡለቴ ክእማደ፣ ባሪያካሞ መስዋትን ክእደንሳ አፎ ክማሳደን ዋደንካ ኖካሞ ዋድማና ይአሽካደናካገዛ ክዶንም ማኛሞ ወይጲድና ይጀደናካሞ ከውል ይዛ ገዛሞንካ ጴላቅቴና ክዶ፡፡ ⁵ ሄኖክ ዴንጲን ሀፋን ክጋሬ ካናንቴ ይሳ ገዛሞንካፔን ኮሮካ ክሞ ቻጴድና ባሪያ ክሞ ክቸደናቴ ካሞ ሀፋጳድማሞ ክም አካራ ቻጴማሳ ብራሮጎ ባሪያሞ ክዋዝሳደንም ካ ክናንቴ ማኛሞ ወይጴድና፡፡ ⁶ ሀያንቴካ ገዛሞ ጎይ ጨግማ ባሪያሞ ዋዝንካጲን ደንደይጴማሞ፣ ኦጎኖካሞ ኤና ባሪያዛራ ናአይና ፓይላ ባሪያ ክደንም ይሳወይለሞሮካ ቡለንቴን ዘጋይናናንቴ ኬሳ ባዘንሞ ከሽጳይንሞ ጴስንታ ዛግሳኔ ኮዛግሳይ፡፡ ⁷ ኖኋካ አካራ የሪን ሀፋንጴንሞን ባሪያክሞ ክጎራደን ዋደንካ ባሪያሞ ኩርትንጳንቴ ኤና ይሳሞጳአሽናንቴ ባርያሞ ይኬሳርደን ጎይንካ ጋግንሞ አሽክድና ይሳ ደንታንካካሞ ፔንም ሴስድና ባርያለማ ደንታንካካሞ ሀፋጳይንም ገዛሞን ጳልድና፡፡ ⁸ አብራሃም ካሞ ራቅን ክናንቴ እንጳዶንሞ ክቼ ካናንቴ ክም ግስንጳዶን ዋደንካ ናሽንቴ ጳጳድና ሀሞንታ ይያአይንሞካሞ ይስሞናካሞ ናሽንቴ ጳጵድና ሀሞንታ ይያአይንሞካሞ ይጴስሞናካሞ ናሻንቴ ያእድና፡፡ ⁹ ኤድ ኤድ ፔር ቾቻሞ ደርቃደግያካሞ ብራዘራ ክናንቴ እማናንቴ ደጳደንዛራ ወይለም ቃጂንቴ ደርቅድና ብራዘራ ፔን ክራንቴ አንጳይንም ክለማ ክንካ ጳለናንቴን ደና ይሳቅቤ ያዕቆብቤግያ ዱንካንሳ እሮ ደርቅድና፡፡ ¹⁰ ኦጎኖካሞ ከተማኖ ከሳሞኖ ባርያ ይአሽካደኖ ክም ካልቴና ኮደ፡፡ ¹¹ አብራሃም ክጌቻደናካሞ ሣራካሞ ሴኮ ኮደናካሞ ኤያኬም ቡላደሞ ገዛሀያንቴ ኬሽደንታካ ይኤሳርደናቴካሞ ናሶ አንባማትድና፡፡ ¹² አጋታካ ኤድ ጀደግያ ፓይደጳያ ካለንካ ኤያ ካለስ አጋካለን ኤዝና ፓለሮን ደሀናግያቤ አዘና ባይሮን ደናግያቤግያ ፓይድን ቴቱንሳጴማ ብዛ ሀፍጴድና፡፡ ¹³ እክና ፓይለ ኬናንቴ አንጳደንሞ ደንታን ብዛራዛራ ናአናንቴን ዶን ይካላደዘራ ሀፋማ ጃይድና ይያማን ፔጌ ሀፍንቴ ጌስድና ፔን ኮሮ ይደንካሞ ፔ አብባራ ናአደና ቾችና ይደንም ጴስድና፡፡ ¹⁴ ኤና ኦጎንታ ሀማይና ካሞ ፔ ይንትህ ካልቴ ኬንም ኮጳዋይ፡፡ ¹⁵ እን ፔን ጋራንቴ ይውታደንም ኬቃባያ ደና እን ኬናንቴ ባደና፡፡ ¹⁶ ኮን ታሀ ኮ ሳግ ፔን ፓለሮን ደንና ኬአግጳይ አጋታካ ባርያ ካሳ ጌጳ ሀማንቴ ግስጳናንቴ ቦክንጳድማሞ ከናቴ ሞሮክ አሽከደን ታካ፡፡ ¹⁷ ባርያ አብራሃምሳ እትቆሞ ጴሳናንቴ ክቃባደን ዋደንካ ይሳቅሞ መስዋት ሀያንቴ ቃብማ እምድና ደንታ ብራዘራ ናአናንቴን ደንም ቻድሀ ኖ ናሳ ካለስሞ ሳስካቴ እማናንቴ ሼክሞና ክዶ፡፡ ¹⁸ ኦጎኖካሞ ባርያ ብዛኖ ሀሳ ይሳቅካ ግስማጳይ ሀምቴና ክዶ፡፡ ¹⁹ አብራሃም ባሪያ ዴንጲናሞ ጳሳጳን ክቻለይንሞ ጴስድና ይሳቅካሞ ኤና ዴንጲን ባራካ ጳደይናሳ ጳይሽና ክማታዱ፡፡ ²⁰ ይሳቅ ብራዛራ ሀማናንቴን ደንሞ ቃባንቴ ያቆብቤ ኤሳውባናንቴ ፓፂ እምድና፡፡ ²¹ ያቆብካሞ ጀናንቲ ይስካደን ዋደንካ ዮሴፍ ናናናንቴ ፓፂን አምድ ሴጋስሳካሞ ወትሮጎ ጂግ ሀማቴ ጉንስምድና፡፡ ²² ዮሴፍካሞ ደናንቴ ይስካና እስራኤል ዛርስኖ ግብፅ ፔንባራካ ኮውታይንም ጌይድና ይሳ ላፎንሳካሞ ቃቦ እምድና፡፡ ²³ ሜሴካ አጳጳኛ ናሶ ፃል ክደንሞ ይየሳና አረፈ ማካምናንቴ አቺደና ብታሳካሞ ኬራፋን ኩርትንጳድማሞ፡፡ ²⁴ ሙሴካሞ ይጌጳና ፈርዖን ናንሳ ናሶ ደጳይንም ጋሪድና ²⁵ ዋደ ቶካናንቴ ሴሶን ካለንካ ዋዛን ሀፋጳን ካንካ ባርያ ዘርስንላ ጋሎን ቻናንቴ ጳጲድና፡፡ ²⁶ ግብፅና ኮይሰን ካለንካ ክርስቶስናንቴ ሀማንቴ ጋሎን ጋለጳይኖ ውልካለንካ ዎድማሞ ሳግ ኮደንሞ ቃቦ ያዕድና ቤሬብራዛራ ደንታን ቻናንቴ ይደንም ይያፋደንታካ፡፡ ²⁷ ብታሳ ዋጭንም ኩርትንጴማ ወላም ቃሲንቴ ግብፅ ፔንሞ ጋራንቴ ውትህድና ሀፋንጴሞን ይያፋደግያ ፈይደንቴ ይሳቃባ ካዋቻጲድና፡፡ ²⁸ ቶይድናሞ ዲሳያ ኤሳራኤልናሳ ቶድናሞ ዴሳን ክጋሬካ ናንቴ ፋስካ ሀያንቴ ወለም ቃጀንቴ ማአስንም ይፂድና፡፡ ²⁹ ዛርስንም ኬየኤካናቴ ሀያንቴ ሌኤን ዛዎንሞ ወይላ ቃጂንቴ ሳግድና ኮደን ግብፅ ኤና ኦጎንታ ሳጋናንቴ ይያአደዛራ ድዋንቴ ሽጲድና፡፡ ³⁰ ዘርስኖካሞ ኢያራኮ ካሪሞንም ሮሮ ሳጳ ሽራንቴ ራስባራ ወይላሞ ቃጀንቴ ድንድና፡፡ ³¹ ኤስኖ ቡሎኖ ደቆሮጎ ደያን ኤናሞ ፃልንካ ኮቾቻደንታካ ኤስሮሞና ለማ ክንካ ይናንቴ ኮካያድሞኖ ገዛሞ ካና፡፡ ³² ታ ናስ ኮሳ ጳባራ ሀር እያሜ? ኤያ ጌድዮንቤ ኤያ ባራቅቤ ኤያ ሳሞሶንቤ ኤያ ዮፈታሔቤ ኤ ደዊትቤ ኤያ ሳሙኤል ሀንጳያቤሳ ሀያንቴካሞ ኤና ባሪያሳ አፎን ገያይናሳ የሪ እጌዮ እያሞና ወደ ቆልማሞ፡፡ ³³ ኤና ክና ገዛሞንካ መግስም ባሻ ደና ብቶን ገዛን ይናንቴን እንጳደና ዴንታን ብራዘራ ናአናንቴን ደንሞ ቻንቴ ዞቦናሳ አፎን ድፃደና፣ ³⁴ ኖንሳ ካንታ ካይሳንቴ ሀልፋን ጨሪን ካለንካ ጳቅድናይቃ ጃዶሮካ ዋቻጴድና ባንቆሮ ሾይንጴድና ጋለሳ ባንቆን ኦይትሀድና፡፡ ³⁵ ሜና ዴንጲና ጳጲማቴ ኤና ዋን ፈር ዴንጲሮካ ጳጳ ጳንሳ ሳግንም ሀፈናንቴ ሀማንቴ ጳቆንም ቦዋንቴ ዴንጲን ናንቴ ሀይጳን ጋሎን ናንቴ ይሞ እምድና ኮታሪካ ይሞ ፔግንሳናንቴ ዛጋድሞም፡፡ ³⁶ ኤና ዋን ኬሳ ጋልንሻ ጋንት ማትህድና ጳጴድና ዋንሞ ካሞ ጳሳንቴ ጳክን ኤኖሮጎ አሪሳጴድና፣ ³⁷ ሱንካካሞ ፓካጲድና ማጋዝን ካካሞ ራቅ ለማ ጳአሳጲድና ሀልፈን ካካሞ ኡካጳኋ ጀይድና ጎባይድና ቆልድና ጋልንሳጲድና ቁለቤ እያናቤሳ አይን ጳካንቴ ኬያየካናንቴ ሀይጲድና፡፡ ³⁸ ፔኖ ኮኖ ኬሞ ኮሰዛግማንፓካ ዳራሮቤ ጌማራቤ ውል ማናቤ ኦሔናቤግደር ጋልድና፡፡ ³⁹ ክና ፓይላ ኬ ገዛሞናንቴ ማኛሞ ወይጳደናካሞ ኬግደርካ ካለካሞ ደንታን ብራዘራ ናአክንቴን ዶንም ቻደ ቆልማሞ፡፡ 40 ባርያ ወናንቴ የሪ ሳግ ክአሽካደንታካ ዎቆልማሞ፡፡ ⁴⁰ ባሪያ ወናንቴ የሪ ሳግ ክአሽካደንታካ ዎቆልማ ጨራግ ማታናንቴ ደንደሮድማሞ፡፡