1 የትህ ክና ጳቅስምና ገላትያ ኤና ኤሳንካ ጋልማ ሀሳማቴ የሳ እሮ አሪ ደደሀ? የሱስ ክርስቶስ ዝታጳደሀ ዛራ ወሳ ወትህሮጎ ሺፎኖ ክሳ ማይና ኮደ፡፡ 2 የካለንካ የሪ ካ ሰጎና እዛጋይ ኡስን የቻደኖ ደንብንም ዋቻጳንቴ ሽድንችካሞ ሞሆ የናቴ ጌይጳደን ኤሳርንቶካ? 3 የትህ ካሎ ኤደ የሪ ጰቅስማ? ኡስንካ ካሪሳንቴ የሳ ዋንካ ጨንቃል ደሀናንቴና የዛጋይ? 4 ታ የሪ ቆልማ ናንቴ ደሀና ጋሎን ከ ውልሞ የጋሎደኖ ሱንና? 5 ባርያ የናንቴ ኡስንም ክዕማይኖ የንካ ሀንቴ የሪ ሀሚማን ግያደንም ሀያይንም ደንብንም ፃል ዋቻጳንቴ የሻደኳው ሞሆ የናንቴ ጌይጳደናሞ የኤሳርደንታካ? 6 ይንዳ አብርሃሞሞ ጳቅስማቴ ኖካሞ ባርያናንቴ ክኤሳራ ደንታካ ኤድ ገዛ ሀማንቴ ግስንጴድና፡፡ 7 ታ ናንስ ክና ኤሳሪቴን ደሀና አብራሃም ናና ኮደንም ጶቅስማቴ፡፡ 8 ባሪያ ወርቃትኖ ዘርስንም ሴሰን ባራካ ጎይን ገዛንዛራ ከማሳይንም ብርሳንቴ ይጰየሳደንታካ ዘርስኖ ፓይለ ሀንካ ፓሻን ኮፓሻይ ሀማንቴ ብርሳንቴ አብርሃም ናንቴ ይሳ አፎንም ጌይድና፡፡ 9 አጋታካ የሱስም ኤሳራይና የደና ኤያ ኤሳራንካ ገዛጳደሀ እብርሃምለማ ክንካ ፃልናኔ፡፡ 10 ደንብካ ሀማንቴ ይም ጴማ ሀያንቴን ሽዶይናቻይለ አሻሞንሳ ቾባራኔ ኬደሀይ ደንብን ወርቃትሮጎ ኡካጳደናሞ አሽክሞና ፓይላ አሸጳደና ሀማንቴ ወርቃትሮ ኡካጴድና፡፡ 11 ኤና ገዛና የሱስ ቃቦንካና ኬደሀይ ሀንጳዶንታካ ኤድ ካላከሞ ባርያሳ ወትህሮጎ ደንብካ ገዛ ክደሀሞኖ ማይና፡፡ 12 ደንብኖ የቻንቶንዘራ ትህማሞ ኮደን ካሞ ደንብንም ኤያ ጻል ሀያንቴ ኬኖንካ ሳዳንካና ክደሀይ ሀንጴድና፡፡ 13 ሀቃንዛ ዝታጳያ ፓይላ አሽጳደና ሀማንቴ ኡካጳደንታ የሱስ ክርስቶስካሞ ወናንቴ አሻም ማሀታንቴ ደንብንሳ አሽሞሮካ ወም ናፃ ቡልድና፡፡ 14 አብርሃም ናንቴ ፓፂን እንጳደንካ የሱስ ክርስቶስ ዘርስንናንቴ ክየስካ ከ ካናቴ ዴራፍድና አጎኖካሞ የሱስም ወቻደን ጎይንካ ኡስንሳ ብራዘራ ወናንቴ አንጳይንም ወቼ ካናንቴና፡፡ 15 እና ናና ኤና ሮራሳ እሮጎ ሳደንካ ኮደሳደናም ጳይሳ ሀያንቴ እጌየ ኤድ ለማ ደንታኖ ሀሳ ገዛም ከያፈሳደና ራሳ ባራ ካለካሞ ሀካይስ ሞንቤ ክዛራካሞ ሀሻብሞን ሀደን ዳማግያ ፓይለ ዶን ካካ ኮደናካሞ ኦጎንታና፡፡ 16 አፎን ብራንዛራን ደን ጌይጳደኖ አብራሃምቤ ክሳ ብዘንቤናንቴና ወርትህኖ ኤድ ዳፂናንቴ ከጌያያግን ብዛን ክሳ ናንቴ ትሀማሞ ሀሳ ብዛንናንቴና ከያማይ አጋካሞ የሱስ ክርስቶስና፡፡ 17 ይንታና ኮጌያይ ቦን መቶ ኦይድቤ ማካንታቤሳ ራስባራ ደንብን አንጳደንም ባርያ ብርሳንቴ ገይድና ይጌያደንም ኮሳንሳንቴ አፎን ብራዛራ ናአናንቴን ደንሞ ሽእሽማሞ፡፡ 18 አና አፎንሣ ወናንቴ ጌይጰደን ጳልንቶኖ እን ደንብንካ ኮደና አፎን ብርሳንቴን ጌጵጳደንካ ሀፋድሞናና ኮን ባርያ ይሳ ናሽማንካቤ ኤፎን ብርሳንቴን ይጌያደነንቤካ ሀማንቴ አብረሃም ናንቴ እምድና፡፡ 19 ታ ደንብንም ይናንቴን እንጳደሳ ሜታ ሀርቴ? ደንብን ይናንቴን አንጳደኖ ጎይን ጌይጳደንም ልክ ወይማታካ ኤፎ ብራዘራ ና አናንቴን ደኖ ኮጳዋይኖ ብዛስ ናአቴ ክሳ የስካዘራና ደንብኖካሞ ከሳ ናእድና ኤርጎን ኤናካ አን የካ የካሀማ ካለ ግደርካና፡፡ 20 ይያማን አና የካ የካሀማ አጋ ኤድ ካላሶጎ ትህማሞ ኮደን ባሪያ ካላና፡፡ 21 ታ ደንብኖ ባሪያሳ አፎን ብራዘራ ና አይንም ልክትህማሞ ሀማው ኮያማይ? ካለካሞ ትህማሞ ደንብንም ይናንቴን አንጳደን ሳደን ሀፓጴ ካናንቴደና እን ገዛሞን ደንብንባራንካ ሀፋጳደናና፡፡ 22 ኮደን ወርቃትኖ ፔኖ ፓይለ ሴሶንሳ ጳክ ኤድና ሀማንቴና ኮዴሀ ፓይ ኦጎኖካ የሱስ ክርስቶስም ኤሳራንቴ ሀፋጳን ደንታን ሀልን ና አይንም ቻደና ውልናንቴ አንጰየካና፡፡ 23 አጋካሞ የሱስ ወሳ ሳደሮ ክደን ደንታኖ አካራ ኮንማሳ ብራር ደንብንካ ሀማንቴጳክ ኤድ ማታንቴና ወደ ደንታኖ ሀልኖ ኮሳ ሀፋንጳዛራ ወዛራ ድፃጷኳና ወዶ፡፡ 24 አጋታካ የሱስካ ገዛ ወደካናንቴ ደንብኖ ወም የሱስ ክርስቶስዘራ የስክሳይኖ አካ ማትህድና፡፡ 25 ኮደንታ ደንታስ አጋ ብራዛራን ናአናንቴን ደሀ ክና አዶንታ ናንስ ደንብንሳ አካሞሳ ደሞሮ ትህማሞ ወዶ፡፡ 26 የትህ ፓይላ ውል የሱስ ክርስቶስም የቻደንታካ ባርያ ናሶና የትህ፡፡ 27 የሱስ ክርስቶስ ለማ ክንካ ካላ የዴካናንቴ ጩባጳደና ፓይላ የትህ የሱስ ክርስቶስም የአሪስደንታካ፡፡ 28 አይሁድናቤ ግርክናቤ ካይስናቤ ኤና ካይስን ትህሞናቤ አንጌናቤ ማናቤሳ ባክሮጎ ፓሽማ ቆልማሞ፡፡ ኬ ፓይላ ውል የሱስ ክርስቶስካ ካለና፡፡ 29 የሱስ ክርስቶስጋ የደሀና የትህ አብርሃም ብዛና አፎንሳ ብርሳንቴ ጌይጳዶን ዴንታንም ጳላይናኔ፡፡