1 ቦን ታጲ ኦይድ ራስባራ የሩሳሌም ዛራ ማታቴ እንታ ናእድና ዋደን ኦጎሣ ባርናባስ ለማ ክንካና እደ ቲቶሞካሞ እንሳንቴናእዶ፡፡ 2 እናንተ ጳውጳኳ እያፈደንካካሞ ሀማንቴ እስ ካልቴ ዘርስንናንቴ አፎን እጌያይንሞ ካሞ እንታ ኬናንቴ ጌይድና፡፡ ይያማን ካ ኬደሱንም አጎባደኖ ሞሆ ሱንም ጎብቴ እዶኖ ሀማንቴ እኩትንጳ ደንናንቴ ዋድማን ኮ ኤና ብራሮጎን ደንግንደና ናንቴ ሶጎ እባራንካ ክናም ጳውሳኔ እጳውሳይ፡፡ 3 እለማ ክንካና ደሀ ቲቶ ግርክ ኤድ ክደንካሞቃማ ክታካጴካናንቴ ሀይጳድማሞ፡፡ 4 የራ እጌናካሞ ከጳጳደና ወንደናና ዋን ፎጋሞን ኤና የሱስ ክርስቶስካ ናፃሞን ወያፍ ደንም ደያናንቴቤወም ካይስ ሀያናንቴ ወዛራ ሉኩሳማቴ ኮአይዷኳና፡፡ 5 ኤና እግና ናንቴ ኤድ ካለካሞ ኤሳርደ ካላካ ቆልማሞ ኦጎኖካሞ አፎንስ ጎንጰሞኖ ዋቻጳንቴ የለማ ክንካ ኮዴ ካናንቴና፡፡ 6 ወትህ ልክና ሀማንቴ ሀፈጳናንቴ ኤና ናንቴ ከናንቴ ሀማንቴ የሪ እአሽካያ ቆልማሞ ባሪያ ኤናሳ ወትህም ሽደንቴ ትህማሞ ኤና እግና እሳ ኬርጎናንቴ የሪ ከሻባያ ቆልማሞ፡፡ 7 ኮደን ካሞ ጴጥሮስ ኤና ቃማን ታካጳደናናንቴ ኤፎን እጌየካናንቴ እም ክኤል ቅማደግያ እንታካሞ ኤና ቃማን ታካጳድምና ናንቴ እኤልቅማደነም ጶቅስማቴ፡፡ 8 ጴጥሮስ አይውድናናንቴ ይእሣጀደ የሱስሳ ሐዋርያ ክደካናንቴ አሽካደ ባሪያ እም ዘርስን ናንቴ ይእስደ ሐዋርያት ዋድማናንቴ አሽክድና፡፡ 9 እሳሮንግያን ፋይደጳና ያዕቆብቤ ጴጥስቤ ሮዋንስቤ ናሽማን እናንቴ እንጳደንም ይጰቅሳደን ዋደንካ እቤ ባሪናባስቤናንቴ ኬልሽናንቴ ይሳ አን ሞዛቅም ቀናንቴ እምድና ሀያንቴካሞ ኬ አይውድናዛራ ወትህ ዘርስንዛራ ያአናንቴ ወሳ ቃ ካላ ማትህድና፡፡ 10 ጌጲካ ወም ኬኤልቅማ ደና ኤና ኩፋናም ወኬልሽካናንቴና ጌጲካ እሳካሞ እግናሞ ሀያንቴና፡፡ 11 ጴጥሮስ እንጾኪያ ዛራ ክናአድን ዋደንካ ማይ ክጳንባ ደንታካ ወትህሮጎ ክሳ ልክ ክትህሞንም ጌይጴድና፡፡ 12 ኤና ዋንካሞ ያዕቆብ ባራንካ ይና አድሞንሳ ብራሮ ዘርስን ባርያም ጴስሞለማ ክንካ እስሞቴና ኮዶ ኮደን ካካና አና ቃማን ታካጰደና እንደናናናም ይያፋና ኤና ቃማን ታካጳድሞና ካለንካ ፓሽማንቴ ክም ቶዛጴን ካርድስና፡፡ 13 ባርናባስካሞ ከንታግያ እም ሴሶን ቆልሞና ጫንጋለሞና ግያ ኮሳ ፓንሳጳዛራ አይውድና ዋንካሞ ይሞ ሴሶ ቆልማግያ ሀያንቴን ሽድንቶንም ካርስድና 14 ደንታኖ ክሳ አፎንሳ ጌይጳዶን ጎንካ ኮትህሞን ይጴሳና ውልሳ ወትህሮጎ ጴጥሮስም ይንታና ካያመዶ ያ አይሁዳዊ ደሀንቴ ኤና ባርያሞ ጴስሞና ደንብንካ አይሁደና ደንብንካ ያ ደማሞታ ኤና ባርያሞ ጴስሞና አይሁድና ደንብ ጎን ካጨጌካናንቴ ሀሪናንቴግድ ሀያየ፡፡ 15 ወትህ ወሳ አጴማሪካ አይሁ ኤድና ሴሶን ኤና ባርያሞ ጴስሞና ትህማሞ፡፡ 16 ኤድ የሱስ ክርስቶም ጫግንቶካና ደንብንም ጨግንቶካ ሴሶሮካ ጫንቃል ደጴሞን ወትህ ጴስድና፡፡ 17 የሱስ ክርስቶስካ ሴሶ ቆልማ ደሀናንቴ ወዛግና ወትህ ካሞ ሴሶ ኤድ ማታንቴና ወያፈንጳይ ታሀ የሱስ ክርስቶስ ሴሶኖ ብራዛራ ሽብማደቴ ከየኤካናንታ ሀያው ክያያይገ ካላካሞ ሀይማሞ፡፡ 18 ደንብን እትህጋደንም ማሳንቴ እጎባያደና እንታካሞ ደንብን ቆይና ጋራንቴ ሴሶ ጎይ እጨጋደኖ እካላ ማይና ኮደይ፡፡ 19 ባሪያ ጎያሮጎ ወያናንቴ ደንብን ባራንካ ደንብናንቴ እጀ ደንታካ፡፡ 20 የሱስ ክርስቶስ ለማ እም ዝታጲድና ናንስ እንታ ደሀማሞ ኮደን ካሞ የሱስ ክርስቶስ እሳ እሮጎ ደሀኔ ክደሀይ፡፡ ታካሞ ዋንካ ደንታኖ እደኖ እም ናሻደቤ እናንቴ ሀማንቴ ይም ሳሳካንቴ እማደ ባሪያና ሳሞ እጨጋደን ጎይንካና፡፡ 21 ባርያሳ ናሽማን እታ ሻልሻማሞ ገዛሞን ደንብባራንካ ሀፋጳያደና የሱስ ክርስቶስ ታናንስ ሱንና ክጀደ ደደ ሀንጰይ፡፡