ኡኩንሳ 5

1 ናና ናሽጵይሐና ግያ ታሀካሞ ባሪያሞ ታክማተ (ባሪያ ቃቦንም ችማተ)፤ 2 ውምካሞ ክርስቶስ ክናሽደግያ ይካሞ ኡሺም ጋማግያ ዋናተ ሐማንተ መባቤ፣ ኮጎንቤም ዋድማንተ ባሪያናተ ክዕማደግያ ይትሞክም ናሽንተ ያይማተ፡፡ 3 የሪውሊም ቡለሞ፤ ወይካሞ፣ የሪዘሪቦ ወይካ ኤድም ሴሶዘራ ባአያ ጭራሺ ግደሮ ጵጰን ኮጋሬ ኦጎኖካ ጋዘና ባሪያ ኤናናተ ዘስክማ (አግማሞ)፡፡ 4 ኡራትንሳያቤ፤ ጵለቅ በሚቤ፣ ዋዘ ቦሚቤ የናተ ኮዘስክስሞን ታካ ግደሮጎ የሳ ይሐን ኮጋሬ፤ ኮሚናሞ ጎይሽና ይሐማተ፡፡ 5 ታካሞ ካም ጵስማተ ፓይለ ቡሎና ወይከሞ ሴሶ ኤድ ወይከሞ የራ ይንትም ቡለተ ኤድተ እምማ ኤድ አጋካሞ ሜሽናሚ ወይካ ኤና ሞራናም ምስካይና፣ ክርስቶስቤ፣ ባሪያቤስ ኜሮጎ ኬስ ራቅ ቆልማሞ፡፡ 6 ጵለቅ ቆልማካ ኤድ ካላካሞ የም ሱደን ክጋሬ፣ ይያማንካም ባሪያሳ አሸሞኖ ናና ታዛዝምና (ኤኤ) ሀም ሚና ዘራ ኮስ ናአን ጎይኖካሞ ጵለቅ ኦጎንታ ሐማካና፡፡ 7 ኮደንካሞ ኦጎንታ ሐምናለማ ክካንካ አንኬ የይሐናኖ፡፡ 8 ብራንተ ፅፍሮጎና ይደው፤ ኡዎ ማንታሀ ገይካ ሮሮና፡፡ ሮሮን ናና ግያ ይሐማተ፤ 9 ሮሮንሳ ይንታኖ ጋዛምቤ፤ ጫሪግማሞቤ፣ ምስኮን ባራንካ ፓይላና፡፡ 10 ኮያማንካም ገጰም ዋዝንሳይንም ዘግማተ፡፡ 11 ዋድማን ጋዘን ቆልሞን ፅፍን ዋድማን ለማ ክንካ ኤደሞ ይሐን ኮጋሬ፤ ልካም ገይማቴ፡፡ 12 ዋድማ አጵማንተ አሽካድያሳ ጵለቅ ይባራንካ ኡሪትንሳና ኮኩሪትንሳይ፡፡ 13 ሮሮኖ ኮሮጵ ኮያማን ፓይለ ውል ማይና ኪያፍጰይ፡፡ 14 ኮያማንካ ሮሪ ፓይላ ውል ማይ ኮያፍጵካናተ ዘስካይኖ ሮሮና፡ አጋታካ "ያ ውጵንታን ደሀ ጵዴማ ዴጳን ባራንካ ጵጴማ ክርስቶካ ሮጳቦና ክሮጰስይ ሀጵድና፡፡" 15 አይታላካ ካሪሳንተ ቃቦን ቆልምናግያ ደሀን የጋሬንተ ቃቦንካ ደሀናግያ ደሀናተ የም ካሞ መክመተ፡፡ 16 ዘርቦና ሮሮናካሞ ቦኖካሞ ገጰና ኮስያደው:: 17 አጋ ታካ ኤና ሞኝና የማትናኖ፤ ገጰስካም ቃበኖ አሞንተ ኮደንካሞ የይስሞን ታካ፡፡ 18 ካንታን ጋዛንካ የምካሞ መክማተ ውጨንካ የባሪያጵናኖ፤ ኦጎኖካ ላልሞና፡፡ 19 ዋርስ ጵስቤካቤ ጅጉማቤካቤ፣ ባሪያናተ ጎሺህ እማያ ዋሪስሴካ ክንካ ማተንተ ጵላቅማታ፤ ወይላም የስካካም ባሪያ ጎይንም ዘጋንተ ጵስማተ፤ 20 ኦጎካካም ወባ ባሪያቤ ገጰ የሱስ ክርስቶቤሳ ናብንም ሮሮ ውሊ አምስገንመተ (መስክማተ) 21 የሱስ ክርስቶስ ባሪንካ የሳ ይን ጎቢንታካ ሐማንተ ኤያዋሀ ኤያ ዋም ክጎቤ፡፡ 22 ሜኖ እስ ገጰም ሐጎሽያ ግያ አጎና የሳናተካ ጎቢማተ፤ 23 ገጰ ክርስቶስ ፤ ለማን ይተ ካላን ማተደን ናተ ኤና ባሪያም ሚካይናናተ መተ (ጰባሪ) ገጴ ክደንም ፓይላ፤ አንጋካሞ ሜን ይሳሳ ሜተና (ገጰና) 24 ኮደንካሞ ኤና ባሪያም ምስካይ ክርስቶስ ናተ ኬኮንፓርሰይንካ፤ ሜናካሞ የሪ ፓይላ ውልካ አጌና ይሳነሃ ኤኤ (ኮንፓርስና) ኮዘስካይ፡፡ 25 ኦጌናቶ ክርስቶስ ባሪያሳ ኦኖ ዶደግያ ሐሞንታካቤ ይካሞ ኮናተ ሐማንተ ሳሲካተ ክማደግያ ይትካ ሜና የሳም ናሺማተ፣ 26 ቃልንካ ሐማንተ ሮቆንካ ሽያንተ የቻሪግሜካ፣ 27 ኮደንካ ደሀ (ቆሻሻ) ወይካሞ ውትህ ትራቤ ወይካሞ ዋንካሞ ችማ ሕነጵንም ሀፍማ ገዛምን ቃይሲ ሐያንተ ይሐና ጎቢንታን ባሪያሳ አኖ ሐያንተ ይካሞ ጰዋነታተና ኬደው፡፡ 28 አጎናካ አጌናካሞ ይንታ ሜናካሞ ብሸይ ይስግያ ናሽንታና ከዘስካይ፡፡ ሜንካሞ ናሽያ ይካሞ ክናሽይ፡፡ 29 ብሺህን ይኖንም ቶዛጵያ ኤድ ካለካሞ ቆልማሞ እሳካና ክዕሲሳይ፣ ማንካና ክማንካይ፤ ክርስቶካም ባሪያስ ኦኖናተ ዋደና ክዋደይ ልክ ኦጎንታና፡፡ 30 ውትካሞ ክርስቶስ ካም ባሪያሳ ኦኖናተ ዋይር ክዋደይ ልክ ኦጎንታና፡፡ 30 ውትካሞ ክርስቶስ ብሺና ኔ፡፡ 31 አጋ ታካ ኤና ካሞ አምባ፣ እንይቤም ጋራና ኬጋራይ ክንካ ሜን ይስላማ ካባና ኬደይ (ኬማታይ) ለማ ውል ብሺ ካላና ኬማታይ፡፡ 32 ገጰና ጵለቃ አጋ (ጵለቅ ዋችና ኦጋ) እንታካሞ ጵለቃ አጋሚ ክርስቶስቤ፣ ባሪዬን ኦኖናተቤ ገያና እጌያ፡፡ 33 ኮደን የግዶካካሞ ኤና ዋን ሜን ይስም ይግያ ሐያንተ ክነሼ ሜኖካሞ አንጋሚ ኮጎቤ፡፡